Рафа – Kurir.mk

Пет македонски државјани чекаат евакуација од Газа преку граничниот премин Рафа

Ивана Ефремовски — Thu, 02 Nov 2023 10:56:18 +0000

Минитерството за надворешни работи потврди дека на листата за евакуација на странски државјани од Појасот Газа преку граничниот премин Рафа се наоѓаат пет државјани на Република Македонија. -Во Газа имаме вкупно пет наши државјани. Сите тие се на листата за напуштање на Газа. Исто така, покрај овие пет, на листата е една палестинска државјанка, сопруга и мајка на две деца, кои имаат македонско државјанство, наведуваат од МНР. Пограничните власти на Газа, утрово, објавија листа со 596 странски државјани и лица со двојно државјанство од 15 земји на кои им е дозволено денеска да ја напуштат Газа, меѓу нив се и неколкумина македонски државјани. На повеќе од 500 лица им беше дозволено да заминат вчера, кога прв пат после неколку недели беше отворен граничниот премин Рафа меѓу Појасот Газа и Египет.

Египет ќе помогне во евакуацијата на околу 7.000 странци преку преминот Рафа

Ивана Ефремовски — Thu, 02 Nov 2023 08:30:49 +0000

Египет ќе помогне да се евакуираат „околу 7.000 странци и лица со двојно државјанство“ од Појасот Газа, соопшти денеска египетското Министерство за надворешни работи. За време на состанокот со странски дипломати, заменик-министерот за надворешни работи Исмаил Хаират соопшти дека Египет се подготвува да „го олесни приемот и евакуацијата на странски државјани од Газа преку преминот Рафа“. Тој рече дека се работи за околу 7.000 странски државјани, припадници на повеќе од 60 националности. Од 7 октомври, Појасот Газа е цел на израелски напади како одговор на нападот без преседан на исламистичкото движење Хамас на израелска територија. Во израелските напади врз Појасот Газа, кои траат веќе 26 дена, убиени се 8.796 Палестинци. Министерството за здравство во Газа денеска соопшти дека меѓу загинатите има 3.648 деца и 2.290 жени. Повредени се 22.219 лица. (МИА)

Воздушен напад во близина на преминот Рафа

Ивана Ефремовски — Mon, 16 Oct 2023 18:01:48 +0000

Во областа околу преминот Рафа меѓу Газа и Египет е извршен воздушен напад, јави дописникот на Би-Би-Си од Појасот Газа. Оштетена е зградата од страната на преминот во Газа, како и патот. Толпа луѓе денеска се собра во Рафа по информациите дека преминот ќе биде привремено отворен за време на краткиот прекин на огнот. И Израел и Хамас ги негираа тие извештаи, а портпаролот на ОН рече дека нема напредок во целосно повторно отворање. (МИА)