психолошка помош – Kurir.mk

Отворени телефонски линии за прва психолошка помош при пожари

Ивона Петрова — Thu, 05 Aug 2021 09:42:59 +0000

Црвениот крст ги повикува сите граѓани кои имаат потреба од прва психолошка помош да се обратат на отворените СОС телефонски линии. – Секое лице кое се чувствува загрозено и вознемирено поради настанатите пожари може да се обрати, постави прашања и добие одговори и совети за успешно справување со ситуацијата која ја загрозува благосостојбата и создава чувство на лична и колективна загрозена безбедност, стои во фејсбук-статусот на организацијата од каде потсетуваат за можноста да се користат отворените телефонски линии на кои има соодветна прва психолошка поддршка од обучени волонтери. Отворените телефонскии линии се поделени на региони а се однесуваат на сите општини и населени места кои припаѓаат на наведените региони: Скопски Регион – 071/367-909, 071/367-981 и 071/379-119 Пелагониски Регион – (Битола, Демир Хисар, Крушево, Прилеп, Ресен) 047/236-019 и 070/791-770 Југозападен и Полошки Регион – (Гостивар, Тетово, Дебар, Кичево, Струга,Охрид) 072/239-051 и 072/239-077 Источен, Североисточен и Југоисточен Регион (Штип, Кочани, Берово, Виница, Делчево, Пробиштип, Кратово, Куманово, Крива Паланка, Струмица, Гевгелија, Валандово, Радовиш) 071/426-660 и 071/426-633 Вардарски Регион (Велес, Неготино, Свети Николе, Градско, Чашка, Кавадарци, Лозово, Росоман, Демир Капија) 075/294-036, 071/274-229 и 043/231537. ар/лв

Отворени три нови телефонски броеви за психолошка поддршка

Ивона Петрова — Fri, 03 Apr 2020 08:34:56 +0000

Во соработка со Клиниката за психијатрија отворени се уште три нови телефонски броеви за психолошка поддршка за трудниците и родилките, лицата со нарушување на слухот, говорот и гласот, како и психолошка поддршка за лица во самоизолација на албански јазик во периодот со справувањето со Ковид-19 во земјава, соопшти Министерството за здравство. На телефонските броеви, како што соопштија, одговараат стручни лица, психијатри од Клиниката. Трудниците и родилките на кои им е потребна психолошка поддршка можат да се советуваат на телефонскиот број 078/378-766 во периодот од 9 до 16 часот. Лицата со нарушување на слухот, говорот и гласот можат да се советуваат на 072/919-009 во периодот од 9 до 16 часот на овој телефонски број преку апликацијата „Вибер“. Овозможена е и поддршка за лица во самоизолација на албански јазик на 070/291-657 од 9 до 16 часот. Од Министерството потсетуваат дека функционираат и останатите телефонски броеви за психолошка поддршка. Родителите на деца на предучилишна возраст и училишна возраст можат да се јавуваат на телефонскиот број 072/912-676. Возрасните лица кои се во самоизолација можат да се јавуваат за психолошка поддршка на 072/919-009. – Телефонскиот контакт на возрасните лица во самозиолација и лицата со нарушен слух, говор и глас е ист, меѓутоа комуникацијата за вторите лица е исклучиво преку „Вибер“ апликацијата, се вели во соопштението. Во соработка со УНИЦЕФ и во партнерство со Универзитетската клиника за психијатрија, додаваат од Министерството, отворени се дополнителни линии за психолошка поддршка наменети за родители и самите деца на училишна возраст, секој работен ден од 9 до 16 часот. За тинејџери и нивните родители на телефонскиот број 078/378-728 и за родители на деца со попреченост на 070/291-574. – Грижата за психичкото здравје е исто толку важно како и грижата за физичкото здравје во услови на пандемија со коронавирус, додаваат во соопштението.

Бесплатна психолошка помош за настраданите, за нивните семејства и за спасувачите

Ивана Ефремовски — Fri, 15 Feb 2019 09:20:13 +0000

Настраданите во трагичната несреќа на автобусот од Гостивар, нивните семејства и учесниците во спасувањето ќе добијат можност за бесплатна психолошка помош од лиценцирани психолози. Помошта ја обезбедија Комората на психолози во соработка со Дирекцијата за заштита и спасување и градоначалникот на Гостивар, Арбен Таравари. „Психолозите – лиценцираните членови на Комората на психолози ќе отворат психолошки советувалишта во Гостивар и во Скопје“, соопштија од Комората. Во несреќата која се случи во средата попладне загинаа 14 патници, кога од патот излета автобус кој одел кон Гостивар со 51 патник. 37 од патниците се во болница, а седуммина се во критична состојба.