радовиш-штип – Kurir.mk

Нормализиран сообраќајот на магистралниот пат Радовиш-Штип

Магдалена Андонова — Tue, 29 Sep 2020 11:29:38 +0000

АМСМ информира дека е нормализиран сообраќајот на магистралниот пат Радовиш – Штип. Сообраќајот беше во прекин поради сообраќајка што се случила на осмиот километар од Штип кон Радовиш во која се судрија автобус и комбе, а беа повредени 17 припадници на Армијата./МИА

Сообраќајна несреќа на магистралниот пат Радовиш – Штип, сообраќајот во прекин

Тале Кристо — Tue, 29 Sep 2020 06:14:08 +0000

Поради сообраќајна несреќа, од 7.25 часот е во прекин сообраќајот на магистралниот пат Радовиш – Штип, на осмиот километар од Штип кон Радовиш. Автомотосојузот на Македонија соопшти дека сообраќајот се пренасочува по автопатот Радовиш – Штип.

Детали за сообраќајката на патот Радовиш-Штип: Повредени 11 лица, сите се возеле во еден автомобил!

Дарко Андоновски — Mon, 13 Jul 2020 08:56:55 +0000

На 12.07.2020 околу 20.35 часот на магистралниот пат Радовиш - Штип, на место викано „20-ти километар“, се случила сообраќајна незгода помеѓу патничко возило „мерцедес“, со велешки регистарски ознаки, управувано од возач кој го напуштил местото на настанот, товарно возило „даф“, со скопски регистарски ознаки, управувано од С.Ј.(61) од с.Булачани, скопско и патничко возило „мерцедес“, со бугарски национални ознаки, управувано од Е.К.(50) од Штип. Во незгодата, со повреди се здобиле 11 лица мигранти (10 од Пакистан и 1 од Авганистан), кои се превезувале во патничкото возило „мерцедес“, со велешки регистарски ознаки, Е.К. и Т.К.(85) од Штип, совозач во патничкото возило „мерцедес“, со бугарски национални ознаки, кои биле пренесени во Клиничка болница Штип за укажување на лекарска помош. Увид на местото на незгодата извршиле Јавен обвинител и екипа од СВР Штип.

Пронајдени десет мигранти при полициска контрола на магистралниот пат Штип-Радовиш

Тале Кристо — Sun, 15 Mar 2020 11:08:27 +0000

При полициска контрола на патнички автомобил на магистралниот пат Штип-Радовиш денеска околу 06:00 часот биле пронајдени десет лица мигранти од Авганистан и Пакистан. – Денеска околу 06.00 часот на магистралниот пат Штип-Радовиш, на место викано „Шести километар“, при обид за контрола од полициски службеници на патничко возило „ауди“, со скопски регистарски ознаки, возачот го напуштил возилото, а во него биле пронајдени 10 лица-мигранти од Авганистан и Пакистан, се вели во сооопштението од МВР. Се преземаат мерки за расчистување на случајот.

Поради снимање филм пренасочен сообраќајот на патот Радовиш – Штип

Ивона Петрова — Sun, 18 Feb 2018 07:47:38 +0000

Од 7:00 часот утрово, поради снимање филм, сообраќајот на патниот правец Радовиш – Штип, на четири километри се пренасочува десно, кон Републичка сообраќајна полиција за влез во Штип, соопшти Автомото сојузот на Македонија. Сообраќајот на државните патишта се одвива без забрани, застои и ограничувања по претежно суви коловози, освен на повисоките осојничави места. АМСМ препорачува внимателно возење, прилагодена брзина на движење и почитување на поставената сообраќајна сигнализација. Во клисурите и засеците можна е појава на одрони, особено на патните правци: Кочани - Македонска Каменица - Делчево, Виница - Берово, Гостивар - Стража, Маврово – Дебар - Струга, Демир Капија - Удово, Катланово - Велес, Крушево - Демир Хисар и Ресен - Буково. Интензитетот на сообраќајот на патните правци надвор од градските средини е умерен. На граничните премини од македонска страна нема подолги задржувања за влез и за излез од државата.