работник – Kurir.mk

Работник од Тетово тешко се повредил при изведување на градежни работи

Тале Кристо — Fri, 20 Oct 2023 19:00:42 +0000

На 19.10.2023 во 14.05 часот во ОВР Берово, од Итна медицинска помош било пријавено дека кај нив со тешки телесни повреди бил донесен Б.Г.(34) од Тетово. Според пријавеното, тој се здобил со повредите при извршување градежни работи на објект во изградба на ул.„Маршал Тито“ во Берово. Увид извршила екипа од ОВР Берово.

Повреден тинејџер донесен на клиника, еве што му се случило

Ивана Ефремовски — Tue, 26 Sep 2023 16:13:31 +0000

На 25.09.2023 во 11:00 часот во СВР Скопје, од Комплексот клиники „Мајка Тереза“ било пријавено дека кај нив со повреди бил донесен Ф.П.(19) од Скопје. Според пријавеното, тој се здобил со повредата при изведување на работни задачи во фирма на подрачјето на Гази Баба. Полициски службеници извршиле увид и за настанот била известена Трудовата инспекција.

Трагично настрада работник во српскиот парламент додека поправал лифт

Ристе Здравков — Thu, 24 Aug 2023 13:05:49 +0000

Работник во Народното собрание на Република Србија Н.К. (45) загинал денес во зградата на парламентот додека се обидувал да поправи лифт, пренесуваат српските медиуми. Според неофицијалните информации на српските медиуми, лифтот ненадејно тргнал и смртно го повредил работникот. Вработените веднаш повикале брза помош, која можела само да ја констатира смртта. Како што објави српски Телеграф, лифтот ненадејно се придвижил и му ја откинал главата на работникот. Народното собрание на Србија наведе дека сè уште немаат никакви официјални информации. „Само можеме да ви кажеме дека се откажани сите активности на претседателот на Народното собрание. Нема да има состаноци и настани кои беа предвидени за денес“, се наведува. Увидот е во тек.

ВИДЕО: Работник се спаси од смрт при рушење на кран во невремето во Загреб

Ивона Петрова — Thu, 20 Jul 2023 05:17:19 +0000

Силно невреме придружено со силни ветрови го погоди регионот во средата. По Словенија и Хрватска, во Србија пристигна во вечерните часови. Една од најдраматичните снимки направени за време на невремето што го зафати Загреб е онаа на која се гледа како ветрот соборува висок кран кој потоа паѓа на пат. За време на падот имало маж во кабината на кранот. За среќа останал жив, а една работа му ја спасила главата – „раката“ на кранот, бидејќи прво паднала таа, а врз неа паднала и кабината во која седел 36-годишниот работник кој се здобил со тешки повреди.

View this post on Instagram

A post shared by Jutarnji.hr (@jutarnji.hr)

Работник се повредил и починал во фабрика на подрачјето на Гази Баба

Ивона Петрова — Wed, 12 Jul 2023 18:21:46 +0000

Педесет и седумгодишен работник од Кочани денеска се повредил и починал во кругот на фабрика на подрачјето на општина Гази Баба. - Денеска (12.07.2023) во СВР Скопје е пријавено дека во 13:35 часот во кругот на фабрика на подрачјето на Гази Баба, В.К.(57) од Кочани додека извршувал работни задачи за фирма од Штип се повредил и починал. Од страна на лекар од Итната медицинска помош констатирана е смрт, велат од Министерството за внатрешни работи за МИА. За настанот е известен трудов инспектот и јавен обвинител, по чија наредба телото е предадено на обдукција. Извршен е и увид од страна на екипа од СВР Скопје.

Повреден работник во рудникот Суводол

Ивона Петрова — Wed, 21 Jun 2023 14:04:04 +0000

На 20.06.2023 во СВР Битола, од Клиничка болница Битола било пријавено дека кај нив со повреди бил донесен Д.Р.(31) од с.Боротино, општина Кривогаштани. Според пријавеното, тој се здобил со повредите при извршување работни задачи во рудникот Суводол на РЕК Битола. Увид на местото извршила екипа од СВР Битола и трудов инспектор.

Тешко повреден градежен работник при работа на зграда во Гостивар

Ивона Петрова — Thu, 04 May 2023 15:49:37 +0000

Во СВР Тетово вчера во 13.45 часот било пријавено дека при извршување работни задачи на станбена зграда на улица „Мара Угринова“ во Гостивар, 49-годишниот гостиварец И.А. се здобил со тешки телесни повреди. Повредите, како што соопшти попладнево Министерството за внатрешни работи, биле констатирани во гостиварската Општа болница „Ферид Мурад“. Увид извршила екипа од Одделението за внатрешни работи Гостивар.

Почина работник од Турција откако се повредил на објект во изградба во Центар

Ивона Петрова — Wed, 03 May 2023 14:34:00 +0000

На 02.05.2023 во 18.40 часот во СВР Скопје било пријавено дека на објект во изградба на подрачје на Центар со повреди се здобил работникот Ф.А.(34) од Република Турција, со привремен престој во Скопје, кој бил пренесен во Комплексот клиники „Мајка Тереза“ за укажување лекарска помош, информира МВР. Од здобиените повреди Ф.А. нешто подоцна починал. Увид извршила екипа од СВР Скопје, а по наредба на Јавен обвинител телото на починатиот било дадено на обдукција.

Вработен во ЕВН тешко повреден при изведување работни задачи

Ивона Петрова — Tue, 22 Nov 2022 10:56:43 +0000

Вчера (21 ноември) во 20 часот во СВР Тетово пријавено е дека околу 18 часот во тетовско Теарце, во месноста „Бигор“, 38-годишниот С.С. од тетовско Рогачево, вработен во ЕВН Македонија, при извршување работни задачи паднал и се здобил со тешки телесни повреди, информираат од СВР Тетово. Повредите биле констатирани во тетовската Клиничка болница. На местото на несреќата увид извршила екипа од Секторот за внатрешни работиетово.

Иранец тешко повреден додека работел во Македонија

Ивона Петрова — Sat, 13 Aug 2022 17:04:42 +0000

На 12.08.2022 во 16.15 часот во СВР Штип е пријавено дека во Итната медицинска помош Пехчево бил донесен повреден Б.М. од Иран. -Според пријавеното, тој околу 15.30 часот, додека извршувал работни задачи како вработен во фирма, паднал и се здобил со тешка телесна повреда, констатирана во Клиничката болница Штип, информира МВР. Полициски службеници излегле на местото на настанот.