психолози – Kurir.mk

Лекарите задолжени за Коста шокирани од неговото однесување, еве што се случува во болницата зад затворени врати

Ивона Петрова — Thu, 29 Jun 2023 07:04:36 +0000

Момчето-убиец што на 3 мај изврши страшен масакр во ОУ „Владислав Рибникар“ во Белград и уби девет соученици и училишниот чувар, веќе речиси два месеци е на Клиниката за деца и млади за невропсихијатрија, на специјално одделение. Лекарите кои во контакт со Коста, во најмала рака не престануваат да се изненадуваат од неговото однесување. На Клиниката за невропсихијатрија за деца и младинци, во изминатите два месеци биле извршени различни психолошки прегледи со цел експертите да се обидат да навлезат во умот на момчето-убиец, меѓу другото да се обидат да разберат што го мотивирало да изврши страшно злосторство, но и дали давал знаци кои требало да ги забележат луѓето од неговата најблиска околина. Сепак, како што објавува Блиц.рс, лекарите кои имале контакт со момчето биле многу повеќе шокирани од неговото секојдневно однесување. А посебен впечаток им оставиле пет работи. Факт1: Не покажува каење Откако бил однесен на Клиниката за детска и адолесцентна невропсихијатрија, момчето-убиец не покажувало знаци на каење за стореното дело, иако одзело животи. Според теоријата на Зигмунд Фројд, суперегото е етичка компонента на нечија личност која му дава морални стандарди врз основа на кои се однесува. Суперегото се развива главно во текот на првите пет години од животот на детето, како реакција на родителското казнување или одобрување. Притоа, детето ги апсорбира моралните стандарди на родителите, традициите на семејството и општеството во кое расте и во него се формира суперего кое ја контролира агресијата и другите општествено непожелни импулси. Кога детето има соодветно развиено суперего, тој чувствува вина или вознемиреност кога ги прекршува етичките стандарди поставени од неговото суперего и има потреба да се искупи за своите грешки. Ништо од тоа не постои кај Коста. Факт 2: Родителите не го интересираат Момчето-убиец од самиот почеток не барал никаков контакт со родителите, туку само се распрашувал за нив во насока на тоа дали ќе го „извлечат“ од таа институција. Добро запознаен извор на „Блиц“ со случајот претходно истакна дека во сите постапки на момчето-убиец е фрапантно тоа што се грижи само за себе. - Не покажува емпатија и грижа кон родителите и семејството, освен ако тоа не е директно поврзано со неговата удобност. На пример, прашува кога неговото семејство ќе направи нешто (за неговото ослободување). Очигледно, тој не го планирал овој исход, дека ќе биде во институција, туку дека веднаш ќе биде ослободен (бидејќи за време на убиствата имал неполни 14 години и според српските закони не може кривично да одговара за стореното кривично дело) – рече изворот. Сè уште не се знае само врската со неговата помлада, десетгодишна сестра, со која делел соба и го поминувал поголемиот дел од времето, а тоа властите треба да го откријат откако ќе биде испрашувана и таа. Факт 3: Тој бара да биде ослободен Изворот на „Блиц“, опишувајќи ја состојбата на момчето само неколку дена по масакрот, изјави дека момчето-убиец мисли и се однесува како да е само прашање на време кога ќе биде пуштен од Клиниката, , кога ќе биде слободен. Како што пишува „Блиц“, момчето-убиец очигледно бил убеден дека тоа требало да се случи во првите неколку дена, а како што претходно беше обелоденето, во текот на истрагата било утврдено дека детално истражувал дали и како може да биде казнет. Но, бидејќи шанси да биде пуштен на слобода речиси и да ги нема, Коста почнал секојдневно да бара да биде пуштен, бидејќи тврди дека „повеќе нема причина да остане во болница“. Факт 4: Тврди дека е „сосема нормален“ Ова тринаесетгодишно момче секојдневно го поставува прашањето „дали излегувам денес“, а како што поминува времето и сфаќа дека нема тоа да се случи, почнал да инсистира на одговорот зошто е во институција кога „се е во ред“ со него и зошто е затворен „кога е нормален“. Меѓутоа, во последно време Коста почнал да покажува низа промени во однесувањето. Лежењето и релаксацијата ги заменил со шетање низ собата и делот од установата каде што е сместен. Почнал бурно да реагира на мали, речиси безначајни причини или дури и без причина. - Покажува нервоза со зборови и движења, се почести прашања и барања. Но, секогаш се се врти околу него и сите прашања што ги поставува се поврзани исклучиво со него и неговата удобност. Не го интересираат луѓе од надворешниот свет. Неговата нервоза не е поврзана со каење за масовното убиство. Се интересира само за себе - вели изворот на Блиц. Но, и покрај тоа што уверува дека со него „се е во ред“, лекарите се сигурни дека постои опасност да се повтори истиот, сличен или уште побрутален чин. Факт 5: Тој верува дека е популарен Лекарите кои секојдневно се во контакт со него биле особено шокирани што од првиот ден кога тој дошол на Клиниката се интересирал за реакцијата на јавноста за неговото страшно злосторство и реакциите во училиштето „Владислав Рибникар“, како и како надвор од него. Евидентно е дека промената во неговото однесување во последните недели се случила, меѓу другото, и затоа што сфатил дека не станал никаков херој или спасител како што можеби мислел во еден момент.

Психолозите откриваат: Скриени особини на интелигентните луѓе

Ивона Петрова — Wed, 04 Jan 2023 12:06:02 +0000

Ова се малку познати знаци дека сте натпросечно интелигентни. Забавувајте се и тестирајте се. Мислиш дека ништо не знаеш Луѓето кои имаат натпросечна интелигенција често ќе се сомневаат во нивните способности, како што покажува студијата спроведена на студенти. Оние кои мислеле дека поминале лошо на тестот и го кажале тоа, всушност биле поинтелигентни од оние кои тврделе дека поминале одлично! Љубопитност Ве интересира се, дури и што би рекле другите „кому му е гајле за ова“. Интелигентните луѓе се во постојана потрага по нови искуства и знаења за светот околу нив. Самоконтрола Едно истражување вклучувало прашање за луѓето дали би сакале веднаш да добијат помала сума пари или да чекаат и да добијат повеќе подоцна. Оние кои чекаа подобро поминаа на тест за интелигенција. Тврдоглавост Повисоката интелигенција значи и дека размислувате повеќе, па секое мислење што го имате е всушност сигнал дека внимателно сте измериле што ќе кажете за вашиот став. Ова е причината зошто другите понекогаш мислат дека сте тврдоглави. Обожавате чоколадо Познато е дека состојките во чоколадото ја подобруваат меморијата и помагаат во расудувањето, а луѓето кои често јадат чоколадо се поуспешни од другите, покажуваат тестовите за интелигенција. Одложувате Ако ги одложите задачите до последен момент, тоа може да биде неочекуван знак за висока интелигенција. Тоа значи дека избегнувате да брзате и рационално управувате со вашето време според приоритетите кои самите си ги поставувате. Бучавата ве нервира Ако претпочитате да работите во тишина, споделувате карактерна особина со многу великани како Франц Кафка или Чарлс Дарвин, кои инсистирале на мртва тишина за да се концентрираат. Не верувате во случајности Оние кои одбиваат да веруваат во случајности, можат да видат врска што другите не ја гледаат. Тоа значи дека и двајцата сте креативни, но и подобро ја анализирате вашата околина. Ги завршувате туѓите реченици Вашата емоционална интелигенција е толку голема што навистина „знаете“ што некој друг ќе каже. Тоа го базирате на сите ваши минати искуства со таа личност, како и предвидувањата за исходот од разговорот што се случуваат во вашата глава со молскавична брзина.

Психолозите предупредуваат: Некомуницирањето со партнерот ќе ви донесе проблеми

Ивана Ефремовски — Thu, 26 May 2022 20:12:13 +0000

Психолзите често повторуваат дека комуницирањето е клуч за здрава врска. Три четвртини од паровите велат дека повеќе би сакале да комуницираат, шест од десет парови чувствуваат дека го губат контактот со сродната душа, додека 15 од нив дел од времето го поминуваат следејќи ги јавните личности отколку да разговараат со партнерите. Истражувањето во кое учествувале 2.000 испитаници покажало дека и третина од паровите повеќе комуницираат на социјалните мрежи отколку во живо. Психолозите тврдат дека постојат многубројни последици, од оддалечување, губење на блискоста, па и до голем број на проблеми. Се живее многу брзо и се помалку време имаме едни за други, па стручните лица советуваат да ја подобрат комуникацијата така што ќе јадат најмалку еден оброк заедно во денот.

Психолозите откриваат која особина е најважна за долга и среќна љубовна врска

Ристе Здравков — Thu, 05 May 2022 12:01:31 +0000

Довербата, разменувањето љубов – се само дел од важните работи за среќна врска или брак. Доколку ги прашате експертите која е најважната особина која гарантирa долготрајна љубовна среќа, ќе се согласат дека станува збор за емпатијата. Eмпатијата можеме да ја дефинираме како способност за разбирање на туѓите чувства, сочувствување со нив и споделување на чувствата со другите. Таа е срцето на секоја врска, а без неа поединци не можат вистински да се поврзат еден за друг. До овие сознанија дошле докторите Џон Бовлбл и Мери Еинсворт и тоа истражувајќи ги однесувањата на бебињата и нивните родители. Истражувањето покажало дека децата чии родители не биле сочувствителни подоцна во животот имале проблеми со поврзување со другите, особено во контекст на љубовни односи. Човечките суштества се создадени за градење на врски, а емпатијата е многу важна. Доколку личноста не се сочувствува со другата половина, ѝ испраќа порака дека не ја почитува. Тогаш врската станува нестабилна и со текот на времето се распаѓа. Емпатијата е важна и кај двата пола, таа може да се развие, а обидите на градење на оваа важна човекова особина кај мажите се смета за позитивен сојузник на вистинската насока кон подобра и квалитетна врска, потврдила студијата на Здружението на американски психијатри со истражувачите од Харвард и колеџот Брин Мавр. Дури и доколку мажот не е емпатичен, неговата желба да се сочувствува со партнерката ќе го направи среќен и задоволен.

Одвојте време за себе: Пред да влезете во нова врска, психолозите советуваат да ги направите овие 4 работи

Ристе Здравков — Thu, 05 May 2022 07:14:29 +0000

Луѓето често одат од врска во врска и не си даваат доволно време да се опорават. Секое искуство е приказна само по себе, но би било добро да се направи пауза од најмалку шест месеци за да се преболи раскинувањето. Психолозите веруваат дека има некои работи кои треба да ги правите во овој период и тоа само за себе. 1. Запишете ги вашите потреби и каков партнер сакате Честопати имаме преголеми очекувања од поединци со кои сакаме да бидеме пар, поради што понекогаш сме премногу пребирливи, најмногу на наша штета. Иако е важно да се биде реален во проценката на потенцијалните партнери, секогаш треба да бидеме свесни дека никој не е совршен, вклучително, се разбира, и ние самите. Од друга страна, важно е доволно добро да се познаваме себеси и нашите потреби, за да знаеме точно каков партнер сакаме и што очекуваме од него. Експертите препорачуваат овие набљудувања да ги забележиме некаде и да анализираме што е напишано пред да влеземе во секоја нова врска. 2. Поставете ги вашите граници Што е тоа што апсолутно нема да го толерирате во врска? Добро размислете пред да направите чекор кон нова врска, бидејќи така многу полесно ќе се соочите со неизбежните конфликти со партнерот кој ве чека. Секако, како што веќе спомнавме, потрудете се да бидете реални во своите очекувања за да не дојдете во ситуација никој да не ви е доволно добар. 3. Станете свесни за вашите очекувања Дали сакате долга врска или краткорочна забава? Планирате наскоро да имате деца или не сте заинтересирани за семејство? Кои се вашите планови за кариера и дали тие се во согласност со вашите емоционални потреби? Ова се само некои од клучните прашања што треба да ги земете предвид пред да започнете нова врска. Секој од нас има одредени цели и очекувања од животот, а кога ќе одлучиме да живееме заедно со друга личност, важно е нашата идеја за добар живот да биде компатибилна со она што го замислува нашиот партнер. 4. Правете го она во што уживате По раскинувањето треба да се справиме со тешките емоции, да си дозволиме да го пребродиме тој период. Затоа е пожелно, пред да влезете во нова врска, да поработите на себе и да се занимавате со активности кои ги сакате. Поминувајте време со пријателите и семејството, но и со вашите хоби и работи кои ве исполнуваат.

На албански мафијаш во затвор му испраќале психолози, од четири забременил две

Тале Кристо — Fri, 04 Feb 2022 08:08:17 +0000

Познатиот албански истражувачки новинар од светот на криминалот, Артан Хоџа при едно свое гостување на телевизиска емисија пред неколку дена откри дека познат криминалец во затвор забременил две жени психолози. Новинарот не го откри името на затвореникот, но откри дека познатиот мафјаш сменил четири психолози, и на крај две од нив останале бремени. -Еден од овие босови од светот на криминалот, отслужувал затворска казна и побарал жени психолози, затоа што наводно имал проблеми, бил болен, и се сеќаваме дека му сменија псиолози, од кои две остануваат бремени, открива Хоџа. Истражувањето не го продолживме бидејќи ќе избиеше скандал, му ги испраќале психолозите во затвор, тој ги корумпирал, ги врбувал, затоа што пари имал, се присеќава Хоџа.

Психолозите откриваат 2 работи кои секој маж ги посакува во бракот: Ниту една не е поврзана со интимност

Ристе Здравков — Fri, 22 Oct 2021 06:16:35 +0000

За добар брак неопходно е и двете страни да покажат многу љубов, труд и внимание. Не е точно мислењето дека мажите одлучуваат да стапат во брак само поради две работи – редовно задоволување на интимните потреби и желбата секогаш да имаат чист дом и домашна храна. Имено, мажите исто како и жените имаат емотивни потреби и желби да бидат почитувани и сакани. Бракот пред сè бара посветеност од двете страни. Улогата на мажот во бракот, како и неговите ставови поврзани за заедничкиот живот, главно се погрешно претставени. Психолозите тврдат дека за мажите овие две работи се клучни во брачната заедница: 1. Немојте да го менувате На почеток од односот сè е прекрасно и бајковито, ништо не ви пречи кај партнерот и сте ги прифатиле и неговите маани. А, потоа поминува одреден период или ќе потпишете документ со кој се заколнувате на вечна љубов, па нешто почнува да се менува. Одеднаш повеќе не ви годат неговите пријатели, начинот на кој се облекува, работата со која се занимава. Звучи познато, зар не? Секако, пожелно е на вашиот партнер да му сугерирате за неговите грешки, но желбата да го промените не е добра. Мажите ја гледаат жената како поддршка и рамо на кое секогаш ќе можат да се потпрат. 2. Личен простор Сите ние сакаме да имаме време само за себе. Тоа не е себично, тоа е потреба на секој човек. Мажите многу се разликуваат од понежниот пол. Жените често имаат потреба веднаш да раскажат и да споделат работи со својот партнер, додека пак мажите често сакаат да се изолираат и сами да поминат низ одреден дел од животот. Мажите од жените очекуваат разбирање, дури и во оние денови кога многу грешат. Веруваме дека некогаш е тешко да ги разберете, но не е тешко да се обидете да го направите тоа.

Психолозите реагираат: Протоколите во училиштата ќе предизвикаат анксиозност, страв, осаменост и нетрпеливост кај децата

Ивана Ефремовски — Fri, 09 Jul 2021 12:57:46 +0000

Новите протоколи што ги предложи Комисијата за заразни болест и ги прифати Министерството за образование (МОН), а кои се однесуваат на физичкото присуство на учениците во училиштата од септември, наидоа на остри реакции кај родителите, кај дел од лекарите, а сега и кај психолозите, пренесе ПлусИнфо. Одржувањето физичка дистанца од 1,5 метри во училниците, ходникот и во двориштето на училиштата, задолжителното носење заштитни маски на лицата, забраната за пуштање на климатизерите и вентилацијата, како и чекањето редици за во тоалет, како што е предвидено според новите протоколи, за психолозите е претерано и контрапродуктивно. Плусинфо разговараше со психологот Ангела Будиноска, која вели дека строгите правила можат кај децата да предизвикаат оттуѓеност, недостиг на социјална и емоционална интелигенција, помалку емпатичност, како и отсуство на препознавање и одговор на сопствените и туѓите емоции. -Да земеме едноставен пример каде што детето не смее да допира предмет кој бил во рацете на друго дете. Тешко, дури и невозможно е да се развие концептот на заедништво и споделување. Притоа, детето е на возраст кога треба да научи да споделува работи со другите. Тоа е вештина која детето треба да ја донесе во светот на возрасните, објаснува Будиноска. Таа предупредува дека целосната насоченост на вниманието кон мерките може да предизвика анксиозност и страв кај учениците. -Со повторното враќање на децата во училишните клупи, треба да се очекува нивна зголемена претпазливост и будност во однос на допирање предмети, физички контакт и миење раце. Сосема е во ред да бидат свесни за протоколите и да се придржуваат мерките. Но, исто така е важно децата да не се фокусирани само на одржувањето физичка дистанца, туку да се опуштат и да не бидат постојано загрижени за сѐ околу нив. Целосната насоченост на вниманието кон мерките може да предизвика анксиозност и страв, посочува Будиноска. Целата вест прочитајте ја на ПлусИнфо.

Прочитајте ги луѓето за само 7 секунди- психолози ги откриваат триковите

Катерина Бојаџиева — Wed, 07 Apr 2021 20:45:02 +0000

За да прочитате некој човек, потребни ви се само неколку секунди. Што може да заклучите по само 7 секунди? Психолозите ви ги откриваат триковите со кои ќе можете да ги прочитате луѓето за кратко време. Книгите не треба да се судат според кориците, но науката покажала дека ние го правиме токму тоа. Луѓето се склони уште во првите седум секунди по запознавањето да создадат слика за личноста. И иако понекогаш таа слика е погрешна, ние сепак се држиме за неа прилично долг период. Какви заклучоци донесуваме за толку кратко време? Доверливост Потребна ни е само десетинка од секунда за да процениме дали можеме да веруваме некому. Истражувањето е спроведено помеѓу студенти: една група имала 100 милисекунди за да оцени привлечност, агресивност, симпатичност, доверливост и уште неколку карактеристики и се тоа од гледање на лицето на познати актери, додека пак другата група не била временски ограничена. Размислувајќи за карактеристиките, на некои им било потребно повеќе, а на некои помалку време, освен кога во прашање била доверливоста – и двете групи го процениле тоа во ист временски период. Финансиската состојба Вашата облека може да го открие вашиот статус. Истражувачите откриле дека луѓето кои носат брендирана облека се перцепирани како помоќни и побогати луѓе. Сексуална ориентација Дали сте знаеле дека е потребна само една секунда за да процениме каква е сексуалната ориентација на луѓето? Интелигенција Дали некој ќе ве доживее како интелигентна личност зависи и од вашиот начин на комуникација, односно одржувањето на контакт со очи за време на разговорот. Контактот со очи додека зборувате со некого е многу важен. Оддава впечаток на интелигентна личност, а најспособните меѓу нас знаат тоа да го искористат и да го претворат во предност. Склоност кон промискуитет Едно истражување покажало дека Британците поинаку ги доживуваат жените со тетоважи, односно ги сметаат за помалку привлечни и попромискуитетни од жените кои немаат тетоважи. Очигледно некои предрасуди никогаш не стареат. Доминантност Иако многу мажи очајуваат кога косата ќе почне да им опаѓа, истражувањето на Универзитетот во Пенсилванија покажало дека немаат причина за очајување, бидејќи мажите без коса се окарактеризирани како подоминантни од оние кои имаат коса. Авантуристички дух Изгледот не е единственото нешто коешто им го привлекува вниманието на луѓето, некои впечатоци се создаваат како резултат на начинот на кој се движите. Луѓето кои одат поопуштено ги доживуваме како луѓе кои сакаат авантури.

Психолозите откриле кој е клучот за зачувување на љубовта во долгите врски

Магдалена Андонова — Mon, 24 Aug 2020 09:55:36 +0000

Дали некогаш сте се заљубиле во партнерот толку многу што мислите дека ќе трае вечно? И тогаш од година во година таа љубов почнува да бледнее и веќе не се тие чувства исти како порано. Зошто? Постојат многу длабоки причини кои одговораат на ова прашање, иако секако дека не секогаш е така. Можете да ја одржите вашата врска жива и возбудлива без оглед колку долго сте заедно, но прво треба да знаете зошто згаснува, а потоа треба да знаете што можете да направите поинаку – било во вашата тековна врска или во следната. Кога две лица се вљубуваат, тие се вљубуваат во она што го гледаат едни во други, односно она што мислат дека го гледаат едни во други или во луѓето какви што се претставуваат. Покрај тоа, честопати се вљубуваме во начинот на кој сме сакани, а не онолку колку што чувствуваме љубов кон другата личност. Но, ако секој партнер не ги исцели своите стравови – стравот од одбивање и стравот од губење на сопственото „јас“ во врската, овие стравови неизбежно ќе се појават во врската. Кога тоа ќе се случи, се појавува контролно однесување. Без разлика дали тоа е отворена контрола (како што е гнев или вина што произлегува од вознемирен стил на приврзаност што произлегува од страв од одбивање) или прикриена контрола (како што се договор, отпор или повлекување како резултат на стил на избегнување на приврзаност), контролата на однесувањето ги уништува чувствата на заљубеност . Да се одржува љубовта жива, значи дека кога се појавуваат стравови од губење на друг или губење на себе, вие одлучувате да ја користите врската за учење и заздравување, наместо да се заштитите од тоа што се плашите со вашите различни форми на контролно однесување. Како да ја одржуваме љубовта жива Клучот за зачувување на љубовта е новитетот што доаѓа од отворањето за учење за себе и за партнерот. Одржувањето на срцето отворено, учењето да преземат одговорност за сопствените чувства и стравови и поддршката едни на други во лекувањето на овие стравови е она што ја одржува љубовта жива. Оваа отвореност за учење не само што им помага на паровите да се „лекуваат“, туку секој член се развива во нивната способност да се види и да се цени себеси и другите. Оние што учат да се сакаат себеси, тогаш можат да ја споделат својата љубов едни со други, не секогаш обидувајќи се да имаат контрола над љубовта. Животот на љубовта потекнува од ново учење кое постојано се случува во љубовните врски кога секој партнер е отворен за учење да преземе одговорност за лекување на стравовите и лажните верувања кои водат до управување со однесувањето. Двојките остануваат лудо вљубени кога постојано учат за тоа како се сакаат себеси и другите, а отфрлањето на лажните верувања и третирањето на стравовите е првиот чекор во тоа.