пустина – Kurir.mk

Полињата во Херсон би можеле да станат пустина по уништувањето на браната Каховка

Тале Кристо — Wed, 07 Jun 2023 07:09:57 +0000

Откако експлозија ја уништи големата брана Каховка, на реката Дњепар, во јужна Украина, украинското Министерство за земјоделство синоќа соопшти дека според првичните прогнози, се очекува да бидат поплавени околу 10.000 хектари земјоделско земјиште на северниот брег на реката, во регионот Херсон. Се очекуваше поплавите да бидат многу поголеми на јужниот брег на реката, во регионот под руска окупација, се наведува во соопштението на Министерството, објавено на неговата Интернет-страница. Деталните информации за штетите и последиците ќе бидат објавени во наредните денови кога министерството ќе има појасна слика за состојбата. „Освен тоа, катастрофата предизвикана од активности на човекот, ќе го наруши снабдувањето со вода во 31 систем за наводнување на полињата во регионите Дњепропетровск, Херсон и Запорожје“, соопшти министерството. „Уништувањето на хидроцентралата Каховка ќе значи дека полињата во јужна Украина веќе следната година би можеле да се претворат во пустини“, додаваат од министерството. Снабдувањето со вода за пиење во населените места, исто така, би било загрозено. Дополнително, од Министерството за земјоделство велат дека очекуваат негативни последици за рибарството. Браната беше уништена вчера рано утрината, во јужниот дел на Украина, во областа Херсон, окупирана од Русија. Кремљ го обвини Киев, а од друга страна, Украина и многу западни набљудувачи се убедени дека руските окупатори сами ја разнесоа браната - веројатно за да спречат планирана украинска контраофанзива.

Тела на 15 мигранти пронајдени во пустина меѓу Судан и Либија, останале без гориво

Ивона Петрова — Sat, 13 Aug 2022 19:00:44 +0000

Најмалку 15 тела на мигранти се пронајдени во пустината на границата меѓу Либија и Судан, соопштија денеска либиските власти. Канцеларијата за сузбивање на илегалната миграција соопшти дека мигрантите од Судан биле на пат за Либија кога останале без гориво и автомобилот им се расипал во близина на градот Куфра, каде што биле пронајдени телата. Девет лица преживеале, а двајца се водат како исчезнати. Меѓу мигрантите имало и жени и деца, но не се соопштува колку. Причината за смртта исто така не е соопштена, а се претпоставува дека останале без храна и вода. Се претпоставува дека се упатиле кон Либија, а оттаму со брод да заминат во Европа.

Пронајдени 20 безживотни тела во пустина во Либија

Магдалена Андонова — Thu, 30 Jun 2022 09:30:28 +0000

Во пустина во Либија се пронајдени 20 безживотни тела, а се верува дека се работи за луѓе кои се изгубиле во пустина и дека починале од жед. Телата ги пронашол во вторникот возач на камион кој минувал. Телата се пронајдени на околу 320 километри југозападно од Куфра и 120 километри од границата со Чад. „ Возачот се изгуби. Веруваме дека луѓето починале во пустина пред 14-ина дена, бидејќи последниот повик на мобилниот телефон бил регистриран на 13 јуни“ соопшти директорот на Брзата помош во Куфра. Во оваа ретко населена област, летните температури често надминуваат 40 степени Целзиусови. Две од жртвите се идентификувани како либиски државјани, додека останатите се верува дека се мигранти од Чад кои побегнале во Либија. Од 2011 година, кога беше убиен Моамер Гадафи, Либија стана доминантна транзитна точка за луѓето кои бегаат од војна и сиромаштија во Африка и делови од Блискиот Исток, надевајќи се на подобар живот во Европа. Тие патуваат по опасна патека низ пустината за да стигнат до морето, а потоа до Европа. За жал, многумина страдаат на патот.

ВИДЕО: Што се случува ако авион слета во пустина?

Ивона Петрова — Thu, 22 Nov 2018 17:11:49 +0000

Боинг 727-200 во сопственост на Сингапур ерлајнс е искористен во 2012 година за потребите на експериментално слетување на авион во пустина. Овој експеримент првично бил планиран да се изврши во Америка, но тамошните власти тоа не го дозволиле, па истиот се одржал во Мексико. Како што се наведува авионот полетал од аеродромот Генерал Рудолфо Санчез Табоада, а со него до еден момент управувал пилотот Џим Боб Солкум, професионален пилот кој го напуштил кокпитот и скокнал со падобран. Во тој момент контролата на леталото ја преземал Чим Шанл со помош на компјутер. Експериментот бил спроведен под строго контролирани услови, а според резултатите доколку дојде до принудно слетување, авионот би се распаднал, но голем дел од патниците имаат шанса да преживеат.

ВИДЕО: Се поплави пустина во Саудиска Арабија

Предраг Кукиќ — Thu, 22 Nov 2018 08:08:58 +0000

Видеото на кое се гледа како бедуин и сопругата водат камили низ поплавената пустина во Саудиска Арабија стана вистински хит на социјалните мрежи. Саудиска Арабија беше погодена од досега невидени врнежи, а колку е состојбата е лоша говорат бројките од 35 загинати луѓе и голем број оштетени куќи и други објекти. Спасувачките служби евакуираа речиси 4.000 луѓе од области погодени од поплавите. На социјалните мрежи беа објавени снимки на кои се гледа дека пустината е претворена во вистинско море. За многумина, оваа ситуација е апокалиптична, зашто не паметат ваков феномен.

Жителите не може да им поверуваат на сопствените очи: Во Сахара падна 40 сантиметри снег, камилите во опасност (ФОТО+ВИДЕО)

Дарко Андоновски — Tue, 09 Jan 2018 10:59:06 +0000

Инаку до овој феномен е дојдено поради ледениот бран кој нај веќе погоди делови од Алжир.

Il a neigé sur les dunes rouges du Sahara algérien ! #Algérie #Alger #Algeria #Algiers #Travel #NaturePhotography #NatureIsBeautiful #Tourisme #Voyage #paysage #south #Desert #Nature #DiscoverAlgeria #Picture #Sahara #photography #Hiver #Snow #الجزائر By @KSekkouri pic.twitter.com/q6mY81MnFo
— Discover Algeria (@Discover_DZ) January 7, 2018

Снегот е атракција за жителите бидејќи ова се случува само по трет пат во 37 години наназад, а снег претходно имаше во 2016 и 2017 година.

Algerian Sahara under snow this morning ♥ Breathtaking views pic.twitter.com/3PI6IUraI6
— Fella ? فلّة (@Fella_Bentoumi) January 7, 2018

Локалните жители велат дека во еден ден во некои делови наврнало дури 40 сантиметри снег, па поради тоа многу од луѓето не можат да си поверуваат со сопствените очи, погледнете.