Рафаел Леао – Kurir.mk

Потпис на денот, Леао и официјално останува верен на Милан

Ристе Здравков — Fri, 02 Jun 2023 16:38:30 +0000

Милан денеска и официјално потврди дека го продолжи договорот со еден од своите најдобри фудбалер, Рафаел Леао. Леао стави параф на новиот договор со Милан кој ќе трае до 2028 година и според кој ќе има драстично зголемување на платата. Со новиот договор, Португалецот ќе биде меѓу најдоброплатените фудбалери во Милан со плата од седум милиони евра, додека со стариот договор, таа изнесуваше 1,5 милион евра. Со потписот на новиот договор, Милан се обезбеди од заинтересираните екипи и вметна откупна клаузула која изнесува 175 милиони евра.

Official Statement: Rafael Leão ➡️ https://t.co/W6zqLvzfjW

Comunicato Ufficiale: Rafael Leão ➡️ https://t.co/hzPDwvIRXz #SempreMilan pic.twitter.com/QE9g3ZmDgx
— AC Milan (@acmilan) June 2, 2023

Леао ќе може да игра на реваншот против Интер во ЛШ

Бошко Тасиќ — Sat, 13 May 2023 04:43:21 +0000

Милан ќе биде значително засилен за реванш дуелот од полуфиналето во Лигата на Шампионите против Интер, откако тренерот Стефано Пиоли изјави дека очекува Рафаел Леао да биде во тимот за овој дуел. „Росонерите“ имаат негатива од 0-2 од првиот дуел на кој Леао не настапи поради повреда, но одличниот офанзивец е многу блиску до камбек на терените.

„За жал, во меѓувреме останавме и без Бенасер, и тоа во најлош момент бидејќи пред нас се натпревари на кои мораме да одиме на победа. Леао нема да игра утре против Специја, но веќе од недела го очекуваме на тренинг со остатокот од екипата. Ако нема нови проблеми, тој ќе може да игра на реваншот против Интер. Истото се однесува и за Круниќ и за Месијас. Следните денови ќе бидат решавачки за нашата сезона, но подготвени сме. Ќе повторам – не се предаваме против Интер, знаеме дека ни е потребен перфектен меч, но знаеме и дека сме подготвени да одиграме на највисоко ниво“, прокоментира Стефано Пиоли.

Рафаел Леао не е сериозно повреден

Бошко Тасиќ — Sat, 06 May 2023 18:30:34 +0000

Португалската фудбалската ѕвезда Рафаел Леао, кој поради повреда многу рано го напушти денешниот натпревар против Лацио (2:0), сепак, можеби и ќе биде способен за настап на првиот полуфинален натпревар од Лигата на шампионите против Интер.Дуелот следи за четири дена, а позитивните тонови доаѓаат од тренерот на „росонерите“, Стефано Пиоли. „Го видов Леао по мечот и ми делуваше добро. Ако се опорави и биде подготвен, секако дека ќе игра против Интер. Доколку не биде во можност, тогаш ќе се обидеме да го дадеме надоброто од себе и без него“, изјави Пиоли по триумфот над Лацио. Португалецот денеска го напушти натпреварот во 11.минута, а на негово место во игра влезе Алексис Салемакерс.

Леао ќе го продолжи договорот со Милан

Ивона Петрова — Wed, 26 Apr 2023 11:59:27 +0000

Крилниот напаѓач на Милан, Рафаел Леао, одби трансфер во Челзи и Реал Мадрид. Според „Газета дело спорт“, 23-годишниот Португалец ќе го продолжи договорот со „Росонерите“. И во интервју за „Скај“, Леау изјави дека сака да остане во Милан. Оваа сезона играчот одигра 41 натпревар во сите натпреварувања, постигнувајќи 13 гола и 12 асистенции. Неговиот договор со Милан е до летото 2024 година.

Леао и Милан се договорија

Бошко Тасиќ — Sun, 23 Apr 2023 14:39:45 +0000

Како што пренесуваат италијанските медиуми Милан се договори со Рафаел Леао за продолжување на соработката. Подоголо време Португалецот и Милан водеа преговори за продолжување на соработката и сега конечно е постигнат договор. Леао ќе биде најплатен фудбалер во тимот и годишно ќе заработува 7 милиони евра плус 2 милиони како бонуси.

Капело: Леао е неверојатен фудбалер, невозможно е да го запрете

Ристе Здравков — Wed, 19 Apr 2023 11:28:32 +0000

Милан по 16 години конечно се пласираше помеѓу најдобрите четири клубови во Лигата на Шампионите. За тоа голема заслуга имаше Рафаел Леао кој фантастичниот натпревар на „Диего Армандо Марадона“ го одбележа со асистенција. По натпреварот италијанските медиуми пишуваа за 23-годишниот Португалец во суперлатив означувајќи го како „спектакуларен“ и „чудесен“, а пофални зборови имаше и легендарниот тренер Фабио Капело. „Леао е неверојатен фудбалер. Кога ќе влезе во трк невозможно е да се запре. Прави голема разлика на теренот и ако нема брз играч тешко е да одговорите на неговиот фудбал“, изјави поранешниот тренер на Милан, Реал Мадрид, Рома, Јувентус…

Мендеш му понуди на Реал да го ангажира Леао

Тале Кристо — Mon, 06 Mar 2023 13:38:17 +0000

Агентот Жорге Мендеш, кој ги застапува интересите на фудбалерот од средниот ред на Милан, Рафаел Леао, му ги понудил услугите на својот клиент на Реал Мадрид. Состанокот помеѓу португалскиот агент и претставниците на Реал Мадрид се случил пред околу еден месец, објави „Газета дело спорт“. Сепак, веројатноста за трансфер не е многу голема, бидејќи „кралевите“ на истата позиција го имаат Винисиус Жуниор. Оваа сезона Рафаел Леао има 23 натпревари во италијанската Серија А, на кои постигна осум гола и седум асистенции. зс/

Челси нуди двајца фудбалери плус пари за ѕвезда на Милан

Бошко Тасиќ — Sat, 05 Nov 2022 07:14:26 +0000

Милан во јануари очекува богата понуда од Челси и Манчестер сити за Рафаел Леао, кој стана желба на англиските гиганти по одличните настапи под водство на тренерот Стефано Пиоли. Леао оваа сезона постигна шест гола и девет асистенции досега за „росонерите“, па тоа е дополнителна причина зошто Челси сака да тргне по неговиот потпис во јануари. Челси веќе некое време е заинтересиран за португалскиот фудбалер, а наводно за неговите услуги е подготвен да понуди пари плус двајца фудбалери, а тоа се Армандо Броја и Хаким Зијех.

Трите причини поради кои тапкаат преговорите за нов договор на Рафаел Леао

Ристе Здравков — Thu, 20 Oct 2022 10:56:10 +0000

Преговорите помеѓу Милан и Рафаел Леао за продолжување на соработката никако да влезат во завршна фааз, медиумите од Италија пишуваат за три препреки поради кои преговорите тапкаат во место. Раководството на Милан во неколку наврати јавно порача дека сака да го задржи Рафаел Леао, се верува дека и фудбалерот сака да остане на Сан Сиро, но никако да пристигне абер за продолжување на соработката. Медиумите од Италија сега пишуваат за три препреки поради кои преговорите тапкаат во место. Првата е платата, Милан е подготвен на маса да стави 6 милиони евра, додека пак играчот бара 8 милиони евра по сезона, Рафаел Леао ги користи ПСЖ и Челси, кои му нудат и до 10 милиони евра, за да извади што е можно повеќе од „росонерите“. Втората препрека е долгот кој Рафаел Леао го има кон Спортинг за едностран раскин на договорот. Напаѓачот на клубот од Лисабон треба да му исплати околу 19,5 милиони евра, но наместо од свој џеб, Португалецот сака долгот да биде подмирен од Милан, или новиот клуб со кого ќе потпише. Третиот проблем излезе неочекувано оваа недела, на преговорите со Милан се појави адвокатот Тед Димвула. Агентот Жорж Мендеш претходно беше задолжен за иднината на Португалецот, па ова само носи конфузија и несигурност.

Милан и Леао блиску до договор

Бошко Тасиќ — Wed, 28 Sep 2022 20:29:07 +0000

Милан во следниот период ќе биде продолжување на договорот на најголемата ѕвезда на тимот, Рафаел Леао. Преговорите со агентите на Леао се во застој бидејќи после освоеното Скудетото апетитите на Португалецот значително пораснаа. Леао сака да биде меѓу најплатените во Серија А и ја одби понудата на „росонерите“ од 5 милиони евра по сезона. „Тутоспорт“ пренесува дека новиот сопственик дал дозвола да се подигне понудата на 6,5 милиони плус 1 милион како бонус, што е приближно на сумата која ја бараат агентите на Леао. Двете страни сега се блиску до договор и наскоро се очекува Леао да стави потпис на нов договор.