ФОТО: Спасени туристи кои паднале во провалија во охридско, планинската спасителна служба во итна акција

Ивона Петрова — Sat, 08 May 2021 09:10:35 +0000

Планинската спасителна служба (ПСС) вчера околу 11:15 часот била алармиран од група домашни туристи, кои со изнајмени АТВ возила изведувале авантуристичка Off Road тура, при што едно возило со двајца патници излетало од патот и се превртело во провалија длабока десетина метри. Екипа од ПСС веднаш се упатила на терен, а оперативниот центар ги известил СВР Охрид и Итната Медицинска Помош. -Тимот на ПСС во 11:30ч. пристигна на место на несреќата, каде врз две лица (машко и женско), и двете со политрауми, им беше укажана прва помош и согласно протоколот за ваков вид интервенции истите беа целосно имобилизирани и со теренско возило транспортирани до возилата на итната помош, кои чекаа на најблиската пристапна точка. Во 12:10ч. двете повредени лица беа предадени на ИМП и пренесени на понатамошен болнички третман, соопштуваат од Планинската спасителна служба. Оттаму апелираат до туристичките работници и до лицата кои се корисници на услуги во авантуристичкиот туризам, да ги почитуваат и строго да се придржуваат до безбедносните правила, а во случај на несреќа, особено од ваков вид, каде најчесто станува збор политрауми со можни сериозни последици, веднаш да ги алармираат нивните тимови.

„Алфа“: ПСС и останатите со регистрирање нова дејност биле нови, како и фирмата стара 7 дена на 26-годишниот Серафимов!?

Ивана Ефремовски — Fri, 31 Aug 2018 17:00:54 +0000

За министерството за внатрешни работи нема ништо спорно што фирмата стара 7 дена на 26 годишниот Виктор Серафимов наредните 5 години ќе држи монополски бизнис со возачки дозволи на територијата на Скопје, со чист профит од неколку стотици илјади евра. И другите фирми како ПСС и останатите што учествувале на тендерот бидејќи регистрирале нова дејност за испитни центри за МВР се нови фирми. Министерот Спасовски вели дека одлуката на комисијата која бизнисот го дала на Авто испитен центар била крајно сериозна почитувајќи ги сите законски процедури и правилници. -Сите фирми кои конкурираа се нови фирми. Дали фирмите кои ги спомнавте ПСС и АМСМ се стручни и компетентни јас немам сомнеж. Фирмата ПСС не учествуваше на конкурсот, учествуваше нова фирма Испитен центар ПСС и таа фирма е формирана оваа година сега и сите други фирми кои се учесници на овој конкурс се формирани во последните месец, два, неколку дена пред огласот. Што е важно, важно е да има стручен кадар, вработени согласно законот, вели Оливер Спасовски министер за внатрешни работи. Авто испитен центар Скопје според бодувањето, не откривајќи како се бодирало, котирала највисоко на листата уверуваат од МВР. Фирмата беше регистрирана 7 дена пред МВР да го распише конкурост за издавање лиценца, 4 дена од основањето, фирмата закупи под наем училници во деловен центар на улицата перо наков 108 а. Каде се полигоните на Авто испитен центар не откриваат. Иако вчера на Алфа и беше ветено дека ќе не контактира Серафимов, нема ниту глас од младиот директор на новата фирма која 5 години единствено ќе има право да спроведува полагање на возачки испити во Скопје. Извор: АЛФА

псс – Kurir.mk

ФОТО: Спасени туристи кои паднале во провалија во охридско, планинската спасителна служба во итна акција

„Алфа“: ПСС и останатите со регистрирање нова дејност биле нови, како и фирмата стара 7 дена на 26-годишниот Серафимов!?