радоје звицер – Kurir.mk

Уапсен соработник на Звицер: „Испрал“ милиони за Кавачкиот клан – еве како падна во рацете на полицијата

Ивана Ефремовски — Mon, 21 Aug 2023 17:21:18 +0000

Холандскиот државјанин Рамазан Кескин, осомничен за врски со црногорскиот Кавачки клан и перење пари за таа криминална група, е уапсен во Санкт Петербург, објавија руските медиуми. Како што пренесува сајтот „dp.ru“, Кескин е осомничен за создавање меѓународна криминална организација и по него е распишана потерница по барање на Германија. Претставниците на судот во Санкт Петербург соопштија дека германските власти го обвинуваат наводниот шеф на криминална група за перење пари за разни картели, меѓу кои и Кавачки клан. „За својата работа, соучесниците на Кескин добивале од 4 до 6,5 отсто од износот на трансферот. Најголем дел од злосторствата биле извршени во Холандија. Оттаму парите биле извадени во готово или преку Германија со трансфер во Турција, Русија , Колумбија, Парагвај и други земји“, пренесува овој портал. Порталот „47news.ru“ пренесува дека Кескин е поврзан со организацијата на чие чело е Радоје Звицер. Се посочува бил извршен обид за атентат врз него, објави порталот. Се нагласува и дека засега не се знае каде се наоѓа Звицер. -Според податоците на агенциите за спроведување на законот во Германија, соучесниците на Кескин од 2017 до 2020 година испрале повеќе од 12 милиони евра, пишува веб-страницата „dp.ru“. Во Германија е распишана европска потерница. Кескин, кој исто така е турски државјанин, е уапсен на железничка станица во Санкт Петербург. Адвокатите на Кескин побараа тој да биде ослободен со кауција од еден милион рубљи. Тие тврдеа дека дејствијата опишани во барањето за екстрадиција не спаѓаат под ниту едно кривично дело според Кривичниот законик на Руската Федерација. Притвор е одреден до средината на ноември, додека не се реши прашањето за екстрадиција.

Луѓе на Звицер тргнале да убијат македонски државјанин за дрога вредна 200 милиони евра, а потоа се случило чудо за него!

Дарко Андоновски — Thu, 27 Jul 2023 08:05:24 +0000

Во голема акција во Хрватска се упапсени соработници на Радоје Звицер, водачот на Кавачкиот шверц на неколку стотици килограми кокаин, вреден најмалку седум милиони евра! Според хрватските медиуми,уапсените на територијата на Риека и Загреб се поврзани со исчезнувањето на 200 килограми кокаин пролетта минатата година, што предизвика конфликт меѓу кланот. Интересно за нас што меѓу нив е и македонски државјанин (58) кој украл 200 килограми кокаин од членовите, дрога што од Загреб требало да биде пренесена во земјите од Западна Европа. По кражбата на дрога вредна милиони, хрватската полиција ги зголеми безбедносните мерки во таа земја, бидејќи се очекуваа нови крвави конфликти поради исчезнувањето на кокаинот. Кражбата на кокаин со голема вредност резултирала со многу брза и агресивна реакција на нарко кланот, кој испрати свои луѓе во Хрватска да откријат кој ја украл дрогата, а се обиделе да се вратат и да ги „казнат“ виновниците. Тие биле испратени во Хрватска „на задача“ од наркобосот Радоје Звицер, односно токму за да се одмаздат за исчезнувањето на дрогата или да се обидат да ја најдат и да ја вратат на сопственик – изјавија тие. Но, Македонецот набрзо бил уапсен со уште неколку соработници, а хрватската полиција од 200 украдени пронашла 125 килограми кокаин, закопани во буриња на неколку локации во близина на Загреб. Со апсењето нашиот државјанин се спасил луѓето на Звицер да не го ликвидираат.

ДОДЕКА ЗВИЦЕР Е ВО БЕГСТВО, ТАА ОРГАНИЗИРА ЖУРКИ –сопругата на криминалецот си прави луди роденденски забави со познати српски пејачки (ФОТО)

Дарко Андоновски — Mon, 17 Jul 2023 09:19:30 +0000

Сопругата на Радоје Звицер кој е во бегство пред неколку денови организирала гала прослава во Црна Гора на гостите ги забавуваа познати пејачи како Едита Арадиновиќ и Марина Вишковиќ. Пејачката Едита Арадиновиќ за „Курир.рс“ потврдила дека пеела на прославата во Котор, но изјавила дека не знае кој ја организирал прославата. – Според договорот со менаџерот како вистински професионалец, тогаш не прашував, како што не прашувам сега, со кого пеам. Беше изненадување за роденденската девојка која сакаше да се појавам на нејзиниот важен ден, ми беше убаво и уживав како и секој пат кога се дружам со мојата публика. – Сопругата на Звицер Тамара била весела и играла цела вечер и заа време на забавата сменила две комбинации.

ЗВИЦЕР Е ЖИВ – ќерката и сопругата на криминалецот кој имаше лажен македонски пасош објавија видео во кое пеат песна од Јала Брат и Буба Корели

Дарко Андоновски — Sun, 02 Oct 2022 17:06:20 +0000

Српската полициска управа преку своите партнерски служби добила потврда дека убиеното лице во Панама не е Радоје Звицер, лидерот на озлогласениот „Кавачки клан“. -Полициските информации, според сознанијата на порталот Стандард, укажуваат дека убиениот во централноамериканската држава Панама физички не личи на шефот на кавачкиот клан, Радоје Звицер, пишува српски „Блиц“. Со идентификација и физичка проверка, Српската полициската управа добила дефинитивна потврда дека контроверзното лице не е убиено во Панама, туку дека се работи за друго лице чиј идентитет се уште не е соопштен. Потсетуваме, пред два дена медиумите објавија информација дека лидерот на „Кавачкиот клан“ Радоје Звицер е убиен во пукотница во вила во Панама. Звицер беше еден од највлијателните луѓе на балканското подземје. Беше поврзуван со бројни убиства, продажба на дрога и други кривични дела. Се верува и дека тој стои зад ликвидацијата на шефовите на „Шкаљарскиот клан“, Игор Дедовиќ и Стеван Стаматовиќ во Атина. Во меѓувреме на социјалните мрежи се појави видео од ќерката на Радоје Звицер, покрај која стои нејзината мајка Тамара Звицер како двете пеат песна од познатите босански рапери. Во позадина се слуша песна на познатите изведувачи Јала и Буба со карактеристичен текст. – И вечерва осаменоста дојде да ме посети, а твојот мирис се вовлече во мојот кревет, оваа ноќ се закануваат, сакаат да ме изгорат – ги пејат двете стиховите од песната која оди во позадина, во видеото кое објавија на ТикТок. Видеото се појави неполни 48 часа откако пристигна информацијата дека во Панама е убиен Радоје Звицер, водачот на кавачкиот клан. Се шпекулира дека Тамара и неговата ќерка сакале да кажат дека водачот на криминалниот клан е се уште жив. Инаку Звицер имаше лажен македонски пасош издаден од МВР под раководство на Оливер Спасовски.