рации – Kurir.mk

Стотици полицајци спроведуваат рации во Берлин поврзани со исламистички тероризам

Тале Кристо — Wed, 15 Jul 2020 08:40:54 +0000

Германската полиција рано утрово изврши рација во 20 куќи и компании во Берлин, под сомнение за поврзаност со исламистички тероризам. Во рацијата се ангажирани околу 450 припадници на полицијата. Берлинското обвинителство објави на Твитер дека се издадени 20 налози за претрес за 12 осомничени кои „припаѓаат на исламистички групи“ и се осомничени за „разни злосторства, вклучително и финансирање на тероризам“. Најавени се повеќе информации во текот на денот. (МИА)

Врховниот суд на Бразил забрани полициски рации во фавелите

Тале Кристо — Sat, 06 Jun 2020 11:40:47 +0000

РВрховниот суд на Бразил забрани упади на полициските сили во фавелите во Рио де Жeнеиро за време на пандемијата на коронавирусот после јавните критики и поплаки за смртоносни полициски рации. За време на кризата со коронавирусот, не се дозволени полициски рации во сиромашните населби, освен во итни случаи и со претходна дозвола на обвинителството, пресуди судијата на Врховниот суд на Бразил, Едисон Фачин. Тој го наведе убиството на 14-годишниот црнец, Жоао Педро Матос Пинто кој за време на рација во јануари беше убиен од припадници на сојузната полиција. Момчето загинало играјќи се со другарите во соседството, откако полицијата фрлила граната и отворила оган врз една куќа. На ѕидовите, прозорците и мебелот во куќата подоцна биле евидентирани повеќе од 70 дупки од куршуми.

Рации во киевските дописништва на РИА Новости и Раша тудеј

Даниел Василев — Tue, 15 May 2018 10:18:12 +0000

Службата за безбедност на Украина денеска ја пребара во киевската канцеларија на руската новинска агенција РИА Новости Украина, соопшти портпаролот на Службата Олена Гитлјанска. И РИА Новости информираше дека нејзиниот уредник, Кирил Вишински, бил притворен. Во исто време, Службата за безбедност на Украина соопшти дека открила „мрежа на медиумски структури кои Москва ги користи за да спроведе хибридна војна против Киев“. Дописникот на ТАСС во Украина не успеал да стапи во контакт со Вишински и неговите колеги во Киев преку нивните мобилни и фиксни телефони, затоа што никој не одговарал на повиците. Веб-страницата на агенцијата РИА Новости Украина престана да се ажурира, додава ТАСС. Во меѓувреме, и рускиот државен медиум Раша тудеј соопшти дека не може да контактира со својот персонал во Киев после рација. Главната уредничка на Раша тудеј, Маргарита Симоњан на Твитер напиша дека телефонските врски во нивната канцеарија во Киев се блокирани и оти нивната украинска Интернет страница е соборена. Украинската безбедносна агенција потврди дека спровела рација во двата медиуми. Во соопштението се наведува дека се истражува мрежа на медиуми кои ги контролира руската Влада, а се користат како оружје во хибридна војна против Украина. МИА

Рации во Германија во врска со илегална трговија со луѓе

Матеја Петровски — Tue, 08 May 2018 10:33:22 +0000

Стотици полицајци денеска спроведоа рации во четири германски сојузни држави, во рамките на истрага за трговија со луѓе. Локалната полиција соопшти дека околу 800 полицајци претресле 21 канцеларија и куќа во Хамбург, Бремен, Долна Саксонија и Саксонија Анхалт. За време на рацијата, пронајдени се најмалку 35 илегални мигранати. Во центарот на истрагата била банда Молдавци кои во Германија влегле користејќи лажни романски документи и таму работат нелегално. Меѓу осомничените во Саксонија Анхалт имало и лица кои биле поврзани со ултрадесничарското движење Граѓани на Рајхот, соопшти полицијата. (Миа)