рафаел маркез – Kurir.mk

Ден за збогување: Три фудбалски легенди денеска објавија дека одат во пензија (ФОТО+ВИДЕО)

Матеја Петровски — Sun, 22 Jul 2018 12:05:22 +0000

Во еден три фудбалски легенди, три асови на светскиот фудбал објавија крај на кариерите. Во Русија на тој чекор се одлучија легендарните браќа Березутски, а во Мексико уште полегендарниот Рафаел Маркез. Алексеј и Василиј Березетуски 16 години минаа во ЦСКА Москва. Да се биде 16 години во еден клуб, тоа е неверојатен период. Кога ги потпишувавме првите договори со ЦСКА имавме по 19 години и беше невозможно да замислиме дека нашиот пат ќе биде вака успешен, помеѓу останатото порачаа браќата Березутски. Заедно за ЦСКА одиграа 1033 натпревари и 159 меча за репрезентацијата. На другиот крај на планетата пак, 39 годишниот Маркез го одигра својот петти Мундијал и ги закачи копачките на клин. Тој играше за голем број клубови, а најдолго остана во Барселона, каде настапуваше од 2003 до 2010 година. За репрезентацијата на Мексико забележа 146 настапи, на кои постигна 19 голови.

Легендата на Мексико се прости од репрезентацијата по крајот на своето петто СП

Дарко Андоновски — Tue, 03 Jul 2018 14:01:43 +0000

Легендарниот мексикански дефанзивец Рафаел Маркез стави крај на неговата репрезентативна кариера. Универзалниот играч запиша учество на петтото Светско првенство со тимот на „сомбрерата“. Тој е поранешен играч на Монако, Барселона и Верона, а со Каталонците ја освои и Лигата на шампионите. Маркез одигра вкупно 146 дуели во дресот на репрезентацијата на Мексико. Неговиот последен натпревар беше против Бразил при поразот од 2:0 во осминафиналето вчера. Тој официјално стана втор најстар играч кој се натпреварува на мундијалот со 39 години и 139 дена, и е само шест дена помлад од Стенли Метјуз, кој е на чело на листата.

Маркез пред рекорд со петтото учество на Мундијал

Дарко Андоновски — Tue, 15 May 2018 08:18:43 +0000

Централниот дефанзивец на Мексико, Рафаел Маркез е пред учество на петтото светско првенство, откако беше вклучен во проширениот состав од 28 фудбалери од тренерот Хуан Карлос Осорио за шампионатот во Русија. Ако влезе во составот за Светското првенство, 39-годишниот Маркез ќе стане само третиот играч со учество на пет различни планетарни првенства по сонародникот Антонио Карбахал и Германецот Лотар Матеус. За Маркез, кој во моментов игра за тимот на Атлас, светското првенство ќе биде последно во неговата кариера, бидејќи поранешниот играч на Барселона веќе објави дека се повлекува по шампионатот во Русија. Мексико го започнува Светското првенство на 17 јуни со натпревар против светскиот шампион Германија, а потоа игра со екипите на Република Кореја и Шведска.