Во Словенија рекорден број барања за работни дозволи

Ивона Петрова — Wed, 26 Jan 2022 07:45:53 +0000

Во Словенија изминатава година има значително зголемување на побарувачката за вработување на странци. Заводот за вработување соопшти дека во 2021 година биле примени 52.281 барање за работни дозволи, што е најмногу од 2015 година, кога е воведен сегашниот систем, јави СТА. Словенија на тој начин го надмина претходниот рекорд од 48.127 барања за работна дозвола примени во 2019 година, кога вработувањето на странци во Словенија беше највисоко во последните години. Се наведува дека од 52.281 пристигнати барања во текот на 2021 година, одобрени се 46.264, а одбиени 6.017. Зголемениот интерес на странците за работа во Словенија е последица и на структурната нерамнотежа на пазарот на трудот, при што побарувачката на работодавачите во оваа земја е далеку над сегашната понуда. Во Словенија, странците главно се вработени во дејности кои се карактеризираат со теренска работа и под тешки услови, како што се градежништво, транспорт, производство, угостителство и земјоделство.

Рангник чека работна дозвола да дебитира на клупата на Јунајтед

Магдалена Андонова — Tue, 30 Nov 2021 14:44:48 +0000

Новиот тренер на Манчестер јунајтед, Ралф Рангник, нема да ја води екипата во четврток на дуелот од Премиер лигата против Арсенал, бидејќи неговата работна виза сè уште е во процес на одобрување. Тоа значи дека тренерската улога на дербито против Арсенал и натаму ќе ја има Мајкл Карик, кој беше помошник на доскорешниот стратег на Јунјатед, Оле Гунар Солскјер. Карик седеше на клупата на Јунајтед во победата над Виљареал во Лигата на шампиони минатата недела и во премиерлигашкото дерби против Челзи, кое заврши нерешено 1:1. (МИА)

работна дозвола – Kurir.mk

Во Словенија рекорден број барања за работни дозволи

Рангник чека работна дозвола да дебитира на клупата на Јунајтед