Петков во прва работна посета на Брисел

Магдалена Андонова — Fri, 17 Dec 2021 09:11:58 +0000

Новиот бугарски премиер Кирил Петков, придружуван од вицепремиерот и министер за финансии Асен Василев, и министерката за надворешни работи Теодора Генчовска, ќе престојува во Брисел. Како што јави дописникот на МИА од Софија, ова ќе биде прва работна посета на новиот бугарски премиер на странство. Тој во Брисел ќе се сретне со претседателката на Европската комисија Урсула фон дер Лајен и со генералниот секретар на НАТО Јенс Столтенберг. Петков изјави дека ќе отпатува во Брисел на самит за да ги покаже приспособените први стратегии на новата бугарска Влада. Разговорите со европските лидери ќе се фокусираат на ситуацијата во енергетскиот сектор и зголемувањето на цените на енергијата, планот за закрепнување и одржливост, борбата против корупцијата и процесот на проширување на ЕУ со Западен Балкан. Со генералниот секретар на НАТО, новиот бугарски премиер ќе разговара за безбедносните предизвици во регионот на Црното Море и Југоисточна Европа. (МИА)

Колинда по паузата за СП се враќа на работните обврски- претседателката на Хрватска ќе ја посети Албанија

Дарко Андоновски — Tue, 17 Jul 2018 11:39:56 +0000

На покана на албанскиот претседател Илир Мета, в четврток во Тирана ќе престојува неговата хрватска колешка, Колинда Грабар-Китаровиќ. Планирани се средби со домаќинот Мета, премиерот Еди Рама, со кои имаше средба и на маргините на Самитот на НАТО, како и спикерот на албанскиот Парламент, Грамоз Ручи. Предвидено е Грабар-Китаровиќ да се обрати и пред пратениците во албанскиот Парламент. Тоа е возвртна посета на Грабар-Китаровиќ на посетата на Мета на Загреб во јануари годинава. Според медиумите посетата на грабар-Китаровиќ е потврда на добрите односи меѓу двете земји и поддршката на „големиот пријател Хрватска“ за Албанија.

работна посета – Kurir.mk

Петков во прва работна посета на Брисел

Колинда по паузата за СП се враќа на работните обврски- претседателката на Хрватска ќе ја посети Албанија