Раде Круниќ – Kurir.mk

Проблеми за Милан, се повреди Круниќ

Бошко Тасиќ — Mon, 25 Sep 2023 03:59:31 +0000

Фудбалерите на Милан во саботата ја совладаа Верона на „Сан Сиро“, минимално со 1-0 со голот на Рафаел Леао. За овој меч Стефано Пиоли беше приморан да изнесе комбиниран тим, поради неколкуте отсуства. Сепак, еден од најстандардните играчи оваа сезона, Раде Круниќ, пак беше на теренот од првата минута. Тоа му се одби од глава на Милан бидејќи Босанецот заработи повреда на мускулите. Поради оптеретување, Круниќ го очекува пауза од околу еден месец, што е проблем за „росонерите“ бидејќи долго отсутен е и Исмаел Бенасер

Круниќ останува во Милан до 2025

Тале Кристо — Fri, 09 Sep 2022 14:34:31 +0000

Репрезентативецот на Босна и Херцеговина, Раде Круниќ, го продолжи договорот со Милан со важност до 2025 година, објави актуелниот италијански фудбалски првак. – Фудбалскиот клуб Милан со задоволство објавува дека Раде Круниќ го продолжи договорот со клубот до јуни 2025 година, се наведува во клупското соопштение. Круниќ дојде во Милан од редовите на Емполи во 2019 година за сума од 8.6 милиони евра и во црвено – црниот дрес одигра 91 натпревари во сите конкуренции. Босанскиот репрезентативец беше еден од клучните играчи за освоената шампионска титула на Милан во минатата сезона и како награда за добрите игри доби продолжување на договорот.

Круниќ најмалку еден месец надвор од теренот поради скршеница

Ивана Ефремовски — Sat, 08 Feb 2020 18:08:28 +0000

Играчот од средниот ред на Милан, Раде Круниќ ќе пропушти барем еден месец поради скршеница на десната нога, пренесува прес-службата на клубот. Ренген снимките покажале фрактура на третата метатарзална коска на десното стапало. Фудбалерот се повреди на еден од последните тренинзи пред утрешното градско дерби со Интер. Предвиднео е играчот да помине низ традиционален третман без операција. За еден месец, Круниќ ќе мора на контролно снимање за да се утврди дали коската зараснала. Од почетокот на сезоната, 26-годишниот Босанец постигна еден гол и една асистенција на 18 натпревари во сите натпреварувања. (МИА)