Рафаел Бенитез – Kurir.mk

Бенитез седна на клупата на Селта Виго

Ивона Петрова — Sat, 24 Jun 2023 11:13:47 +0000

Шпанскиот фудбалски стратег Рафаел Бенитез (63) е нов тренер на Селта Виго на местото на Португалецот Карлос Карвахал. „Бенитез е еден од најуспешните тренери во историјата на нашата земја, а водеше екипи од светска класа во главните европски лиги“, објави во петокот вечер Селта, додавајќи дека договорот за соработка ќе биде потпишан на почетокот на јули. Бенитез во кариерата ги тренираше Ливерпул, Челзи, Реал Мадрид, Интер, Наполи, Њукасл, Валенсија, Евертон, Далијан Про, Ваљадолид, Осасуна, Тенерифе и Екстрамадура. Освои 13 трофеи, вклучувајќи ги Лигата на шампиони (Ливерпул), Лига Европа (Челзи) и поранешниот Куп на УЕФА (Валенсија).

Рафа Бенитез се враќа во Ла Лига

Бошко Тасиќ — Wed, 21 Jun 2023 04:19:11 +0000

Трофејниот шпански стратег Рафаел Бенитез го напушти Евертон во јануари минатата година, а после неколку месечна пауза се враќа на тренерската работа и кариерата ќе ја продолжи во Шпанија. Како што пренесува „Атлетик“, Шпанецот ќе биде нов тренер на Селта од Виго, а на тоа место ќе го замени Карлос Карвахал кој го напушти клубот по раскин на договорот. Бенитез во изминатите 18 месеци добил околу 20 понуди за работа, вклучувајќи и од Саудиска Арабија, но ги одбил.

Рафа Бенитез пред ангажман во Кристал Палас

Бошко Тасиќ — Sat, 18 Mar 2023 07:34:38 +0000

Кристал Палас го отпушти менаџерот Патрик Виеира, а англиските медиуми веќе на големо шпекулираат кој би можел да го наследи Французинот на позицијата. Шпанскиот стручњак Рафаел Бенитез, кој има огромно искуство во Премиер – лигата, е наведен како прв фаворит за преземање на тимот кој е во многу лоша форма. Тој наводно е голема желба на челниците на клубот. Бенитез е без работа од јануари 2022 година, кога доби отказ од Евертон. Кристал Палас е на 12. место во Премиер – лигата со само три бода повеќе од Борнмут, кој е на 18. позиција и е прв под „линијата“.

Бенитез: Наполи го има она што е потребно за да ја освои Серија А

Ивона Петрова — Wed, 28 Dec 2022 11:00:08 +0000

Поранешниот тренер на Наполи, Рафаел Бенитез зборуваше за своите размислувања за позицијата на тимот во Италијанското фудбалско првенство. -Нема да давам прогнози на тема освојување на шампионатот, подобро е да молчиме. Но, тимот има се што ви треба – ентузијазам, квалитет на игра, пристап. Паузата за Светското првенство, може да помогне, да ја освежи силата на тимот, ги цитира „Pianetamilan.it“ зборовите на Бенитез. Наполи не е шампион на Италија од 1990 година. По 15 кола, тимот води со осум бода предност од најблискиот на табелата во Серија А.

Бенитез се враќа во Премиер лигата

Бошко Тасиќ — Wed, 05 Oct 2022 05:22:28 +0000

Шпанскиот фудбалски стратег Рафаел Бенитез би можел да го преземе англискиот прволигаш Нотингем Форест, објавија британските медиуми. Бенитез на клупата на Форест би седнал на местото на Стив Купер, кој се наоѓа пред отказ поради слабите резултати на повратникот во премиерлигашкото друштво. Нотингем Форест е последен на табелата во Премиер лигата со само четири бодови.

Евертон ќе го брка Бенитез

Бошко Тасиќ — Sun, 16 Jan 2022 08:10:37 +0000

Бордот на Евертон притиска Рафа Бенитез веднаш да добие отказ. Договорено е пред да биде избркан Шпанецот, да биде пронајден нов тренер и да се договори отштетата која треба да му биде дадена. Евертон е на 15. место на табелата во Премиерлигата, на последните четири натпревари има три порази и едно реми. На вчерашниот меч против Норич, фанови на Евертон со парола бараа Бенитез да си оди.

Бенитез пред враќање во Челзи

Дарко Андоновски — Tue, 11 Jun 2019 10:51:07 +0000

Тренерот на Њукасл, Рафаел Бенитез, може да се врати во Челзи, објавија шпански медиуми. Според „АС“, сопственикот на лондонскиот клуб, Роман Абрамович, нема најдено замена за Маурицио Сари, а според изворот, Рафаел Бенитез е решението за испразнетото тренерско место. Италијанското издание на „Тутоспорт“ тврди дека соодветните кадровски екипирања во Челзи ќе се случат во следните 48 часа. Педесет и девет годишниот Бенитез, веќе работеше во Челзи каде беше тренер од 2012 до 2013 година. Со „сините“ шпанскиот стручњак ја освои Лига Европа.

Бенитез: Ако се спасиме од испаѓање, тоа ќе биде чудо

Предраг Кукиќ — Mon, 24 Dec 2018 15:14:26 +0000

Менаџерот на Њукасл Јунајтед, Рафаел Бенитез верува дека може да постигне „чудо“ втора кампања поред во англиската фудбалска Премиер лига, на крајот на која „црно-белите“ повторно ќе успеат да се спасат од испаѓање. – Треба да бидеме реални и да сме свесни дека ќе бидеме во долната половина на табелата во текот на сезоната. Ако на крајот успееме да завршиме пред три екипи, тоа ќе биде уште едно чудо, прокоментира Бенитез пред гостувањето во среда кај својот поранешен тим и лидер во шампионатот – Ливерпул. Њукасл ја започна сезоната тешко, откако не успеа да победи ниту еднаш во првите десет натпревари, но постепено напредуваше и се искачи до 15-тото место на 5 поени над опасната зона. Бенитез, кој во кариерата има работено уште за гиганти како Реал Мадрид, Челзи, Интер и Наполи, верува дека Њукасл доживува тешкотии, бидејќи не инвестира доволно во класа играчи. – Минатата сезона беше едно чудо. Луѓето си велеа: „О, вие завршивте десетти“, но само со неколку победи помалку можеше да бидеме во последната петорка и да се бориме до последно за опстанок. Значи тоа беше вистинско чудо, рече Шпанецот. Тој додаде дека тимот се обидува да покаже фобри перформанси, но понекогаш тоа не е доволно и раководството треба да биде реално во однос на тоа каде се наоѓа клубот. – Се обидувам да ги убедам сите дека треба да бидеме јасни за тоа каде сме и какви се нашите можности. Да мислиме дека можеме да победуваме тимови кои потрошиле повеќе од 100 милиони фунти за селекција во текот на летото, нема шанси. Ова е 100% погрешно, додаде тој.

Бенитез со прва награда во Премиер лигата по 5,5 години

Дарко Андоновски — Fri, 14 Dec 2018 15:35:27 +0000

Искусниот шпански тренер, Рафаел Бенитез ја освои наградата за менаџер на месец ноември во Премиер лигата. Ова е седма таква награда за него, но прва по 5,5 години. Бенитез ги изведе Њукасл до три последователни победи минатиот месец, благодарение на кои „страчките“ излегоа од зоната за испаѓање. Тие беа постигнати против Ватфорд, Борнемут, Барнли. – Секогаш е добро да се освојуваат награди. Би сакал да освојувам повеќе вакви признанија за менаџер на месецот, бидејќи тоа ќе значи дека ќе бидеме на подобра позиција на табелата, прокоментира по тој повод Бенитез. Само петмина менаџери во историјата на Премиер лигата ја освоиле оваа награда повеќе од Бенитез. Тоа се Сер Алекс Фергусон (27), Арсен Венгер (15), Дејвид Мојс (10), Мартин О’Нил (8) и Хари Реднап

Бенитез: Денешниот Ливерпул е подобар од мојот

Ивона Петрова — Wed, 23 May 2018 07:10:37 +0000

Поранешниот тренер на Ливерпул, Рафаел Бенитез ги сподели своите очекувања од финалето на Лигата на шампионите каде за противник ќе го има Реал Мадрид. - Реал Мадрид има квалитет и искуство за успех, но Ливерпул може да победи. Тие имаат страст, интензитет, желба да победат, силни играчи. Секој зборува за „чудото во Истанбул“, но овој тим е посилен од мојот, истакна Бенитез. Под негово водство „црвените“ пред 13 години во финалето на Лигата на шампионите го освоија шампионскиот трофеј. Тие во Истанбул го победија Милан на пенали, иако по првото полувреме губеа со 3:0. Натпреварот Реал - Ливерпул ќе се игра во Киев в сабота (26 мај) со почеток во 20 часот и 45 минути.