пулмологија – Kurir.mk

Mozzart со донација на кревети за интензивна нега во ЈЗУ Клиника за пулмологија и алергологија

Super Admin — Thu, 24 Dec 2020 10:59:26 +0000

Додека лекарите макотрпно се борат за животот на луѓето во екот на пандемијата, компанија Mozzart веќе со месеци се труди да помогне на државата и здравствените работници, со цел да се подобрат уште повеќе условите за работа во болниците ширум земјата. Низата од големи хуманитарни акции насочени кон болниците, овој пат продолжува со донацијата на најсовремени кревети за интензивна нега, наменети за болниците и Ковид центрите кои лекуваат пациенти заразени од Ковид-19. Првата испорака од седум кревети за интензивна нега беше во ЈЗУ Клиника за пулмологија и алергологија во Скопје. Од Универзитетска Клиника за пулмологија и алергологија се заблагодарија на донацијата која е исклучително важна во овие тешки моменти кога постои недостиг на слободни места во болниците.

„Вакви донации за нас се важни, особено сега во овие тешки моменти кога постои недостиг на слободни кревети во некои од болниците, каде се лекуваат болни од КОВИД-19. Донираните кревети за интензивна нега ќе бидат распределени во ЈЗУ УК за пулмологија и алергологија и Ковид центрите во интерните клиники онаму каде што ќе има најмногу потреба. Од името на целиот персонал и пациентите изразувам голема благодарност до компанијата Mozzart за хуманиот гест кој го направија. Го цениме секој труд и поддршка што доаѓа од вистински луѓе во право време. Ваквите дела ќе бидат запаметени и се поттик за нас кој ќе не охрабри да продолжиме во оваа битка.“ – изјави проф. д-р Дејан Докиќ, директорот на ЈЗУ Универзитетска Клиника за пулмологија и алергологија – Скопје, кој воедно е и координатор на Ковид центрите во интерните клиники.

На доделувањето на донацијата присуствуваше и градоначалникот на Општина Центар – Саша Богдановиќ, кој ја поздрави оваа акција на компанијата Mozzart.

„Ја поздравувам оваа хуманитарна акција на компанија Mozzart. Изминатиот месец дониравме лап топ компјутери во Универзитетска клиника за детски болести, а овој пат донираме седум најсовремени кревети за интензивна нега кои ќе бидат прераспределени во ЈЗУ УК за пулмологија и алергологија во Скопје и Ковид центрите во интерните клиники, а ќе бидат наменети за пациентите со КОВИД 19.“ – изјави градоначалникот на Општина Центар, Саша Богдановиќ.

Од Mozzart велат дека во овие тешки моменти во услови на глобална криза предизвикана од пандемијата на коронавирусот, секоја донација во болниците е од огромно знчење за здравствениот систем и здравствените работници.

„Со оваа донација, како и сите останати донации од почетокот на кризата предизвикана од пандемијата на коронавирусот, сакаме да им испратиме порака на здравствените работници да издржат. Компанија Mozzart ќе биде тука да ги сослуша сите потреби и да помогне секогаш кога за тоа ќе биде во можност. Свесни сме за тешката ситуација во која се наоѓа целата држава, па секогаш се трудиме да регираме брзо таму каде што помошта е најпотребна. Продолжуваме и понатаму со низата хуманитарни акции.“ – изјавија од менаџментот на компанија Mozzart.

Компанијата Mozzart е препознатлива по општествено одговорните акции, кои особено се истакнуваат од појавата на Covid-19, a со тоа и појавата на зголемени потреби за помош во услови на глобална криза. Тие во борба против пандемијата на коронавирусот донираа финансиски средства, пакети со храна, телевизори, компјутери, инвентар, витамински пакети за освежување, како и други материјални добра наменети за различни установи со кои обезбедуваат помош на најзагрозените категории на граѓани во сите области од општеството.

Драма во Комплексот клиники „Мајка Тереза“ во 2 часот по полноќ- еве што преживеала вработената на Пулмологија

Дарко Андоновски — Mon, 04 May 2020 12:54:44 +0000

Утрово во 4:50 часот Т.П.(25) од Скопје пријавила дека околу 2 часот, додека била на работно место во Клиниката за пулмологија, била физички нападната од С.Ј.(56) од Скопје. Сочинет бил записник за констатиран прекршок по чл.12 од ЗППЈРМ, информираат од МВР.

Три докторки од Пулмологија заразени со коронавирус

Ивана Ефремовски — Thu, 16 Apr 2020 12:51:07 +0000

Три докторки од Универзитетската клиника за пулмологија се позитивни на коронавирус. Две од нив досега немаат симптоми, додека едната има гастроинтестинални симптоми. Со трите новопотврдени досега седум здравствени работници од Клиниката се позитивни на коронавирусот, потврди за МИА директорот на таа јавна здравствена установа, Дејан Докиќ. Посочи дека докторките од 30 март се во домашна изолација и вчера им било направено тестирање кое покажало дека се позитивни. – На 21 април (вторник) ќе им биде направено уште едно тестирање. Првозаразената наша вработена е медицинска сестра од Куманово, која со вирусот се заразила во местото каде живее. Најверојатно дека докторките и другите медицински лица меѓусебно се инфицирале, можеби додека јаделе заедно во кујната, рече д-р Докиќ. (МИА)

Тумори на дишното стебло од понеделник на пулмологија ќе се отстрануваат без хируршки зафат

Ивана Ефремовски — Fri, 13 Apr 2018 13:19:57 +0000

На Универзитетската клиника за пулмологија в понеделник на двајца пациенти треба да им биде остранет тумор во бронхијалното стебло со помош на крио сонда по пат на замрзнување и внесување бронхоскоп, без да се прави хирушки отвор со операција. Со ова се избегнува класична операција за отстранување тумор на дишните патишта. Директорот на Клиниката, Дејан Докиќ за МИА изјави дека со примената на оваа метода на Клиниката ќе почне да функционира првиот референтен центар за интервентна бронхоскопија. - Методата ќе ја спроведуваат лекари од Клиниката кои се едуцирани во Детроит, Хамбург, а дел беа и во Словенија. Имаме и апарат кој е аргон плазма ако има крварење, а има балони со кои може да се запре крварењето, рече д-р Докиќ. Од Клиниката очекуваат годишно да имаат од 50 до 100 пациенти. Во регионот нема ваков напреден систем кој е пракса во цела Европа, а пациентите за да добијат ваков третман се принудени да одат во Белград, Софија или Атина, каде оваа интервенција се плаќа. Од Клиниката ќе бараат Фондот за здравствено осигурување да ги покрие трошоците за осигурениците, а се очекува да доаѓаат и приватни пациенти од Јужна Србија, Косово и Албанија. (МИА)