Раџон Рондо – Kurir.mk

Рондо кариерата ќе ја продолжи во Атланта

Дарко Андоновски — Sun, 22 Nov 2020 09:33:11 +0000

Плејмејкерот Раџон Рондо својата кариера ќе ја продолжи во Атланта, објави инсајдерот на „ESPN“, Адријан Војнаровски на Твитер. Договорот со 34-годишниот кошаркар ќе трае две години. За тоа време, тој ќе заработи 15 милиони долари. Рондо претходно се откажа од едно сезонско продолжување на договорот со Лос Анџелес лејкерс и стана неограничен слободен играч.

Рондо не сака да го обнови договорот со Лејкерс

Магдалена Андонова — Thu, 15 Oct 2020 13:27:55 +0000

Плејмејкерот Раџон Рондо сака да стане слободен играч. Според „Basketball News“ 34-годишниот Американец ќе ја одбие опцијата за продолжување на договорот со „езерџиите“. Кошаркарот очекува да добие подобра зделка. Според сегашниот договор, тој ќе заработуваше 2,96 милиони американски долари ако му беше продолжен работниот однос со Лејкерс. Во сезоната 2019/20, Рондо настапи на 48 натпревари, постигнувајќи просечно 7,1 поен по натпревар. (МИА)

Рондо: Дисциплината е она што го разликува Леброн од другите играчи

Дарко Андоновски — Wed, 14 Oct 2020 09:28:22 +0000

Плејмејкерот на Лос Анџелес лејкерс, Раџон Рондо откри што го прави посебен неговиот соиграч Леброн Џејмс. -Дисциплината е она што го разликува Леброн Џејмс од другите играчи. Секојдневна работа, рутина и огромно внимание што тој го посветува на своето тело. Тој го има најдобриот фитнес тренер. Леброн совршено се подготви психички и физички. Никој не работи како што работи тој. А, неговиот коефициент на интелигенција е на сосема друго ниво, истакна Рондо во емисијата „First Take“. Лејкерс предводени од Џејмс пред два дена станаа шампиони во НБА лигата по пауза од ед а деценија.

Рондо ќе дојде во Орландо, но сè уште нема да се приклучи на тимот

Магдалена Андонова — Wed, 05 Aug 2020 08:12:59 +0000

Тренерот на Лос Анџелес лејкерс, Френк Вогел изјави дека Раџон Рондо утре ќе пристигне на Флорида. Тој ќе помине извесно време надвор од комплексот, пред да влезе во кампусот и да се стави во карантин, објави „ESPN“. Рондо заработи скршеница на десниот палец пред три недели за време на тренинзите и беше подложен на операција. Прелиминарниот период на закрепнување е 4-6 недели. Во Лејкерс очекуваат кошаркарот да го имаат на располагање за плејофот во препознатливата за него форма. (МИА)

Рондо се искачи на 17. место во историјата на НБА по број на асистенции

Тале Кристо — Sat, 04 Jan 2020 09:57:58 +0000

Кошаркарот на Лос Анџелес лејкерс Раџон Рондо забележа пет асистенции ноќеска на натпреварот со Њу Орлеанс (123:113) и направи прогрес на вечната листа на додавања по кои е постигнат кош. Рондо сега е 17-ти во историјата на лигата, надминувајќи го резултатот на Тим Хардавеј (7.095). Следна цел на Рондо е Расел Вестбрук од Хјустон кој има 7.114. На прво место во оваа статистичка категорија е Џон Стоктон со 15.086 асистенции. Во просек, Рондо има 8,5 додавања по натпревар. Претходно, Рондо играше за Бостон, Далас, Сакраменто, Чикаго, Њу Орлеанс.

По Леброн уште една ѕвезда потпиша за Лејкерс

Даниел Василев — Tue, 03 Jul 2018 07:28:09 +0000

Плејмејкерот Раџон Рондо е нов играч на Лос Анџелес Лејкерс, објавија американските медиуми. Искусниот кошаркар се обврза на едногодишна соработка со „езерџиите“ кои ден претходно во своите редови го донесоа и Леброн Џејмс. Досегашниот играч на Њу Орлеанс ја прифатил понудата од ЛА вредна девет милиони долари.

32-годишнито Рондо минатата сезона имаше просек од 8,3 поени, 8,2 асистенции и 4 скока по натпревар. Рондо во својата НБА кариера има играно и за Далас, Чикаго, Сакраменто и Бостон со кого пред 10 година стигна до шампионскиот прстен. МИА