рафа бенитез – Kurir.mk

Бенитез нов тренер на Евертон

Тале Кристо — Wed, 30 Jun 2021 15:34:23 +0000

Поранешниот тренер на Ливерпул, Челзи и Њукасл, 63-годишниот Рафа Бенитез, се врати во англиската Премиер лига и од идната сезона ќе седи на клупата на Евертон. Премиерлигашот од Ливерпул соопшти попладнево дека потпишал тригодишен договор со шпанскиот стратег. – Назначувањето на Бенитез доаѓа по тринеделна робустна и сеопфатна постапка на регрутирање – процес што опфати повеќе разговори со неколку кандидати, се наведува во клупското соопштение. Евертон ќе биде четвртиот англиски клуб во богата тренерска кариера на Бенитез, по Ливерпул (2004-2010), Челзи (2012-2013) и Њукасл (2016-2019). Поранешниот тренер на Реал Мадрид, Валенсија и Наполи, ја освои Лигата на шампиони со Ливерпул во сезоната 2004/05, а на Челзи му го донесе трофејот во Лига Европа во 2014 година. Евертон на крајот од минатата сезона го напушти Италијанецот Карло Анчелоти, кој се врати на клупата на Реал Мадрид.

Бенитез се закани дека ќе го напушти Њукасл

Дарко Андоновски — Tue, 22 Jan 2019 17:49:48 +0000

Менаџерот на Њукасл, Рафа Бенитез може да го напушти клубот на крајот од сезоната. Според „Телеграф“, 58-годишниот стратег соопштил дека ќе си замине, ако не бидат привлечени најмалку двајца нови играчи во зимскиот трансфер прозорец. Бенитез го повика раководството на Њукасл да одговори на неговото барање за засилување на тимот за да го спаси тимот од испаѓање од Премиер Лигата. До крајот на зимскиот прозорец има уште 9 дена. Њукасл е на 17 место во пласманот, со 21 поен по 23 круга.

Реакција од Њукасл: Бенитез се огласи околу спорниот пенал за Челзи

Матеја Петровски — Mon, 27 Aug 2018 06:39:24 +0000

Менаџерот на Њукасл, Рафаел Бенитез, по поразот од Челзи (1:2), изнесе забелешки за досудениот пенал за противникот во финишот од натпреварот. Еден Азар го реализираше ударот од 11 метри за во тој момент водство на Челзи од 2:0. Шпанскиот стручњак причината за поразот на неговиот тим ја глед аи во големиот број повредени играчи. - Прекршокот по кој беше досуден пеналот е исклучително сомнителен. Ние исто така се соочуваме и со неможноста да играме во најсилен состав. Пред натпреварот загубивме шест играчи, но се боревме добро. Штета е што на крајот не освоивме барем бод. Едноставно повредите не спречија да дојдеме до подобар резултат, рече Бенитез. По три рунди во Премиер лигата, Њукасл се наоѓа во долниот дел на табелата со само еден бод, додека Челзи е на делба на првата позиција со Ливерпул и Вотфорд со максимални девет бода. (Миа)