пукотници – Kurir.mk

Тројца загинати во пукањето во центарот на Париз

Ивона Петрова — Fri, 23 Dec 2022 14:40:41 +0000

Три лица загинаа денеска по пукотница во центарот на Париз, соопштија обвинителите. Уапсениот по смртоносното пукање во Париз им бил познат на властите, јавуваат медиумите во Париз. Радиото Франс Инфо, повикувајќи се на полициски извори, јави дека е осомничен 69-годишен маж кој бил познат по два претходни обиди за убиства. Весникот „Паризиен“ објави дека Французинот минатата година со сабја нападнал камп за мигранти, при што повредил неколку лица. Човекот излегол од затвор во средината на декември и бил под судски надзор. Осомничениот, пукал во 10-та област на градот и притоа убил три лица, а други беа повредени. Според градоначалничката на округот, Александра Кордебард, мажот пукал во курдски центар, како и во ресторан и фризерски салон. Обвинителството покрена истрага, засега нема информации за мотивот на напаѓачот.

Пукотници за време на снимањето на американска серија во Пула – луѓето почнале панично да бегаат

Ристе Здравков — Thu, 12 May 2022 15:18:30 +0000

Оваа недела во Пула започна снимањето на серијата „ФБИ: Интернационал“, поддржана од Дик Волф и Дерек Хас. Дик Волф, меѓу другото, е познат по познатата серија Law and Order, како и низа други достигнувања, а FBI International е продолжение на франшизата за ФБИ, која се фокусира на акции надвор од САД, пишува „Вечерњи лист“. Акционите сцени се снимаат во центарот на градот и пред арената Пула, а поради пукотниците кои одекнуваат во градот, многумина минувачи кои не знаеле дека се снима серијата почнале да бегаат. Дејствието на серијата се одвива во Пула, каде што се снима, а главните улоги ги толкуваат Лук Клајнтанк, Хајда Рид, Картер Редвуд, Ванеса Видото и Александра Пол, кои гледачите ќе имаат можност да ги видат во улогите на елитните агенти на ФБИ. Во серијата беа ангажирани и повеќе од 300 локални статисти кои мораа да поминат низ кастинг, односно аудиција, што предизвика голем интерес уште првиот ден. Инаку, американската крими серија која е спин оф на серијата „ФБИ“ треба да почне да се емитува кон крајот на септември годинава, но се уште не знаеме која од телевизиските куќи ќе ја купи. Серијата моментално има просечна оцена од 6,3 / 10 на интернет базата на податоци за филмови, пренесуваат медиумите.

ФОТО: Вооружен напад во болница во Чешка, најмалку четворица загинати

Ивона Петрова — Tue, 10 Dec 2019 08:26:16 +0000

Најмалку четири лица се убиени во вооружен напад во болница во град на североистокот од Чешка. За сега нема подетални информации за напаѓачот и жртвите. Неофицијално, напаѓачот е во бегство. Локалните официјални лица велат дека две лица се тешко повредени и се наоѓаат во критична состојба. На лице место се припадници на специјалните полициски сили и во тек е евакуација на областа.

Во пукотница во Филаделфија ранети шестмина полицајци

Ивона Петрова — Thu, 15 Aug 2019 06:35:51 +0000

Во пукотница во Филаделфија ранети се шест полицајци кои се обиделе да предадат налог за апсење на осомичен за распрoстранување наркотици. Полицајците биле заглавени кратко време во објектот каде се случила пукотницата, но на местото на настанот синоќа веднаш биле повикани специјалци и ги ослободиле полицајците. Објектот до доцна синоќа беше под опсада и напаѓаот наводно давал отпор и се заканувал со постојани пукотници. Повеќе објекти во соседството беа евакуирани и полицијата во Филделфија се уште ја расчистува ситуацијата. Оттаму изјавија дека полицајците не се наоѓаат во животна опасност. Од Белата куќа изјавија дека ја набљудуваат ситуацијата. Претседателскиот кандидат Џо Бајден порача побрзо закрепнување на повредените полицајци. -Ги испраќаме нашите молитви до полицајците и нивните роднини, изјавија од кампањата на Бајден. На почетокот на август во САД се случија две трагични пукотници со многу жртви. Во масовната пукотница на 3 август во трговски центар на Волмарт во Ел Пасо, Тексас, загинаа 22 лица а триесетмина беа провредени. Слични пукотница во која загинаа девет лица се случи утредента во Дејтон, Охајо. МИА

ВОЗНЕМИРУВАЧКО ВИДЕО: Двајца загинати, 10 повредени во пукотниците во Стразбур

Ивона Петрова — Tue, 11 Dec 2018 21:35:24 +0000

Во пукањето во центарот на Стразбур две лица го загубија животот, а десет се ранети, соопшти вечерва францускиот министер за внатрешни работи. Тој додал дека напаѓачот од претходно и е познат на полицијата и има досие, пренесува Ројтерс. Напаѓачот во моментов е се уште во бегство и по него се трага, а на сите жители им е наредено да не излегуваат од своите домови. Затворен е и Европскиот парламент. Полицијата го евакуирана центарот на градот, а лицата кои се нашле во близина на местото каде се случил нападот се засолниле во блиските барови. Пукањето било во близина на Божиќниот базар во градот, а се уште не е познато дали станува збор за терористички чин.

Петмина убиени во оружен напад во мексиканското летувалиште Канкун

Даниел Василев — Sat, 28 Jul 2018 19:51:57 +0000

Мексиканските власти соопштија дека пет лица се убиени, а тројца повредени откако вооружени напаѓачи влегле во една продавница во близина на ресторан во летувалиштето Канкун и отвориле оган врз група полицајци. Властите во мексиканската сојузна држава Кинтана Ро потврдија дека е убиен еден полицаец, а „меѓу ранетите или настраданите нема туристи, ниту странци“. Обвинителството нагласи дека се убиени четворица вработени во продавницата, која се наоѓа на патот меѓу Пуерто Хуарес и Пуерто Сам, од каде голем прој посетители заминуваат на островот Исла Мухерес во Карипското Море. Мексиканското Министерство за внатрешни работи неодамна соопшти дека бројот на убиства во таа земја во првите шест месеци од годинава се зголемил за 16 отсто, достигнувајќи 15.973 загинати. МИА

ВИДЕО: Србин изрешетан со 30 куршуми во Јоханесбуг

Даниел Василев — Wed, 18 Jul 2018 09:16:01 +0000

Во предградие на Јоханесбург, Јужна Африка, со 30 куршуми изрешетан е српскиот државјанин Д.К. Неговата сопруга и еден маж се тешко повредени, јавуваат белградските медиуми. Сопругата на убиениот и мажот, исто така се српски државјани. Тие биле во автомобил на кој пукале засега непознади напаѓачи. Таа се здобила со повреди во пределот на главата, а со хеликоптер биле префрлени во најблиската болница. На неколку километри одалеченост пронајден е запален автомобил, марка „мерцедес“, пренесуваат „Блиц“ и „Новости“. Локалната полиција соопшти дека пукањето се случила вчера околу 14 часот по локално време, додавајќи дека во тек е истрага и оти се трага за одговорните за нападот. -Мотивот за убиството се уште не е познат. Полицијата истражува убиство и обид за убиство, изјави портпаролот на полицијата, капетан Кеј Макубеле. Тамошните медиуми известуваат дека жртвите биле во автобоил марка „БМВ“, кога патот им бил блокиран од автомобил со тројца осомничени.

Поранешна НБА ѕвезда убиена при престрелка со полицијата

Даниел Василев — Sat, 07 Jul 2018 13:15:34 +0000

Поранешниот НБА играч и Тајлер Ханикат се забарикадирал во куќата во Лос Анџелес и пукал на полицијата, која го убила, јавуваат американските медиуми. Полицијата добила повик од мајката на кошаркарот која им рекла дека нејзиниот син се однесува неконтролирано. Кога полицијата пристинала на местото, тој пукал на полицајците кои возвратиле. Според медиумите, ниту еден од полицајците не е повреден во пукотниците, а околу 30 станари од соседството се евакуирани, при што реагирала и полициските специјалци. Тие по пукотниците го пронашле мажот во куќата кој не давал знаци на живот. -Единицата SWAT влезе во куќата и пронајде безживотно тело. Тој е прогласен за мртов на лице место. Истражувачите од нашето одделение се на местото на настанот и спроведуваат истрага, а ние ќе дадеме повеќе детали кога ќе ги имаме, се вели во соопштението на полицијата од Лос Анџелес. Ханикат минатата сезона играше за Химки, а претходната за Анадоли Ефес.

Расте бројот на мртви во престрелката во Малме

Даниел Василев — Tue, 19 Jun 2018 14:36:12 +0000

Тројца од шестмината ранети мажи во вооружената пресметка во шведскиот град Малме им подлегнаа на повредите, соопштија властите во Шведска. Полицијата соопшти дека двајца мажи на возраст од 18 и 29 години за време на ноќта им подлегнале на повредите здобиени во пукотниците, а здравствените претставници рекоа дека третиот маж кој бил на возраст од 30-тина години исто така починал. Уште тројца мажи се ранети во пукотниците кои се случија вчера вечер, од кои еден е во потешка здравствена состојба. Очевидци велат дека мажите се ранети додека излегувале од едно интернет-кафе во југоисточниот дел на Малме. Шведските медиуми пишуваат дека пукотниците се слушнале во близина на полициска станица така што полицајците веднаш биле на местото на инцидентот. Полицијата вели дека се уште никој не е уапсен поради поврзаност со пукотниците и оти полицајците се во потрага по едно темно возило. Обвинителството денеска соопшти дека овој инцидент нема „терористички предзнак“. Иако во Шведска стапката на криминал е релативно ниска, сиромашните делови на Стокхолм, Гетеборг и Малме во последните години бележат раст на насилство кои власитите им ги препишуваат на групи поврзани со трговија на дрога и проституција.

Пукотници во Атина: Пресметка меѓу Руси и Албанци

Даниел Василев — Sun, 17 Jun 2018 17:36:27 +0000

Во судир на две групи, едните Руси, а другите Албанци кој потоа прераснал во вооружена пресметка попладнево во Атина повредени се две лица. Полицијата соопшти дека до судирот дошло меѓу групи Руси и Албанци во атинскиот дистрикт Перистери од засега непознати причини, како и оти двете групи употребиле огнено оружје. Се слушнале пукотници, а минувачите набрзина побарале засолниште. Двајца странски државјани се ранети во нога. На местото пронајдени се осум чаури од куршуми, а повредените се превезени во болница, пренесува АНА. Полицијата покрена истрага и ги уапси учесниците во инцидентот.