Промоција на публикација „Македонската модерна центар-десница и предизвиците поврзани со животната средина”

Ивана Ефремовски — Thu, 23 Feb 2023 06:52:19 +0000

Фондацијата „Конрад Аденауер“ денеска ќе ја промовира публикацијата „Македонската модерна центар-десница и предизвиците поврзани со животната средина”, од д-р Даме Димитровски, Дејан Димитриев и Радован М. Спиридонов.Настанот ќе го отвори директорот на Канцеларијата на Фондацијата „Конрад Аденауер“ во Скопје, Даниел Браун и градоначалникот на Општина Бутел, Дарко Костовски, а покрај авторите на публикацијата, обраќање на темата ќе имаат и пратеничките Гордана Сиљановска-Давкова и Рашела Мизрахи. -Публикацијата служи како прирачник и поттик во насока на воведување одржливи политики за животна средина во земјата, кои би биле во согласност со Европскиот зелен договор и би нашле соодветно место во политичката платформа на македонската центар-десница, наведоа од „Конрад Аденауер“. (МИА)

Промоција на публикацијата за притисоци врз новинарите

Ивана Ефремовски — Thu, 23 Aug 2018 05:51:44 +0000

Во ЕУ Инфо центар денеска ќе се одржи дебата и промоција на публикацијата „Невидливо насилство: Стории од редакциите” која се однесува на состојбите во медиумите во Западен Балкан: Дали новинарите и новинарките имаат иднина да се бават со својата работа во редакциите во кои работат? Станува збор за повеќемесечно истражување во Србија, Македонија, Босна и Херцеговина, Косово и Црна Гора, во тек на кое се собрани сведочења на новинари за интерни притисоци со кои се соочуваат во секојдневната работа. За сведочењата кои се обединети во публикацијата, како и заклучоците ќе зборуваат новинарките кои работеа на проектот: Уна Хајдари (Косово), Биљана Секуловска (Македонија) и Жарка Радоја (Србија). Проектот „Невидливо насилство: Стории од редакциите” е реализиран преку партнерство на шест регионални новинарски здруженија: Независното здружение на новинарите во Србија, Здружението на новинарите на БиХ, Хрватското новимарско здружение, Здружението на новинарите во Македонија и Синдикатот на медиумите во Црна Гора. Поддржан е од ЕУ и е дел од програмата „Заштита на слободата на медиумите и слободата на изразување”. (МИА)

публикација – Kurir.mk

Промоција на публикација „Македонската модерна центар-десница и предизвиците поврзани со животната средина”

Промоција на публикацијата за притисоци врз новинарите