радијација – Kurir.mk

Пожари во близина на нуклеарната централа во Чернобил шират радијација

Ивона Петрова — Tue, 22 Mar 2022 06:52:02 +0000

Врховната рада на Украина предупреди дека на територијата на Чернобил активни се најмалку седум различни пожари. Тие биле регистрирани со снимки од сателитот Сентинел-2 на Европската вселенска агенција. Според знаците за класификација за итни случаи, критериумите за пожар во зоната на исклучување не смеат да надминуваат обем од 0,05-0,2 квадратни километри, но сегашната состојба на пожарната зона ги надминува тие бројки десетици пати. Во врска со пожарите, ризиците од радијација се зголемуваат во радиус од 10 километри од нуклеарната централа Чернобил.

Не работат системите за контрола на радијацијата околу Чернобил

Дарко Андоновски — Mon, 21 Mar 2022 13:50:58 +0000

Украинската регулаторна агенција за нуклеарна енергија денеска соопшти дека престанале да работат системите за контрола на радиоактивноста околу нуклеарната централа Чернобил. Американските медиуми пренесуваат дек Агенцијата наведе дека со затоплувањето на времето во овој регион веќе нема пожарникари кои би ги заштитиле шумите што со децении се погодени од радиоактивност. Руските сили го освоија Чернобил на 24 февруари. Во соопштението на украинската регулаторна агенција се додава дека комбинацијата на ризици може да доведе до „значително влошување“ на способноста да се контролира ширењето на радијацијата, не само во Украина, туку и надвор од земјата во наредните недели и месеци. Раководството на централата во Чернобил вчера соопшти дека се ротирани и сменети првите 50 вработени, кои без престан работеле од преземањето на централата од страна на руските сили.

Радијацијата околу нуклеарката Запорожје е нормална

Ристе Здравков — Sat, 05 Mar 2022 10:24:31 +0000

Вработените во нуклеарната централа Запорожје, која беше нападната и заробена од руските сили во четвртокот вечерта, велат дека нивото на радијација во регионот е нормално. „Не се забележани промени во статусот на радијација во регионот Запорожје, позадинското гама зрачење е во нормални граници“, објави украинската државна регулаторна агенција за нуклеарна енергија. Но, снабдувањето со греење и топла вода во градот Енерходар, каде што се наоѓа нуклеарната централа, се прекинати „поради штетата предизвикана од жестоките борби меѓу бранителите на нуклеарната централа и руските окупатори“, соопшти агенцијата.

Нема зголемена радијација во Запорожје

Тале Кристо — Fri, 04 Mar 2022 07:47:43 +0000

Украинската државна служба за итни случаи известува дека условите за безбедност од радијација и пожар во нуклеарната централа Запорожје се „во граници на нормалата”. „Од 02:26 часот во градот Енергодар во АЕЦ Запорожје, третиот блок е исклучен од единствениот енергетски систем (работи само блок 4). Од шесте блока моментално работи еден. Условите за безбедност од радијација и пожар во нуклеарната централа се во нормални граници. Агенцијата соопшти дека избувнал пожар во зградата за обука пред НПП, но Гардијан не можел да ги потврди наводите.

СТРАШНИ ПОДАТОЦИ ОД ЧЕРНОБИЛ – нешто чудно се случува со радијацијата таму, тврдат Украинците

Дарко Андоновски — Sun, 27 Feb 2022 15:06:46 +0000

Стандардното ниво на радијација во централата во Чернобил е надминато седум пати, соопшти Украинската државна агенција за управување со исклучените зони. Според најновите податоци од нуклеарната централа во Чернобил седум пати е надмината брзината на апсорбираната доза на сензорите во близина на складиштето за радиоактивен отпад „Вектор“. „Украина ја загуби контролата врз системот пред два дена. Најновите податоци покажуваат дека стапката на апсорбирана доза на сензорот во близина на складиштето за радиоактивен отпад „Вектор“ е надмината седум пати“, соопшти агенцијата. Според нив, „тоа укажува на злоупотреба на безбедносните системи и немање потребна експертиза за заштита на нуклеарните капацитети“. Агенцијата потсети и дека Украина ја информирала Меѓународната агенција за атомска енергија за губење на контролата врз нуклеарните и радијационите капацитети во зоната на исклучување. „Го свртуваме вниманието на меѓународните партнери и организации на напорите на руските војници да ги окупираат нуклеарните централи во Украина и нивните напори за демонстративно зголемување на нивното присуство и распоредување опрема во близина на стратешки локации“, соопшти агенцијата.

Украина соопшти за зголемено ниво на радијација од Чернобил

Ивона Петрова — Fri, 25 Feb 2022 09:35:08 +0000

Украинската нуклеарна агенција соопшти дека во Чернобил е забележано зголемено ниво на радијација. Руските и украинските сили се бореа за контрола на Чернобил, сè уште радиоактивната локација на најголемата нуклеарна катастрофа во историјата. Нашите бранители ги даваат своите животи за да не се повтори трагедијата од 1986 година“, изјави украинскиот претседател Володимир Зеленски. Но зошто некој би сакал нефункционална нуклеарна централа опкружена со километри радиоактивна земја? Одговорот е географски: Чернобил се наоѓа на најкратката рута од Белорусија до Киев и затоа е на логичната линија на напад на руските сили. Со заземањето на Чернобил, велат западните аналитичари, Русија го користи најкраткиот пат за да стигне до главниот град на Украина. -Тоа е најкраткиот пат од точката А до точката Б, вели аналитичарот Џејмс Актон. -Чернобил нема воено значење, но е на најкратката рута од Белорусија до Киев, потврди поранешниот началник на американскиот Генералштаб Џек Кин. Ако сакаат да го заземат Киев, Чернобил е дел од планот, додаде тој. Руската војска утрово потврди дека ја зазела нуклеарната централа Чернобил и дека војниците склопиле договор со тамошните украински сили.

Нивото на радијација на Месечината е алармантно високо

Ивона Петрова — Mon, 28 Sep 2020 08:24:19 +0000

Новите истражувања посочуваат дека астронаутите кои ќе патуваат на Месечината како дел од мисијата Артемис на американската вселенска агенција НАСА во 2024 година, ќе бидат изложени на зрачење 200 пати повисоко од она на Земјата. Мерењата биле направени во јануари 2019 година. Изворот е кинеската ровер-мисија Чанг-е 4, а податоците се објавени во списанието „Сајенс адвенсес“. Се наведува дека атронаутите ќе бидат изложени на просечна дневно зрачење од 1.369 микросиверти. Тоа е 2,6 пати повеќе од дневната изложеност на Меѓународната вселенска станица, но сепак може да се смета за безбедна количина на кус временски период. – Зрачењето што го измеривме на Месечината е 200 пати поголемо од она на површината на Земјата, или пет до десет пати поголемо од летот меѓу Њујорк и Франкфурт. Астронаутите би биле изложени на ова зрачење подолго од патниците и пилотите на прекуатлантските летови, а тоа е значителна изложеност, смета физичарот Роберт Вимер-Швајнгрубер од Универзитетот во Кил, Германија. Научите истражувања говорат дека изложеноста на зрачење може да има долгорочни здравствени влијанија, како што се појава на катаракта, рак, дегенеративни болести на централниот нервен систем и други органи. Научниците предупредуваат дека изложеноста на поголема количина сончеви честички без соодветна заштита, исто така, е опасно. При мисијата Артемис, астронаутите ќе останат на Месечината две недели и ќе направат две „стапнувања на Месечината“, односно предвидени се две излегувања од капсулата. Дали овие податоци ќе влијаат на плановите, сè уште не е познато. Астронаутите и натаму тренираат и се подготвуваат за историската мисија.

Сеул: Дезертерите од Северна Кореја биле изложени на радијација

Александар Михаилов — Wed, 27 Dec 2017 15:08:39 +0000

Кај најмалку четворица дезертери од Северна Кореја откриени се знаци на изложеност на радијација, соопшти денеска јужнокорејската Влада. Но, експертите не можат да потврдат дека тоа е поврзано со програмата за развој на нуклеарно оружје. Четворицата дезертери потекнуваат од округот Килџу, каде има полигон за тестиурање на нуклеарното оружје. Тие биоле изложени на радијација во периодот од мај 2009 до јануари 2013 година, а во Јужна Кореја побегнаа пред последниот нуклеарен тест на Северна Кореја од 3 септември.