радовишанец – Kurir.mk

Приведен радовишанец, при претрес пронајдена дрога

Ивана Ефремовски — Wed, 20 Sep 2023 09:01:45 +0000

На 19.09.2023 во Радовиш, полициски службеници од Одделението за внатрешни работи Радовиш го лишиле од слобода Е.С.(28) од Радовиш. При претрес во неговиот дом, извршен со судска наредба, била пронајдена марихуана. Е.С. бил задржан во Полициската станица Радовиш, за случајот бил запознаен Јавен обвинител од Основното јавно обвинителство Радовиш и по негово целосно документирање против лицето ќе биде поднесена соодветна пријава.

Кривична пријава против радовишанец обвинет за дела „тешка кражба“

Тале Кристо — Tue, 27 Sep 2022 15:39:01 +0000

Одделението за внатрешни работи Радовиш до Основното јавно обвинителство Радовиш поднесе кривична пријава против Д.А.(53) од село Војиславци, радовишко. Лицето се сомничи дека во периодот од октомври 2021 до август 2022 година извршил пет кривични дела „тешка кражба“ во два манастира и една црква во близина на с.Војиславци, радовишко.

Приведен радовишанец кој превезувал 88 мигранти

Тале Кристо — Wed, 27 Jul 2022 08:02:55 +0000

Полицијата синоќа, околу 00.15 часот, го лишила од слобода А.С.(35) од радовишкото село Ињево. Како што информира МВР, на местото викано „Нова Петла“ во Гевгелија, полициски службеници од Полициската станица Гевгелија запреле товарно возило „сканиа“, со прилепски регистарски ознаки, со полуприколка. При преглед во полуприколката биле пронајдени 88 лица мигранти (56 од Сирија, 21 од Пакистан, 10 од Индија и еден од Јемен), од кои 12 се малолетници. Мигрантите биле сместени во Прифатно-транзитниот центар „Винојуг“ во Гевгелија, а А.С. бил задржан во полициска станица. По целосно документирање на случајот против него ќе биде поднесена соодветна пријава.

Украл автомобил: Радовишанец заврши зад решетки

Тале Кристо — Fri, 25 Feb 2022 15:40:45 +0000

На 25.02.2022 во 07.05 часот на ул.„Ванчо Ангелов“ во Свети Николе, полициски службеници од ОВР Свети Николе го лишиле од слобода А.А.(32) од Радовиш, поради постоење основи на сомнение за сторено кривично дело „одземање моторно возило“, казниво по член 242 од Кривичниот законик. Полициски службеници го пронашле возилото „ивеко“, со штипски регистарски ознаки, и го вратиле на сопственикот од Радовиш, а осомничениот бил предаден во Полициската станица Радовиш за понатамошна постапка. По документирање на случајот ќе биде поднесена соодветна пријава.

Кривична пријава за радовишанец кој шетал позитивен со коронавирус

Тале Кристо — Mon, 11 May 2020 11:02:05 +0000

Отсекот за економски криминал при Одделението за внатрешни работи Радовиш до Основно јавно обвинителство Радовиш поднесе кривична пријава против радовишанецот Т.Ј. (58) , заради постоење основи на сомнение за сторено кривично дело „непостапување според здравствени прописи за време на епидемија“, соопштија од СВР-Струмица. На радовишанецот во периодот од 17 до 31 март со решение од Државен санитарен и здравствен инспекторат му било наложено здравствен надзор и домашна изолација поради тоа што во Радовиш остварил контакт со лице од Скопје дијагностицирано како заболено од Ковид-19. -Тој на 4 април околу 10:30 часот отишол на прослава по повод изградба на нова куќа во Радовиш и остварил средба со сопственикот на објектот, а околу 12:00 часот истиот ден се упатил во пункт за достава на брзи пратки во Радовиш, каде остварил контакт со вработената. Со ова пријавениот ги изложил на ризик лицата со кои ги остварил средбите, се додава во соопштението на СВР-Струмица. Т.Ј. бил тестиран за присуство на вирусот во пунктот на Центарот за јавно здравје Штип на 31 март, а на 5 април добил известување дека кај него лабараториски е потврдено присуство на вирусот. До добивањето на резултатите, тој не ги почитувал насоките и препораките на Министерството за здравство и одлуките на Владата, иако му било укажано дека треба да остане во самоизолација до добивање на истите.