пула – Kurir.mk

ГОЛЕМ ПОЖАР ВО ХРВАТСКА: Силното невреме им ја отежнува работата на пожарникарите

Магдалена Андонова — Sun, 14 Aug 2022 14:33:15 +0000

Денеска околу 12 часот избувнал пожар кај аеродромот во Пула, а во гаснењето на пожарот биле ангажирани двајца канадери. Хрватскиот авто-мото клуб известува дека патот од аеродромот кон Валтура е затворен за сообраќај, пренесува „Индекс“. Во Истраската жупанија се гаснат три пожари на отворено, а работата на пожарникарите ја отежнува силното невреме, известија од Хрватската противпожарна бригада, наведувајќи дека на помош пристигнуваат и противпожарни возила. Ангажирани се околу 80 пожарникари со 30 противпожарни возила. Пожарот ја зафатил површината со трева и ниска вегетација.

Пукотници за време на снимањето на американска серија во Пула – луѓето почнале панично да бегаат

Ристе Здравков — Thu, 12 May 2022 15:18:30 +0000

Оваа недела во Пула започна снимањето на серијата „ФБИ: Интернационал“, поддржана од Дик Волф и Дерек Хас. Дик Волф, меѓу другото, е познат по познатата серија Law and Order, како и низа други достигнувања, а FBI International е продолжение на франшизата за ФБИ, која се фокусира на акции надвор од САД, пишува „Вечерњи лист“. Акционите сцени се снимаат во центарот на градот и пред арената Пула, а поради пукотниците кои одекнуваат во градот, многумина минувачи кои не знаеле дека се снима серијата почнале да бегаат. Дејствието на серијата се одвива во Пула, каде што се снима, а главните улоги ги толкуваат Лук Клајнтанк, Хајда Рид, Картер Редвуд, Ванеса Видото и Александра Пол, кои гледачите ќе имаат можност да ги видат во улогите на елитните агенти на ФБИ. Во серијата беа ангажирани и повеќе од 300 локални статисти кои мораа да поминат низ кастинг, односно аудиција, што предизвика голем интерес уште првиот ден. Инаку, американската крими серија која е спин оф на серијата „ФБИ“ треба да почне да се емитува кон крајот на септември годинава, но се уште не знаеме која од телевизиските куќи ќе ја купи. Серијата моментално има просечна оцена од 6,3 / 10 на интернет базата на податоци за филмови, пренесуваат медиумите.

Поради коронавирусот откажан Филмскиот фестивал во Пула

Тале Кристо — Wed, 15 Jul 2020 07:51:37 +0000

Хрватскиот Национален штаб за цивилна заштита одлучи да го откаже годинашниот Филмски фестивал во Пула, поради влошената состојба со врска корона-епидемијата. „Се проценува дека собирите на голем број луѓе претставуваат настани со висок ризик за ширење на коронавирусот. Ова за кусо време може да го зголеми бројот на заразени и болни и дополнително да го загрози здравјето на населението во округот Истра. Така би се оптоварил и здравствениот систем во округот“, се вели во соопштението. Организаторите нагласија дека фестивалот се приклучува кон општата општествена одговорност со цел да се спречи ширењето на коронавирусот во Хрватска. „Наредните неколку дена ќе објавиме алтернативни начини за одржување и прикажување на фестивалската програма“, се додава натаму во известувањето. (МИА)