Пулексенија Јованоска – Kurir.mk

Јованоска не ги помина квалификациите во кати на Олимписките игри

Ивона Петрова — Thu, 05 Aug 2021 05:45:46 +0000

Македонска каратистката Пулексенија Јованоска го освои претпоследното место во својот дебитантски настап во кати на Олимписките игри. Македонката ноќеска настапи во првата квалификациска група и освои 23.80 и 24 поени, односно оствари просек од 23.90, недоволно да се квалификува во следната рунда. На крајот Јовановска беше последна, петта во својата група или вкупно деветта од десет натпреварувачки. Од македонските претставници на Олимпијадата во Токио останува уште настапот на борачот Магомедгаджи Нуров во дисциплината слободен стил, 97 килограми. Нуров на борилиштето ќе се појави утре, 6 август.

Каратистката Јованоска утре наутро ја очекува олимписко деби

Дарко Андоновски — Wed, 04 Aug 2021 19:29:49 +0000

Каратистката Пулексенија Јованоска утре рано наутро по средноевропско време ќе настапи на Игрите во Токио како претпоследна од осумчлениот македонски олимписки состав. Настапот на 28-годишната Јованоска во дисциплината кати е најавен за во 03:00 часот во Нипон будокан салата во Токио Јованоска ќе биде првата македонска каратистка во историјата со олимписки настап и воедно претпоследна, која ќе се бори за медал од осумчлениот состав на Игрите во Токио. Последен од македонскиот тим на олимписката арена во Токио, в петок, ќе се појави борачот Магомедгаџи Нуров во категоријата до 97 килограми.

Златни медали за Мојсовка и Јованоска на меѓународниот турнир „Трофеј на Македонија“

Ивона Петрова — Mon, 16 Dec 2019 07:08:28 +0000

На годинешниот трет по ред традиционален меѓународен турнир „Трофеј на Македонија“, македонските каратисти освоија две златни медали. Ангела Мојсовска беше најдобра во категоријата до 68 килограми, додека Пулексенија Јованоска победи во кати. Од останатите македонски каратисти кои се натпреваруваа на турнирот, сребрени беа Глигор Петков (-84кг) и Ненад Келебиќ (-67кг.), Абдурахим Идризи (-60кг) и Сара Радичевска (-50кг.) Со бронза се закитија: Емил Павлов во -60 килограми, Јована Георгирва (-55кг.), Моника Стефановска (-68кг.), Роберто Ацковски (-67кг.), Петар Заборски (-75кг.), Петар Спасеновски (-84кг.) и Жарко Арсовски (+84кг.). На турнирот учествуваа и каратисти од Турција, Албанија, Косово и Бугарија.