радмила шеќеринска – Kurir.mk

Четири години Шеќеринска вршела етничка и професионална дискриминација на вработените во МО

Магдалена Андонова — Sat, 19 Feb 2022 20:43:25 +0000

Државен советник ја обвини поранешната министерката за одбрана Радмила Шеќеринска за дискриминација по разни основи на вработените во министерството, кои поради тоа со години се борат преку институциите да ги заштитат нивните права. Полковникот Мухаедин Беља во интервју за Тв Шења и порталот zoom.mk раскажува дека четири години од министерката Шеќеринска бил изложен на разни притисоци само заради тоа што како државен советник инсистирал во министерството да се почитува уставот и законите. - Дојде на власт под мотото Живот за сите. Нејзината партија доби над 70 илјади гласови на Албанците, но таа ги злоупотреби тие гласови и го прекрши Уставот на Републиката. Таа го уби мултиетничкиот карактер на нашата земја со тоа што не водеше сметка за правичната застапеност, истакнува полковник Беља, кој Воената академија за воздухопловство и против воздушна одбрана ја завршил во Сараево и Задар, а Југословенската војска ја напуштил доброволно веднаш по нападот на ЈНА против Словенија и како поручник се пријавил да служи во АРМ. Беља тврди дека луѓето на министерката Шеќеринска на два пати и покренале дисциплинска постапка, во кои не биле утврдени никакви прекршувања на работната дисциплина, само да го спречат да конкурира на огласот за воен аташе во Вашингтон и да напредува во кариерата заради што бил принуден да го тужи Министерството, министерката Шеќеринска, државниот секретар Драган Николиќ и воениот аташе во САД полковникот Горан Павлевски за етничка, верска и професионална дискриминација. Тој се жали дека иако тужбата ја поднел точно пред две години судскиот процес уште не ни е почнат. Досега биле закажани четири подготвителни рочишта, ниедна не се одржала, а биле сменети пет судии. - Законот предвидува судските процеси поврзани со работни односи, посебно за дискриминација, на првостепено одлучување треба да завршат за шест месеци, и на второстепено за уште три месеци. Поминати се 24 месеци, ништо, вели Беља. Заради тоа Беља побарал заштита од Народниот правобранител, кој утврдил прекршување на правото за судење во разумен рок. Освен тоа, тој се пожалил и пред анкетната комисија на Собранието за заштита на човековите права, каде со месеци претседателот на Собранието Талат Џафери и Генералниот секретар на Собранието, Цветанка Иванова, не ја доставуваат жалбата до претседателот на Комисијата Халил Снопче за да постапува согласно неговите надлежности. Според него, вакви неправди и дискриминација им се случуваат и на други вработени во Министерството од македонска етничка припадност, но и на претставници на други етнички заедници. Досега се поднесени три жалби за дискриминација пред Комисијата против дискриминација и има четири тужби на суд за дискриминација, а има илјадници судски тужби против Министерството за работни спорови. - Истото му се случи и на полковник Борко Симовски. Пет судски спорови ги доби на суд, но Министерството одбива да ги спроведе. Човекот отиде во пензија, без да се спроведат судските одлуки. Башка тоа, три месеци откако замина во пензија, уште не ја добил пензијата затоа што некој во Министерството за одбрана не доставил некој образец во пензискиот фонд, потсетува полковникот. Освен тоа, уште еден офицер Македонец добил спор против Министерството за одбрана пред Комисијата за заштита од дискриминација, која недвосмислено потврдило дека вработениот Душко Димитровски бил вознемируван врз основа на лично својство и општествен статус во областа на работните односи од страна на непосредно претпоставени лица во хиерархиската поставеност во Министерството за одбрана, и тоа од министерката Радмила Шеќеринска и државниот секретар Драган Николиќ. Полковникот Беља вели дека решил да проговори јавно затоа што досега сите напори правда да тера преку институциите не вродиле со плод. - Јас можам да и простам како министерка, но не можам да верувам дека таа е мајка, дека родила дете. Како родител, како може таа да им врши таков притисок на луѓето во Министерството, вели советникот Беља.

Признание за лидерството и визијата за министерката Шекеринска

Тале Кристо — Mon, 10 Jan 2022 19:05:54 +0000

Министерката за одбрана Радмила Шекеринска денеска доби признание од Асоцијацијата на одбранбени аташеи акредитирани во Република Македонија за, како што рече нејзиниот претседател, американското одбранбено аташе полковникот Питер Роуел, нејзиното лидерство во процесот на зачленување на нашата држава во Алијансата и за нејзината визија за развој на одбраната и на Армијата согласно стандардите на Алијансата. Министерката Шекеринска се заблагодари за овој гест и порача дека последните четири и половина години беа тешки, но и дека сета таа работа се исплатеше зашто крајниот резултат е видлив. -Нема поголема сатисфакција од можноста да се придонесе кон нацијата, кон земјата, кон граѓаните. Јас имав можност да придонесам кон нешто што е поголемо од мене. Ако постои реченица која ја повторувавме последните декади, тоа е дека државата и граѓаните сакаат да бидат дел од Европската Унија и од НАТО, рече министерката Шекеринска и додаде дека последните четири и пол години ние ја завршивме нашата домашна задача, а членството во НАТО покажа дека посветеноста и макотрпната работа носат резултати. Таа им се заблагодари на одбранбените аташеи за постојаната поддршка, за сите совети, за силата која тие ни ја даваа во тешки времиња за да продолжиме да се движиме напред. -Партнерите и сојузниците ни дадоа сила кога ние ја губевме. Верувавте во нас кога и ние самите имавме сомнежи. Вие ни дававте искрен и пријателски совет, а тие совети се некогаш најтешки да се слушнат и разберат. Но, тие совети се и најдобрите што можат да бидат дадени и ви благодарам за тоа, им порача на одбранбените аташеи министерката Шекеринска. На доделувањето на признанието му претходеше редовниот годишен брифинг со одбранбените аташеи акредитирани во Македонија на кој министерката Шекеринска се осврна на достигнувањата во одбраната минатата 2021 година. Изминатата година, министерката Шекеринска ја оцени како тешка, но извонредно успешна година за одбраната. -На првата годишнина од членството во НАТО ја завршивме воената интеграција во Алијансата, а сојузниците ни честитаа дека тоа е најбрзата воена интеграција на земја членка досега. Годината ја завршивме со 98,6% реализација на буџетот – средства од кои најголем дел беа наменети за модернизација на Армијата. Вложивме во капацитетите на Криволак кој прераснува во најдобар полигон на сојузниците во Европа, потврдивме дека Северна Македонија е НАТО членка која придонесува за регионалната безбедност и способноста на Алијансата да се соочи со секој предизвик. Пред сè, вложивме во сојузништвото, единството и заедничките вредности. Сето тоа немаше да биде можно без континуираната поддршка од одбранбените аташеа акредитирани во Северна Македонија. Нашиот успех е најдобра потврда на НАТО максимата – заедно сме посилни!, изјави министерката Шекеринска. -Имајќи ги предвид сите безбедносни предизвици, 2021 година ни даде и многу можности да бидеме најдобри во тоа што го работиме како лидери и да ги направиме нашите институции посилни и поотпорни на новите закани, рече министерката пред одбранбените аташеи.

Поразените Шилегов и Шеќеринска во трка за губитничкото кормило на СДСМ?

Ивана Ефремовски — Fri, 05 Nov 2021 15:32:31 +0000

Откако Зоран Заев најави дека се повлекува од премиерската функција и лидерската позиција во СДСМ, се поставува прашањето кој ќе биде неговиот наследник? Кога станува збор за избор на претседател на СДСМ структури во партијата кои се пасивизирани и тргнати на страна веќе покажуваат амбиции за лидерската позиција, но тоа ќе оди потешко поради тоа што СДСМ го смени статутот и за изборот на претседател одлучуваат самите членови на директни избори. На Бихаќка се уште се чека писмената оставка на лидерот Зоран Заев кој ја најави во неделата веднаш по поразот на локалните избори. Од партијата и раководството се уште молчат околу следните чекори и евентуалниот наследник на лидерската позиција. За избор на нов лидер сигурно ќе има повеќе кандидати, а свој кандидат сигурно ќе има и т.н „скопско крило“ а ќе се замешаат и кадрите кои гравитираат околу Бранко Црвенковски. Две од имињата кои кружат последниве денови како замена на Заев во СДСМ се екс-градоначалникот на Скопје, Петре Шилегов и минисерката за одбрана Радмила Шеќеринска. Инаку и Шеќеринска и Шилегов се познати како губитници на избори. Шеќеринска е позната како личност која го има доживеано најголемиот пораз во историјата на СДСМ. Тоа се случи во 2008-ма година на парламентарните избори кога Шеќеринска беше претседател на партијата и изгуби со околу 250.000 гласа разлика од ВМРО-ДПМНЕ. Се шпекулира дека во игра за нов лидер на владејачката партија, за кој веќе на големо се лобира е и Петре Шилегов, поранешене градоначалник на Скопје кој доживеа катастрофален пораз на локалните избори од независната кандидатка подржана од ВМРО-ДПМНЕ, Данела Арсовска со речиси 30.000 гласа разлика. Интересно е дека името на Шилегов се врти во комбинација и за можен мандатар, но и за кандидат за нов лидер на социјалдемократите. Шпекулациите се засилија откако Шилегов беше присутен на првата средба на Заев со коалициските и со владините партнери по неговата оставка.

Куновска за Шеќеринска: Тажничка е веќе за гледање

Магдалена Андонова — Fri, 05 Feb 2021 20:56:44 +0000

Ако нарачале многу вакцини а после да им останеле, ако не сакала популацијата да се вакцинира, што ќе правеле со вакцините? -Рада, проширена и надградена. Кажете и дека не е проблем, има заинтересирани за вакцини низ цел свет. Тажничка е веќе за гледање... Фејсбук статус на Софија Куновска

Шекеринска се вади: Вакцини нема затоа што Владата не знае колку луѓе сакаат да се вакцинираат

Магдалена Андонова — Fri, 05 Feb 2021 19:51:51 +0000

Прашањето на безбедност одамна не е само прашање на физички напад и полиција или армија на границите, туку и вакцините се тука, рече минситерката за одбрана Радмила Шеќеринска на вечерашното гостување на телевизија Телма во емисијата Еурофокус. Од тие причини, рече таа, до пред два месеци разговаравале на оваа важна тема низ призма како побрзо до ефискана заштита и во тие моменти рекле главен акцен е на усогласениот механизам и процесот поддржан од ЕУ. -Ама излезе дека треба директно да се преговара и со Фајзер, и за кинеската вакцина, рече Шекеринска вадејќи се на тоа зошто нема вакцини во Македонија, велејќи дека и во држави на ЕУ забавен е процесот. Според неа довербата на граѓаните ќе влијае на процесот на вакцинација. -Ако ги уверите дека сте воделе сметка во процесот на набавка, ќе зависи процентот колку ќе се вакцинираат, рече Шекеринска. Дополнително, додаде таа, не знаеме ни колку граѓани сакаат да се вакцинираат, затоа мора да водиме сметка и за количините. До пред неколку месеци, кажа Шекеринска, немало вакцина со дозвола од европско-американски регулатори со кои комуницирале, и затоа подоцна почнал процесот за разговори со Кина.

Ковачки: Шекеринска под итно да сноси одговорност, срамно е три години Македонија во НАТО да нема претставник

Ивона Петрова — Mon, 25 Jan 2021 09:51:20 +0000

Членот на ИК на ВМРО-ДПМНЕ Драган Ковачки во гостувањето на Алфа телевизија истакна дека министерката за одбарана Радмила Шекеринска има должност и едноставно мора да одговори на јавноста за скандалите што го тресат нејзиното министерство. -Јавноста мора да се сомнева и да прашува, затоа ние, односно јавноста ја плаќа оваа администрација која и да е, дали е ВМРО, дали е СДСМ на власт, дали е ДУИ, не е важно. Институциите морат да работат за граѓаните и за државата. Тие не работат сами за себе. Како што е во моментов случајот јавноста мора да бара одговори, затоа ние бараме одговори во име на јавноста. И ние тие одговори не ги добиваме, истакна Ковачки. Додаде дека деновиве Дане Талески заминал во Брисел, а тој е цивил. Точно е дека НАТО е политичко воен сојуз, меѓутоа без највисок воен претставник таму за што треба да се разговара понатаму. Срамно е три години Македонија во НАТО да нема претставник. -Состојбата е многу сериозна врзано за тоа прашање и мора да се носи одговорност. Знаете јас немам слушнато, еве пратиме сите, следиме телевизии, дали се сеќавате некој да бил вратен од мисија кој што сме го пратиле човекот. Јас не се сеќавам, ова е прв пат да ни се случува вака, и тоа не еднаш туку два пати, рече Ковачки. Тој посочи дека прашање е дали некој ставил или не ставил потпис во делот на безбедноста. Поради тоа политиката моја да ја носи одговорноста. Политиката е таа што треба да биде транспарентна и да одговори на овие прашања. Не може тоа да го одговараат поединци, професионалци од струката, и да излегуваат и да објаснуваат што се случило и како се случило. Значи политиката е која што потпишала и го номинирала кандидатот. Госпоѓата Шекеринска го номинираше, таа излезе на телевизија и го кажа. Таа кажа дека со претседателот Пендаровски се согласиле за името. -Тие се власт во државата, како што обвинуваат дека во време на ВМРО се издавало, еве сега нека повелат нека кажат каде е проблемот. Јас не навлегувам во делот пак ќе речам сертификатите на безбедносните, туку процедурата за избор и одредување на кандидатот. И кој е тој што го пратил, дали ги земал во предвид сите факти, појасни Ковачки. Ковачки нагласи дека во избор на претставник во НАТО политиката, или политичката определба не треба да игра никаква улога.

Власта без став за пописот

Ивона Петрова — Sun, 27 Dec 2020 13:45:58 +0000

Претставници на Владата во еден ден даваат различни изјави во врска со пописот, што сериозно го отвора прашањето дали власта има воопштво став за реализирањето на најголемата статистичка операција. Од ВМРО-ДПМНЕ изминативе денови дадоа неколку предлози, за кои министерката за одбрана Радмила Шеќеринска и портпаролот на Владата Муамет Хоџа, имаат различни одговори. ВМРО-ДПМНЕ предлага да се набават 10.000 терминали за отчитување на отпечатоци од прст и да се попише резидентното население. Тие терминали ќе бидат со можност за отисок од прст и само така ќе се изврши реален попис, кој ќе даде реални статистички информации. Од партијата предлагаат и објавување на методологијата според која се планира пописот, и овозможување на пошироката засегната и стручна јавност да даде допринос во насока на подобрување. На денешната прес-конференција во Владата, Хоџа истакна дека се разгледува предлогот на ВМРО-ДПМНЕ за набавка на терминал за отпечаток од прст за пописот. -Ова се разгледува од надлежните институции, но сакаме да потсетиме дека спроведувањето на пописот е во интерес на сите. Државата треба да ги знае клучните статистички податоци и тоа е операција која повеќе не смееме да ја одложуваме зашто нејзиното организирање е за општо добро, истакна Хоџа. Треба сите да бидеме свесни, нагласи, колку ни се неопходни податоците кои треба да ги даде пописот за планирањето на развојот на државата. Спротивно на оваа негова изјава, министерката Шеќеринска на денешниот настан истакна дека предлогот на ВМРО-ДПМНЕ е само уште еден обид да се одложи пописот. -Кога една партија неколку месеци пред пописот што сите го чекаме речиси 20 години, ќе ви даде предлог да се купат илјадници апарати за чија набавка не само што требаат пари, туку треба и долг временски период, тоа практично покажува дека повторно не сака да има попис. Тоа е истата партија која еднаш тргна во попис, самата ги рушеше правилата на попис. Потроши 4 или 7 милиони евра и потоа рече „пу пу не важи“. Оваа држава не може веќе ништо да планира и не може да личи на сериозна држава ако уште еднаш го одлага пописот. И овој предлог на ВМРО-ДПМНЕ е само уште еден обид да се одлага пописот и да се проблематизира за да не се покаже дека кога државата сака да има попис, може да има попис, рече Шеќеринска. Од ВМРО-ДПМНЕ порачаа дека нивните предлози власта мора да ги прифати, доколку целта и е спроведување на попис, а не политички договор кој ќе има само употреба за едни избори.

Стоилковски: Од лагите на СДСМ ја издвојувам онаа на Шеќеринска во септември 2018 каде што кажува дека Македонија доби датум за преговори

Магдалена Андонова — Fri, 25 Dec 2020 14:51:23 +0000

Од #ЛагитеНаСДСМ издвојувам: Радмила Шекеринска, 12.09.2018 "Ветивме дека Македонија ќе добие датум за почеток на преговори – го добивме". Фејсбук статус на Наум Стоилковски

Мизрахи: Заев вели била „администрација“, Шекеринска вели да ја заборавиме историјата, а 83 членови на мојата фамилија никогаш не се вратија

Ивона Петрова — Tue, 01 Dec 2020 07:47:48 +0000

Пратеничката од ВМРО-ДПМНЕ Рашела Мизрахи, вели дека не може да се избега од историските факти, за сега Заев да вели дека депортацијата била администрација, додека Шекеринска вели да ја заборавиме историјата, а посочи дека 83 членови на нејзиното семејство никогаш не се вратиле од Треблинка. Мизрахи вчера во емисијата „Јади бурек“ објасни дека 1941 година Евреите од Македонија се ставени во Тутунскиот комбинат во три комвои на 22, 26 и 28 во 40 точни вагони, обележани со бугарска државна железница, се однесени во Треблинка и никој од таму се нема вратено. Таа рече дека има јавно достапна документација иако Борисов тврди дека никогаш не го видел Законот за заштита на нацијата, нашата заедница не сака да зборува за ова прашање затоа што е навреда третирањето на нашите роднини како животни, меѓутоа ваквото законско спроведување на масакар на луѓе, овој закон е поминат во бугарското собрание со указ од цар Борис, број три на 21 јануари 1941 година, и веднаш после тоа се носи уште еден закон, тоа е законот за еднократниот данок, двата закони се донесени два месеци пред Бугарија да пристапи кон сојузниците односно Хитлер. -На територија на Македонија во 1942 година се спроведува законот, тоа не било герила акција туку спроведување на закон, каде се врши обележување на еврејските куќи, се прави пописна листа на сите Евреи има полициски час за евреите по 18 часот, се ставаат жолтите значки на Евреите, им се забранува секаква јавна функција и работен однос, и се прават листите за депортација, дополнително се отвара Конто 343 во бугарската народна банка и сите пари кои доаѓаат од Евреи се префрлаат на тоа конто, па ги продавале своите имоти за да се прехранат, а парите завршувале на тоа конто, општо пљачкосување и грабеж, посочи Мизрахи. Таа додава дека на 22 февруари 1943 година Белев во име на владата и цар Борис, потпишува договор со германската амбасада со тогашниот амбасадор Бекерле за депортација на 20,000 Евреи. -Ова се историски факти кои се случиле иако не ми е лесно да говорам, Мизрахи од Скопје, се депортирани и никогаш не се вратија 83 членови на мојата фамилија, вели Мизрахи. Пратеничката посочува дека сега премиерот сега ќе ја нарече таа депортација администрација, но администрација не воведува воена структура, поставува гранични премини, законодавство, своја полиција и свое бугарско образование на окупираните територии. Мизрахи истакна исто така дека е под целосен шок од изјавата на министерката Шекеринска која вели „да ја заборавиме историјата, да пуштиме тоа што се случувало пред 70 години, треба да ја гледаме иднината“, па праша кои сме ние без нашите херои, и на кое министерство ќе беше таа да не беа тие херои, министер за одбрана треба да биде министер за одбрана на својата држава, не да кажува како ќе се менува историјата.

Ременски: Ќе ја праша ли некој Радмила Шеќеринска дали македонската антинационална кампања на нејзиниот бугарски колега Красимир Каракачанов може да се класифицира како хибридна закана ?

Магдалена Андонова — Mon, 02 Nov 2020 16:13:01 +0000

Ќе ја праша ли некој министерката за одбрана Радмила Шеќеринска Јанковска, дали македонската антинационална кампања на нејзиниот бугарски колега Красимир Каракачанов, по НАТО стандардите може да ја класифицира како ХИБРИДНА ЗАКАНА, односно дали разбира дека пропагандата освен за рекламирање служи и за специјална војна која во моментот се врши преку "историски РЕКЕТ"?!, пишува во статусот на Фросина Ременски.