пума – Kurir.mk

Поранешниот директор на „Пума“ сега на чело на „Адидас“

Дарко Андоновски — Tue, 08 Nov 2022 18:14:55 +0000

Германскиот производител на спортска опрема „Адидас“ објави денеска дека го назначила Норвежанецот Бјорн Гулден, шеф на конкурентската „Пума“, да застане на чело на групацијата која во моментов се наоѓа во лоша финансиска ситуација. – Бјорн Гулден е именуван за член на управата и претседател на „Адидас“ од 1 јануари 2023 година, соопшти Адидас. Досегашниот шеф на баварскаta компанија Каспер Рорстед, чие заминување беше најавено летоска, ја напушта компанијата оваа недела. Гулден ја предводеше „Пума“ од 2013 година, развивајќи ја во сенка на големиот ривал „Адидас“, и го репозиционираше својот бренд повеќе на натпреварувачки спорт, отколку на стил на живеење. „Адидас“ и „Пума“ имаат седиште во германскиот град Херцогенаурах, а се формирани од двајца браќа од семејството Даслер. Иако нивното братоубиствено ривалство сега е минато, конкуренцијата меѓу двете компании останува и натаму жестока.

ФОТО: Посебна серија патики за љубителите на Порше, позната е и цената

Ивона Петрова — Sat, 11 Jun 2022 12:28:39 +0000

Порше и Пума претставуваат лимитирана серија со која оддаваат почит на еден посебен модел. Porsche 911 Carrera RS 2.7 е премиерно претставено пред половина век. Кога е претставен, овој автомобил беше најбрзото германско возило, но и едно од најбрзите во светот. Постигнуваше брзина од 245 км/ч. А сега патиките Puma x Porsche Suede RS 2.7 се оние кои ќе го одбележат големиот јубилеј. Ќе бидат произведени 500 пара од секој модел, односно боја, баш како што Порше произведе 500 примероци од автомобилите. Во продажба ќе има 10 бои кои се идентични на автомобилите. Осум бои ќе бидат достапни за целиот свет, додека портокаловата е резервирана на холандскиот пазар, а црните за јапонскиот. Цената е околу 120 евра.

Азурите се договориja со „Адидас“

Бошко Тасиќ — Thu, 10 Mar 2022 18:18:48 +0000

Германската компанија за спортска опрема „Адидас“, објави дека од почетокот на наредната година, ќе стане главен спонзор на фудбалската репрезентација на Италија. Ова значи дека крај на 20-годишната соработка помеѓу Италија и „Пума“. Фудбалскиот сојуз на Италија од „Адидас“ ќе добива околу 35.000.000 евра на годишно ниво и двете страни потпишаа четиригодишен договор. „Адидас“, со овој договор стана спонзор на уште еден фудбалски гигант, од претходно германската компанија соработува со Германија, Шпанија и Аргентина. Доколку Италија избори пласман на Светското првенство во Катар (21.ноември-21.декември) таму ќе ќе игра во дресовите на „Пума“.

ВИДЕО: Планинар снимил блиска средба со пума, го следела 6 минути

Ивона Петрова — Thu, 15 Oct 2020 08:21:24 +0000

Планинар во американската држава Јута доживеал непријатна случка откако се сретнал очи во очи со пума. Животното шест минути одело по Кајл Бургес кој бил на прошетка. Иако пумата неколку пати сакала да го нападне, тој од средбата излегол без повреди.

Полициски час: Нема луѓе на улиците, но се појави гладна пума (ВИДЕО)

Ивана Ефремовски — Wed, 25 Mar 2020 10:39:49 +0000

Дива пума, во потрага по храна, се спушти од планините околу Сантијаго и се прошета низ празните улици на чилеанскиот главен град, во време кога во него е во сила полициски час поради корона-пандемијата. Животното е фатено вчера, по интервенција на полицијата, Службите за земјоделство и сточарство (САГ) и тим од градската Зоолошка градина. -Ова некогаш било нивно природно живеалиште, од кое ние сме ги потиснале… Пумата не е повредена и е здрава, истакна Марцело Џијањони, регионален директор на САГ. Денес во Сантијаго има скоро седум милиона жители. Пумата е една година стара и е тешка 35 килограми. Пренесена е во зоолошката, каде што стручните лица треба да ја прегледаат. Владата во Чиле во неделата воведе полициски час поради ширењето на коронавирусот. Во земјата до вчера биле заразени 922 лица, а две се починати. Претходно, Чиле ги затвори своите копнени, морски и воздушни граници. (МИА)

Ме гризеше и морав да ја убијам: Страшно сведоштво на човекот кој го преживеа нападот на пума (ВИДЕО)

Ивана Ефремовски — Fri, 15 Feb 2019 13:20:33 +0000

Ноќната мора за секој планински тркач се претвори во реалност за 31-годишниот Американец, Тревис Кофман додека минувал низ својата вообичаена рута во паркот на планината Хорстут. Додека трчал, на патеката се појавила пума – дивото животно веднаш го нападнало. „Дојде од предната страна и скокна на мене. Стравот во мене веднаш се претвори во борбен став. Пумата ме гризеше и почна да ме влече. Со канџите ме гребеше по лицето и рацете. Беше застрашувачки“, раскажува Кофман кој што имал среќа што пумата била млада, па успеал да ја совлада. „Од тој момент тоа беше практично боречки меч. Имам дома мачка, читав и по нешто за тие диви животни со оглед на тоа што сакам да трчам во планините. Знаев дека канџите се најопасни. Се плашев да не ми го распарчи стомакот или препоните, тогаш ќе бев готов. Но, успеав некако да ја турнам на грб и со нозете да ѝ го притиснам вратот. Почнав да ја задушувам во паника. Не знаев што да правам друго. Неколку пати почувствував дека е готова, но таа продолжи да ме гребе и гризе. Беа потребни 10-тина минути конечно да престане да мрда“, изјави Кофман. Тој заврши со крвави загризи, гребаници по целото тело, расечен и изгризан нос. „Адреналинот ме водеше. Ниту самиот не знам како успеав. Со овие 20 конци се чувствувам како да сум добил џекпот“, изјави човекот кој го преживеа нападот на дивото животно. Инаку, доколку имате несреќа да ве нападне некое диво животно, статистички најмали се шансите да преживеете напад на ајкула, волк, отровна змија и токму пума.

Пума скокна во неговиот кревет: Очекувате крв, а ќе видите нешто сосема поинакво (ВИДЕО)

Ивана Ефремовски — Tue, 30 Oct 2018 08:00:40 +0000

Кога некој ќе ви спомене пума, сигурно не очекувате да станува збор за домашно милениче, туку за дива мачка. Но, пумата Меси е посебна приказна. Овој мажјак, додека се уште бил младенче, го усвоил брачниот пар Дмитриев кога дознале дека зоолошката градина во која тој се наоѓал сака да изврши евтаназија поради неговата болежливост. Александар и Марија забележале дека младата пума е многу мила, па затоа одлучиле да ја земат во својот дом. Така, Меси растел како домашно милениче и ги стекнал сите особини на домашна мачка. Како тоа конкретно изгледа, можете да видите кога Меси скокнува во креветот на својот сопственик и започнува да се гали со него.