пуси рајот – Kurir.mk

Уште една казна за упад на натпревар, но сега поради униформите

Даниел Василев — Wed, 25 Jul 2018 12:53:49 +0000

Рускиот суд за прекршоци пресуди дека членовите на панк бендот Пуси рајот ќе мораат да платат казна зашто за време на прекинувањето на финалето од Светското првенство носеа полициски униформи. Казната која судот им ја одреди за носење на полициски униформи за време на упадот изнесува 1.500 рубљи, односно 24 долари. Судот ги прогласи за виновни Олга Курачева и ВОјн Пјотр Верзилов по членот 17.12 од рускиот Кривичен законик поради илегално носење воена или полициска униформа и донесе пресуда за плаќање на административна казна. За време на сослушувањето, адвокатот на Верзилов рекол дека тој носел полициска униформа како средства на уметничко изразување. Тој додаде дека Курачева носела униформа за да го оттргне вниманието на јавноста на проблемот со полицијата. Курачева ги отфрли сите обвинувања и се спореди самата себе со актерка во театар или кино, кои носат различна облека поради правењето на одреден лик.

Европски суд: Членовите на „Пуси рајот“ ја добија Русија на суд

Даниел Василев — Tue, 17 Jul 2018 10:21:28 +0000

Европскиот суд за човечки права пресуди дека Русија ги нарушила правата на панк бендот Пуси рајот, за време на протестот во храмот Христос Спасителот во Москва во 2012. година. Пресудата и наложува на Русија на членовите на бендот да им исплати повеќе од 49.000 евра. Демонстрантките два пати влегоа во црквата, извлекоа музички инструменти и на кратко изведоа песна со пцовк, што беше протест против поддршката на поглаварот на Руската православна црква на Путин. Подоцна беа обвинети за хулиганство и осудени на две години затвор. Пуси рајот, кои користат шокантни перформанси за да привлечат внимание на она што го сметаат за репресија на рускиот претседател Владимир Путин, презеде и одговорност за нападот на четири демонстрантки на теренот за време на финалето на Светското првенство во фудбал во Москва.

Членовите на „Пуси Рајот“ осудени на 15 дена затвор

Даниел Василев — Tue, 17 Jul 2018 07:29:39 +0000

Суд во Москва ги осуди по брза постапка на 15 дена притвор четворицата членови на панк групата „Пуси Рајот“ кои истрчаа на теренот за време на финалето на Светското првенство меѓу Франција и Хрватска. Три жени и еден маж од групата, облечени со лажни полициски униформи, втрчаа на теренот на почетокот на второто полувреме додека претседателот Владимир Путин и останатите високи гости беа на стадионот „Лужники“. Освен 15 дена затвор, четворицата немаат право да присуствуваат на спортски настани во наредните три години. МИА

Познат идентитетот на групата која влета на теренот за време на финалето на СП

Даниел Василев — Mon, 16 Jul 2018 07:41:44 +0000

Иако на снимките од финалниот натпревар на Светското првенство во фудбал не можеше да се види кој упадна на теренот, тоа се дозна по подигнувањето на обвиненија. Руските власти подигнале обвиненија против членовите на панк бендот „Пуси рајот“ поради кршење на правата на гледачите и нелегално носење на полициски симболи. На четворката им се заканува казна до 11.500 рубљи (околу 155 евра) или 160 часа социјална работа, јави агенцијата Интерфакс. Тројца мажи и една жена во полициски униформи предизвикаа краток прекин во 52. минута на финалето меѓу Франција и Хрватска на московскиот стадион Лужњики кој има капацитет од 81.000 гледачи. На финалето присуствуваше претседателот на Русија, Владимир Путин. „Пуси рајот“ на социјалните мрежи повика на орраничување на полициската овластеност и на други реформи во Русија. Групата со години му се спротивставува на Путин, а нејзините членови поминаа неколку години во затвор поради организирање на разни протести.

Members of Pussy Riot interrupted the World Cup final — and right in front of Vladimir Putin pic.twitter.com/X7nte5royj
— NowThis (@nowthisnews) July 15, 2018