радожда – Kurir.mk

Подводно чистење на Охридското Езеро кај Радожда

Ивона Петрова — Tue, 25 Jul 2023 12:37:52 +0000

Нуркачките клубови „Норкач“ и „Скаут“ од Струга в сабота органзираат подводно чистење на Охридското Езеро кај селото Радожда. Според информацијата на клубовите, предвидено е чистење на брегот на Охридското Езеро во вода и на копно во должина на Радожда. - Во вода ќе влезат искусни нуркачи, придружувани од кајчиња на кои ќе се собере целото ѓубре што ќе се извади од езерото. Акцијата е поддржана од јавното претпријатие „Комунално“, кое со свои возила ќе го соберат сметот и ќе го однесат до крајната дестинација за одлагање, посочуваат од клубот за подводни активности „Норкач” и нуркачкиот клуб „Скаут“. За чистење на плажата и крајбрежјето, посочуваат дека може да учествува секој, додека за подводното чистење само лица кои поседуваат лиценца за нуркање. - Ве покануваме да бидете дел од акцијата, сите заедно со личниот придонес, можеме да направиме значајна разлика во заштитата на нашето Охридско Езеро. Охридското Езеро е Светско културно наследство и е најголемо и најзначајно природно езеро во Македонија. Од тука, обврската и одговорноста за зачувување на она што сме го наследиле е на сите нас, велат од двата нуркачки клуба во Струга.

Голем пожар над Елен Камен во Струга, силниот ветер го отежнува гаснењето

Ивона Петрова — Fri, 22 Apr 2022 19:19:01 +0000

Над Елен Камен во Струга, голем пожар избувнал попладнево, над патот за Радожда, пренесува ТВ Сител. Според информации од очевидци на местото на настанот огнот многу бргу се шири поради силниот ветер. Голем е стравот кај локалните жители дека пожарот може да зафати и куќи. Во моментов на терен работат екипи на против пожарната бригада, но како што сведочат очевидците, силниот ветер е голем проблем и веќе зафатил голем предел. Од Центарот за управување со кризи велат дека се интервенира со 2 противпожарни возила и 6 пожарникари и тројца вработени во ШС Јабланица-Струга. -Гори дабова и ниско стеблеста шума. Проблем во гасењето на пожарот прави и ветерот кој дува преку целиот ден. Моментално нема опасност од загрозеност на објекти но поради ветерот екипа на ТППЕ-Струга постојано ќе го контролира опожарениот простор во текот на ноќта, информираат од ЦУК.

Одрон од карпа им се заканува на жителите на Елен Камен и Радожда

Ристе Здравков — Wed, 20 Oct 2021 10:37:04 +0000

Жителите од Елен Камен и Радожда загрижени за безбедноста. Откако одрон од карпа деновиве го блокира патот тие стравуваат бидејќи се уште голем дел е напукнат и претставува опасност од нови одрони а дополнителен проблем е и водоводната цевка која при санирањето пукнала.Тие бараат надлежните да реагираат навреме да недојде до несакани последици. Претседателот на месната заедница Елен Камен Попоски бара да се постави заштитна мрежа на овој патен правец кој особено за време на викендите е доста фреквентен и да се изврши санација на карпата. Инаку ова не е прв пат да има одрони на овој потег во февруари годинава голем одрон од карпа оштети помошни простории во неколку куќи во Радожда за среќа немаше повредени лица.

Полициска акција во с.Радожда – запленета марихуана пренесена од Албанија

Магдалена Андонова — Thu, 04 Mar 2021 09:26:03 +0000

Како резултат на преземени мерки и активности од страна на Полициската станица за граничен надзор „Охридско езеро“ во соработка со Одделението за прекуграничен криминал при Регионалниот центар за гранични работи Запад на 03.03.2021 околу 21.00 часот на влезот на село Радожда, струшко, на брегот на езерото било спречено криумчарење на марихуана. Пронајдената марихуана била пренесена од Република Албанија и била наменета за продажба во Република Македонија. По расчистување и документирање на случајот, по насоки на Основнот јавно обвинителство Струга ќе биде поднесена кривична пријава поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанции и прекурсорси“ по член 215 од Кривичниот законик.

ПЕПЛОСА ХОТЕЛ ВО РАДОЖДА- огнот ја зафатил целата кровна конструкција и три хотелски соби со инвентар

Дарко Андоновски — Mon, 01 Mar 2021 13:59:20 +0000

Во хотелско-сместувачки комплекс во струшкото село Радожда, вчера во пожар изгорела кровната конструкција и целокупниот инвентар во три хотелски соби од комлексот. СВР Охрид денеска соопшти дека пожарот избувнал околу 13 часот во комплекс, сопственост на А.Ш.(47) од селото Радожда. – Во гасењето на пожарот, најнапред интервенирало месното население, а по кратко време и Територијалната против пожарна единица од Струга, која целосно го изгаснала пожарот и спречила негово натамошно ширење, информира полицијата.