работен ден – Kurir.mk

Овој чај ќе ве смири после напорен работен ден

Ивана Ефремовски — Thu, 24 Nov 2022 08:51:37 +0000

Ако сте имале напорен работен ден, сè што ви треба да направите дома е да се релаксирате, но и да испиете една шолја со убав и топол чај. Многу од билките во природата се познати по своите релаксирачки својства. Комбинацијата од следниве чаеви ќе ви помогне вистински да заборавите на стресот и да уживате во остатокот од денот. Измешајте две лажички сушен босилек, една лажичка сушена лимонова трева, една лажичка сушена камилица и половина лажичка сушена лаванда. По желба можете да додадете сосема малку ѓумбир во прав. Прелијте ги состојките со 300 милилитри речиси зовриена вода, на околу 90 степени Целзиусови. Оставете го чајот да отстои 20 минути. Исцедете го, па по желба можете да го засладите со мед.

Оваа сабота работен ден за градинките

Ивона Петрова — Thu, 12 Dec 2019 10:58:53 +0000

Министерството за труд и социјална политика соопштува дека 14 декември ќе биде работен и за градинките на територијата на државата. -МТСП ги извести управите на градинките дека по донесената одлука од Владата на Република Северна Македонија на својата 167 седница дека 14 декември 2019 година, сабота, ќе биде работен ден за вработените во државните институции потребно е спроведување на истата и од страна на јавните општински установи детски градинки. Согласно со одлуката, 14 декември 2019 година ќе се одработува за 2 јануари 2019 година, којшто беше прогласен за неработен ден за вработените во државните институции, информираат од Министерството. Истовремено, МТСП ги извести градинките дека децата кои имаат потреба од згрижување на ден 14 декември (сабота) 2019 година, дека треба да бидат прифатени во детската градинка и согласно тоа, ги задолжи да направат организацијата за прием и згрижување на децата. Организацијата за прием е во надлежност на управите на детските градинки. МТСП ги информираше градинките да ги известат родителите дека згрижувањето на децата ќе се организира во еден од објектите на установата. Препорачано е родителите благовремено да бидат известени во кој објект ќе се врши згрижувањето на децата. Инаку, според одлуката на Владата во сабота на 14 декември од страна на јавниот сектор ќе се спроведе акција за чистење на животната средина „Администрацијата чисти со Не биди ѓубре“ со цел подигање на свеста за почиста околина.

Утре работен ден за градинките во Скопје

Дарко Андоновски — Mon, 06 May 2019 15:18:14 +0000

Утрешниот ден, 7 мај, ќе биде работен за градинките на територијата на Скопје и истите треба да се организираат непречено да ја извршуваат својата функција, соопштија од Министерство за труд и социјална политика. Потсетија дека, согласно последните организациски проценки поврзани со протоколот за посетата на папата Франциск, и согласно потребите и барањата на институциите и граѓаните, Владата донесе одлука утрешниот ден, 7 мај, да биде неработен ден за сите вработени во јавната и државната администрација на територијата на Скопје. Со одлуката се опфатени основните и средните училишта.

Утрешниот ден ќе биде работен за сите здравствени установи

Ивана Ефремовски — Tue, 01 Jan 2019 09:56:42 +0000

Министерството за здравство информира дека 2 јануари 2019 година ќе биде работен ден за вработените во јавните здравствени установи во Република Македонија, со цел граѓаните да добијат навремена здравствена заштита и помош. -Граѓаните кои имаат закажано термини за прегледи на овој ден во специјалистичко-консултативни амбуланти, кабинети за снимања и други дијагностички процедури, како и закажаните хируршки интервенции нема да бидат одложени и ќе бидат извршени согласно закажаните термини, се наведува во соопштението до Министерството за здравство.