Радамел Фалкао – Kurir.mk

Фалкао се приклучи на Рајо Ваљекано

Ивана Ефремовски — Sat, 04 Sep 2021 13:28:47 +0000

Напаѓачот Радамел Фалкао го напушти Галатасарај, раскинувајќи го договорот со клубот. Триесет и петгодишниот фудбалер се пресели во Рајо Ваљекано. Претходно беше објавено дека договорот со шпанскиот тим е дизајниран за една сезона со можност за продолжување за уште една година. Фалкао играше во шпанската Ла Лига за Атлетико од 2011 до 2013 година. (МИА)

Галатасарај се согласи да го ослободи Фалкао во клубот на Бекам

Магдалена Андонова — Wed, 29 Jul 2020 07:28:53 +0000

Напаѓачот на Галатасарај, Радамел Фалкао може да ја продолжи кариерата во американската лига – МЛС. Според „Diario AS“, Интер Мајами, сопственост на Дејвид Бекам, е заинтересиран за 34-годишниот Колумбиец. Турскиот клуб е подготвен да го ослободи играчот во случај на привлечна понуда. Фалкао оваа сезона оствари 22 настапи на сите турнири, постигнувајќи 11 голови и една асистенција. (МИА)

Фалкао не е повикан во репрезентацијата

Ивана Ефремовски — Wed, 28 Aug 2019 09:10:42 +0000

Напаѓачот на Монако, Радамел Фалкао не се најде меѓу 23. играчи повикани од страна на стручниот штаб на колумбискиот национален фудбалски тим за претстојните средби во септември. Фалкао сака да замине во Галатасарај, но раководството на Монако бара тој да го почитува договорот кој е со важност до летото 2020 година. Колумбијците ќе играат со Бразил на 7 септември, а со Венецуела четири дена подоцна. Двата натпревара се пријателски и ќе се играат во САД. (МИА)

Монако би можел да го замени Фалкао со напаѓачот на Севиља, Бен Једер

Дарко Андоновски — Sun, 11 Aug 2019 12:42:08 +0000

Раководството на Монако, најде замена за Радамел Фалкао, кој најверојатно ќе го напушти тимот ова лето. Според „Фудбал Еспања“ Монако покажува интерес за напаѓачот на Севиља, Висам Бен Једер. За него, клубот нуди 20 милиони евра плус Португалецот Рони Лопез. Фалкао најверојатно ќе ја продолжи кариерата во Галатасарај. Минатата сезона Бен Једер, кој утре ќе наполни 29 години, постигна 30 голови на 54 натпревари.

ФОТО: Фалкао доби споменик во Колумбија, изгледот ќе ве шокира

Ивона Петрова — Fri, 21 Sep 2018 18:51:54 +0000

Фудбалерот на Монако, Радамел Фалкао, доби споменик во неговиот роден град во Колумбија, но тој воопшто не наликува на него. Шестметарската статуа подигната во Санта Марта во знак на почит кон фудбалерот е целосно бела и ја прикажува препознатливата поза во која Фалкаo ги прославува головите. Но, во јавноста најсилен впечаток остави фактот дека таа воопшто не наликува на славниот фудбалер. Поради тоа преку локалните медиуми беше соопштено дека работите околу споменикот се уште не се завршени, а особено околу финалната дообработка на лицето. Слична ситуација имаше и со Кристијано Роналдо, кој доби споменик во родната Мадера во Португалија, но откако не беше задоволен од првата верзија споменикот беше заменет со друг.

Фалкао се огласи по вчерашниот пораз

Даниел Василев — Wed, 04 Jul 2018 06:53:41 +0000

Голгетерот на Колумбија, Радамел Фалкао, беше разочаран по синоќешниот пораз на пенали од Англија, но истовремено им оддаде признание на сите свои соиграчи од репрезентацијата. - По ваков пораз многу е тешко да се зборува. Сепак ќе кажам дека сум горд на се што направивме заедно со моите соиграчи. Горд сум што сум Колумбиец. Дадовме се од себе за на достоинствен начин да ја претставиме нашата земја, изјави Фалкао. Колумбија синоќа во Москва беше елиминирана од Англија во осминафиналето на СП, откако противникот беше поуспешен во изведување на ударите од 11 метри. МИА

Фалкао: Ми се оствари сонот од детството

Ивана Ефремовски — Mon, 25 Jun 2018 06:21:40 +0000

Колумбискиот напаѓач Радамел Фалкао по триумфот над Полска синоќа на Светското првенство, изјави дека му се исполнила желбата која ја имал уште од најрана возраст. - Уште како дете сонува да постигнам гол на едно Светско првенство и тоа се случи. Чекав многу долго на овој момент и се разбира драго ми е што се случи тоа. Задоволен сум од победата, играта на целиот тим, сите играчи, изјави Фалкао. Колумбија синоќа ја победи Полска со 3:0, а Фалкао беше стрелец на вториот гол. Дали Колумбијците ќе се пласираат во следната фаза на Мундијалот зависи од резултатот што ќе го постигнат на средбата со Сенегал во последната рунда од групната фаза. Полска е без никакви шанси за место во елиминациската фаза. (МИА)

Фалкао надвор од теренот три недели

Ивона Петрова — Thu, 08 Feb 2018 10:57:55 +0000

Колумбискиот фудбалер Радамел Фалкао ќе отсуствува од терените следните три седмици, соопшти неговиот клуб Монако. Фалкао е најдобриот фудбалер на тимот од Кнежевството оваа сезона. Тој веќе постигна 23 гола во сите натпреварувања и неговата повреда ќе бидат голем хендикеп за Монако. Колумбиецот го повреди левиот бутен мускул на натпреварот од Лига 1 против Лион, кој Монако го доби со 3:2. Фалкао постигна гол во играта и излезе од натпреварот во текот на второто полувреме.