радио станици – Kurir.mk

Националните радио станици нема да плаќаат надоместок за дистрибуција на сигнал за 2022 година

Ивана Ефремовски — Tue, 15 Nov 2022 17:43:29 +0000

Владата на денешната седница донесе Одлука за обезбедување финансиски средства на Јавното претпријатие „Национална радиодифузија“ со цел националните радио станици да се ослободат од обврската за плаќање на надоместокот за дистрибуција на сигнал за 2022 година кон Агенцијата за електронски комуникации, известуваат од владината Прес-служба. Оттаму додаваат дека со ова со средства од Буџетот на Владата предвидени во делот на антикризните мерки, делумно ќе се покријат трошоците на националните радио станици, коишто произлегуваат од обврската за плаќање на надоместокот за дистрибуција на сигнал за 2022 година, во вкупен износ од 7.500.000 денари. (МИА)

Дванаесет часовната тишина за повик за помош – шест локални радио станици во Црна Гора денеска ќе прекинат со емитување програма

Магдалена Андонова — Mon, 11 Jan 2021 10:54:53 +0000

Шест локални радио станици во Црна Гора денеска ќе прекинат со емитување програма во следните 12 часа поради финансиски проблеми. На тој начин тие сакаат да го свртат вниманието на ситуацијата во која се наоѓаат. Програмата ќе биде прекината во 11:55 часот. – Дванаесет часовната тишина од нашите фреквенции ќе претставува повик за помош. Ја повикуваме Владата, која во услови на пандемија треба да има слух за проблемите со кои се соочуваме, со цел да ја одржиме програмата која е од посебно значење за локалните заедници во северниот дел на Црна Гора, изјави претставничката на локалните радио станици Седа Садиковиќ. (МИА)