радишани – Kurir.mk

Скопјанец пронашол коски додека го чистел подрумот – дојде наредба од јавен обвинител

Ивана Ефремовски — Tue, 25 Jul 2023 14:30:20 +0000

На 24.07.2023 во 20.00 часот во СВР Скопје, Џ.Ф.(23) од Скопје пријавил дека при чистење на подрум во куќа на подрачјето на Радишани пронашол коски и најверојатно станува збор за стари коски. Полициски службеници извршиле увид, а по наредба на јавен обвинител коските биле пренесени во Институтот за судска медицина за понатамошна постапка.

Група малолетници нападнале двајца врсници во Радишани

Ивана Ефремовски — Fri, 09 Dec 2022 16:53:54 +0000

На 08.12.2022 во 22:00 часот во СВР Скопје, С.Ј.(59) од Скопје пријавила дека на подрачјето на Радишани нејзиниот малолетен син и уште еден малолетник биле физички нападнати од неколку малолетници, кои употребиле и тврди предмети. Се преземаат мерки за расчистување на случајот.

Ковачки: Славјанка Петровска и семејството се со пријавено живеалиште во луксузната хациенда со базен на Радишанска

Ивона Петрова — Tue, 22 Nov 2022 12:18:42 +0000

Пратеникот и член на ИК на ВМРО-ДПМНЕ, Драган Ковачки на денешната прес-конференција ја обвини министерката за одбрана Славјанка Петровска дека крие луксузна хациенда со базен во Радишани. -Петровска лажеше дека не поседува луксузна хациенда со базен. Тоа го демантиравме со евидентен лист од Агенцијата за Катастар на недвижности, од кој јасно се гледа дека таа е прибележана како сопственик на таа хациенда. Денес ќе презентираме нови несоборливи докази, од кои е јасно дека луксузната хациенда со базен е сопственост на Петровска и на нејзиното семејство. Ова е сметка за вода за хациендата со базен на Петровска. Како лице на кое се води водомерот на тој објект е назначен Љупчо Петровски, татко на Славјанка Петровска, истакна Ковачки. Тој посочи дека од оваа сметка се гледа дека семејството Петровски ја користи луксузната хациенда како свое живеалиште или едно од објектите во кој тие престојуваат. -Адресата на хациендата со базен на Славјанка Петровска е и адресата која според нашите сознанија е место на живеење по лична карта на министерката. Ако таа тврди дека не е така, нека ја покаже личната карта на увид на јавноста. Петровска на последните избори гласаше на избирачкото место на кое гласаат жителите на Радишанска од реонот во кој се наоѓа хациендата со базен. Повеќе од јасно е дека хациендата е живеалиште на Петровска по документи која истите ги има во институциите. Нејасно е само зошто крие од јавноста? И дали една од причините е затоа што луксузната хациенда со базен е дивоградба? Петровска да не бега од одговорност. Петровска е фатена во лага и веднаш да си даде оставка од позицијата Министер за одбрана. Личност која крие имот, а во исто време е во посед на дивоградба не смее да извршува таква одговорна функција. Истовремено ги повикуваме институциите да отворат постапка за Петровска. Одговорност мора да има. И политичка и кривична, нагласи пратеникот.

По четири децении се реконструира улицата Скоевска во Радишани

Ивона Петрова — Tue, 09 Aug 2022 11:26:03 +0000

Град Скопје денес ја започна реконструкцијата на улица Скоевска во населба Радишани, Општина Бутел. На отпочнувањето на градежните работи присуствуваа градоначалничката на Град Скопје, Данела Арсовска и градоначалникот на Општина Бутел, Дарко Костовски. Со овој проект целосно се реконструира коловозот на улицата и нејзините три краци, во вкупна должина од околу 1800 метри и ширина од 6 метри, од крстосницата со ул. „Ѓоре Ѓоревски“ до крстосницата со ул. „Радишанска“, а воедно се предвидува и соодветно партерно уредување и зеленило. - Станува збор за една од поважните сообраќајници во ова населено место, која не е реконструирана повеќе од четири децении и истата, како што може да се види на терен, е во исклучително лоша состојба. За Град Скопје сигурноста и безбедноста на граѓаните се приоритет и со реализацијата на овој проект жителите на населбата Радишани ќе добијат комплетно реконструиран коловоз со соодветна хоризонтална и вертикална сообраќајна сигнализација и соодветно партерно уредување и зеленило – истакна градоначалничката на Град Скопје Данела Арсовска. Градоначалничката Арсовска додаде дека покрај оваа улица, пред отпочнување е и реконструкција на дел од улицата Бутелска и повеќе други проекти, согласно барањата на граѓаните од општина Бутел. Градоначалникот Костовски изрази задоволство од почетокот на реализацијата на овој проект, кој Град Скопје го реализира преку договор за меѓуопштинска соработка, каде со истиот се излегува во пресрет на потребите на повеќе од 7000 жители во населбата Радишани. Вредност на изведбата е 20.541.605 денари при што постигнато е намалување на цената со електронска јавна аукција и заштеда од 20% од проценетата вредност на проектот.

Арсовска – Костовски: Наместо дива депонија, реализирана нова зелена површина над 3000 квадратни метри во населба Радишани

Тале Кристо — Mon, 16 May 2022 15:14:38 +0000

Градоначалничката на Град Скопје, Данела Арсовска, заедно со градоначалникот на Општина Бутел, Дарко Костовски и директорот на ЈП Паркови и зеленило, Ангеле Сотировски, извршија увид на новата реализирана зелена површина на улицата Бутелска во населбата Радишани во општина Бутел. Долгодишната дивна депонија сега е нова зелена површина од над 3000 квадратни метри, во првата фаза хортикултурно се уредени околу 1496 квадратни метри, а во втората завршна фаза хортикултурно се уредени уште 1500 квадратни метри. - Наместо долгогодишна дива депонија уредивме нова зелена површина на површина од над 3000 квадратни метри за граѓаните. Во оваа прва фаза на оваа површина засадени се над 200 зимзелени и листопадни садници. Продолжуваме со реализација на уредување и подигнување на нови зелени површини и зелени коридори во Скопје – изјави Арсовска. - Новиот парк за граѓаните на општина Бутел содржи нови патеки за пешачење, посебен систем за наводнување, зимзелени и листопадни дрвца, нови летниковци како и содржини за најмладите. Комплетно реконструирано е и фудбалското игралиште коешто се наоѓа во овој потег – истакна Костовски. За комплетно уредување на оваа зелена површина, екипите на ЈП „Улици и патишта“ во средишниот дел на паркот изградија пешачка патека, поставена е заштитна ограда и заштитни столпчиња. Градот Скопје, заедно со ЈП „Паркови и зеленило“ и општините, продолжуваат со активности за уредување на нови зелени површини и формирање на зелени коридори низ населените места во Скопје.

Драма во Радишани: Нападнати граѓани и оштетен автомобил

Ивана Ефремовски — Mon, 13 Sep 2021 16:18:20 +0000

На 13.09.2021 околу 01:15 часот во СВР Скопје, Б.М.(29) од Скопје пријавил дека на ул.18 во Радишани тој, Ф.М.(27) и Ј.К.(31), двајцата од Скопје, биле физички нападнати од повеќе лица, кои го оштетиле и возилото „опел астра“ во кое се превезувале. Како што е пријавено лицата користеле и тврди предмети. Се преземаат мерки за расчистување на случајот.

Малолетници се степале во Радишани, едно дете повредено

Ивана Ефремовски — Mon, 13 Sep 2021 14:30:44 +0000

На 12.09.2021 во 23:30 часот во СВР Скопје, В.С.(38) од Радовиш пријавил дека околу 16:00 часот во спортска сала во населба Радишани во Скопје, по претходно нарушен јавен ред и мир со физичка пресметка помеѓу повеќе малолетници, неговиот малолетен внук бил физички нападнат од неколу лица, при што еден од нив му нанел повреда со остар предмет. Се преземаат мерки за расчистување на случајот.

Населба Радишани утре ќе остане без вода

Ивана Ефремовски — Wed, 19 May 2021 07:51:36 +0000

Од ЈП Водовод и Канализација известуваат дека на ден 20.05.2021 година (четврток) поради чистење и дезинфекција на десната комора од резервоарот во населба Радишани, можен е краткотраен прекин во водоснабдувањето во периодот од 08.00 до 09.30 часот. Овој прекин е најавен за корисниците од населба Радишани. (општина Бутел)

Пожар во куќа во Радишани, спасено едно лице (ФОТО)

Ивана Ефремовски — Tue, 11 May 2021 12:52:29 +0000

Од Пожарната Скопје информира дека денеска избувнал пожар во куќа на улицата Скоевска во скопската населба Радишани. -Благодарение на брзата интервенција на противпожарната бригада. Пожарот за брзо време беше локализиран и изгаснат, спасено беше лицето кое беше во куќата Нема повредени во настанот, велат од Пожарната Скопје.

Хаос во Радишани: Четири лица нападнале двајца браќа

Ивана Ефремовски — Fri, 02 Apr 2021 14:11:04 +0000

На 02.04.2021 во 03:30 часот во Полициската станица Чаир, З.А.(20) од Радишани пријавил дека на 01.04.2021 во 22.20 часот пред неговиот двор, тој и неговиот брат М.А. биле физички нападнати од Ф.С., А.Т., С.Ј. и А.М., сите од Радишани. Се преземаат мерки за целосно расчистување на случајот.