Радовишко – Kurir.mk

Приведено лице од радовишко, предизвикал пожари и ги признал делата

Ивана Ефремовски — Wed, 20 Sep 2023 07:38:02 +0000

На 19.09.2023 во 11:15 часот Радовиш, полициски службеници од Полициската станица Радовиш го лишиле од слобода С.Р.(52) од с.Али Коч, радовишко.

Тој се сомничи дека на 18.09.2023 предизвикал пожар на место викано „Градска корија“ во Радовиш, при што била опожарена шума и насади со тутун.

С.Р. бил задржан во полициска станица и со него бил извршен службен разговор, при што го признал делото.

Исто така, тој признал дека на 31.07.2023 и 01.08.2023, на место викано „Градска депонија" во Радовиш, предизвикал пожар во кој била зафатена сушница за тутун со низи, а постоела опасност од опожарување на куќа.

По целосно документирање на случаите, во консултација со јавен обвинител, против него ќе биде поднесена соодветна пријава.

Пронајдено исчезнато деветгодишно дете во Радовишко

Тале Кристо — Wed, 23 Mar 2022 11:07:43 +0000

Во атарот на радовишкото село Покрајчево денеска околу 10:30 часот полицијата го пронашла исчезнатиот деветгодишен малолетник од село Јаргулица, кого неговиот татко Љ.И. (44) синоќа го пријавил дека се оддалечил од дома. Како што информираа од СВР Струмица, веднаш по пријавувањето полициски службеници од Полициската станица Радовиш, екипа од Територијалната противпожарна единица и граѓани започнале пребарување на теренот и денеска малолетникот бил пронајден во добра здравствена состојба. Според портпаролката на СВР Струмица, Александра Трајанова, причините за оддалечувањето на детето од домот дополнително ќе се утврдуваат откако со него и неговите родители ќе биде извршен разговор.

Приведени тројца крадци од радовишко, фатени на дело

Тале Кристо — Fri, 28 Jan 2022 12:23:55 +0000

На 27.01.2022, полициски службеници од Полициската станица Штип ги лишиле од слобода Т.И.(21) од с.Подареш, радовишко, Д.И.(20) и Т.Н.(22), двајцата од с.Ињево, радовишко. Во 22.45 часот на ул.„Широк дол“ во Штип тие биле затекнати при вршење тешка кражба во обид во патничко моторно возило „опел астра“. На местото биле пронајдени и одземени предмети поврзани со кривичното дело. По комплетно документирање на случајот, против лицата ќе биде поднесена соодветна пријава.

Претреси во радовишко, пронајдено оружје

Ивана Ефремовски — Sat, 20 Feb 2021 14:17:38 +0000

На 19.02.2021 во 07,45 часот полициски службеници од Полициската станица Радовиш, по наредба на Основен суд Радовиш, извршиле претрес во домот и други простории, сопственост на Д.А.(38) од с.Јаргулица, при што било пронајдена и одземена ловна пушка марка „ИЖ“ и 13 патрони калибар 16 мм. Исто така, на 19.02.2021 во 08 часот полициски службеници од Полициската станица Радовиш, по наредба на Основен суд Радовиш извршиле претрес во домот и други простории, сопственост на Т.С.(54) од с.Јаргулица при што биле пронајдени и одземени две ловни пушки марка “Црвена застава“, 51 патрон ловечка муниција калибар 12 мм. и сигнален пиштол марка “Екол“. По целосното документирање на случајот ќе следат соодветни поднесоци.

Магла на патиштата во Струмичко и Радовишко

Тале Кристо — Thu, 11 Jan 2018 07:29:16 +0000

Намалена видливост поради појава на магла до 100 метри изутринава има на патниот правец Штип – Радовиш и од 30 – 50 метри на патниот правец Струмица – Ново Село, информираат АМСМ и ЈП Македонијапат. Се препорачува внимателно возење, прилагодена брзина на движење и почитување на поставената сообраќајна сигнализација. Во клисурите и засеците можна е појава на одрони, особено на патните правци: Кочани - Македонска Каменица - Делчево, Виница - Берово, Гостивар - Стража, Маврово – Дебар - Струга, Демир Капија - Удово, Катланово - Велес, Крушево - Демир Хисар и Ресен - Буково. Интензитетот на сообраќајот на патните правци надвор од градските средини е умерен. На граничните премини нема подолги задржувања за влез и за излез од државата. Оваа информација се однесува само за македонската страна на премините. Од 15-ти ноември стапи во сила законската обврска за задолжително поседување на зимска опрема во возилата, без оглед на временската состојба. Оваа обврска ќе трае до 15-ти март 2018 година.