пукотница – Kurir.mk

Три лица, од кои двајца полицајци, убиени во пукотница во Квинсленд

Тале Кристо — Mon, 12 Dec 2022 15:01:34 +0000

Тројца мажи, од кои двајца полицајци, се убиени во пукање во затскриен имот во Квинсленд, во Австралија. Во моментот на пукањето, на имотот имало четворица полицајци, кои реагирале на пријава за исчезнато лице во Виамбила, јавува Би-Би-Си. Полицијата се уште не соопштува детали за тоа како дошло до пукањето. На прес-конференцијата само кажаа дека сторителите се во бегство, а локалните жители се советувани да останат во своите домови „до ново известување“. Катарина Керол, портпаролка на полицијата во Квинсленд, изјави дека е во тек голема полициска потрага во која се вклучени специјалните и воздухопловните сили. Таа додаде дека ова е најголемата загуба на животи во инциденти што се забележани во оваа земја во последно време и им оддаде почит на полицајците кои „ја поднесоа крајната жртва за нашата заедница да ја зачуваат безбедна“. Министерот за полиција на Квинсленд, Марк Рајан, го опиша инцидентот како „трауматичен и катастрофален настан за заедницата“. Австралискиот премиер Ентони Албанезе изјави дека ова е „ срцепарателен ден за семејствата и пријателите“ на полицајците од Квинсленд кои ги загубија животите додека ја извршуваа својата должност. с

Тројца мртви во пукотница на автобуска станица во руски град

Ивана Ефремовски — Mon, 12 Oct 2020 17:23:35 +0000

Младо момче денеска отворило оган кон минувачи на автобуска станица во западниот руски град Нижни Новгород, убивајќи најмалку тројца мажи, јави ДПА. Во нападот, што се случи доцна попладнево, сериозно се повредени и три жени, соопшти полицијата, на која се повикува агенцијата. Полицијата соопшти дека трага по вооружено 18-годишно момче, кое е осомничено дека, наводно, со возило избегало од местото на настанот. Мотивот за нападот, засега останува нејасен, додава ДПА. (МИА)

Ранети шестмина полицајци: Пукотница во Филаделфија

Катерина Бојаџиева — Thu, 15 Aug 2019 06:36:31 +0000

Во пукотница во Филаделфија ранети се шест полицајци кои се обиделе да предадат налог за апсење на осомичен за распрoстранување наркотици. Полицајците биле заглавени кратко време во објектот каде се случила пукотницата, но на местото на настанот синоќа веднаш биле повикани специјалци и ги ослободиле полицајците. Објектот до доцна синоќа беше под опсада и напаѓаот наводно давал отпор и се заканувал со постојани пукотници. Повеќе објекти во соседството беа евакуирани и полицијата во Филделфија се уште ја расчистува ситуацијата. Оттаму изјавија дека полицајците не се наоѓаат во животна опасност. Од Белата куќа изјавија дека ја набљудуваат ситуацијата. Претседателскиот кандидат Џо Бајден порача побрзо закрепнување на повредените полицајци. -Ги испраќаме нашите молитви до полицајците и нивните роднини, изјавија од кампањата на Бајден. На почетокот на август во САД се случија две трагични пукотници со многу жртви. Во масовната пукотница на 3 август во трговски центар на Волмарт во Ел Пасо, Тексас, загинаа 22 лица а триесетмина беа провредени. Слични пукотница во која загинаа девет лица се случи утредента во Дејтон, Охајо.

ТЕНЗИЧНА БРКОТНИЦА: Полицаец преку шофершајбна пукаше кон убијци (ВИДЕО)

Катерина Бојаџиева — Wed, 18 Jul 2018 08:48:16 +0000

Камерата поставена на униформата на полицаец од Лас Вегас регистрирала филмска бркотница по улиците на овој американски град и престрелка каква што ретко се гледа. Полицајците се обиделе да спречат возило во кое имало двајца осомничени за убиство, објави „Си-би-ес њуз“. Полицијата соопшти дека двајцата осомничени претходно тој ден со украден автомобил влетале во салон за миење возила и застрелале еден човек кој подоцна починал. Набрзо потоа следела и полициската акција и бркотницата по улиците, во која, во еден момент, автомобилот на осомничените возел во спротивна насока. Полицаецот од чија камера е регистриран целиот настан, преку радиоврска побарал помош, а потоа преку сопствената шофершајбна почнал да пука кон возилото со осомничените лица. Како што се гледа на снимката, на стаклото се видливи дупките од куршуми. Во пукањето, еден од осомничените, идентификуван како 22-годишник по име Фидел Миранда, бил ранет. Тој бил пренесен во болница каде што подоцна починал. Другиот осомничен, 30-годишниот Рене Нуњез, избегал од возилото, но потоа бил уапсен. „Тоа не е нешто што го учиме кога се подготвувавме за оваа работа“, рекол шерифот Тим Кели. Пукањето се случило на 11-ти месецов, а полициските службеници кои се снимени се Вилијам Уман и Пол Соломон.