рафаел надал – Kurir.mk

Страшна трагедија го погоди тенискиот турнир: Ѓоковиќ и Надал итно се огласија (ФОТО)

Ивона Петрова — Sat, 28 Oct 2023 18:40:17 +0000

Ураганот Отис го погоди тенискиот стадион Акапулко во Мексико. По тој повод се огласија и Новак Ѓоковиќ и Рафаел Надал. Двајца тенисери испратија пораки со поддршка на социјалните мрежи. -Тажно е да се видат сликите од уништувањето предизвикано од ураганот Отис, на место каде што сум играл толку многу пати. Храброст и сила за сите во Акапулко, напиша Надал.

View this post on Instagram

A post shared by Rafa Nadal (@rafaelnadal)

Мексиканската влада објави дека ураганот однел 27 животи и предизвикал огромна материјална штета. Тежок удар доживеа и тенискиот комплекс во Акапулко каде се игра познатиот турнир од серијата АТП 500. Ѓоковиќ никогаш не го освоил овој турнир, додека Надал има три титули.

Рафаел Надал нема право да настапи на ОИ 2024?

Бошко Тасиќ — Sun, 24 Sep 2023 06:10:28 +0000

Шпанскиот тенисер Рафаел Надал, според сегашните правила, нема да може да настапи на Олимписките игри во Париз. Правилата на Светската тениска федерација (ИТФ) се јасни и велат дека тенисерот мора да игра за репрезентацијата на Дејвис купот најмалку еднаш во текот на две години пред Игрите. Шпанецот не го направи тоа, ниту ќе има шанса до крајот на сезоната, како поради повредата, така и поради тоа што Шпанија испадна од натпреварувањето. Меѓутоа, ако погледнеме во минатото, ќе видиме дека имало исклучоци. Последен пат беше случајот со Роџер Федерер. Роџер не играше за Швајцарија пред Токио, но со помош на Тениската асоцијација на неговата земја доби дозвола за настап. Сепак, тој не го направи тоа – поради повреда. За потенцијалниот проблем на Надал зборуваше и Фон Арнем, претседателот на ТС Германија. „Зошто отежнуваме? Рафа размислува да игра во Париз. Олеснете му да играат таму. Нашите одлуки мора да бидат разумни. Мора да ги промениме правилата. Ако бидам избран (како претседател на ИТФ), јас дефинитивно би го направил тоа. Треба да им олесниме на играчите и да ги отстраниме пречките“, изјави Фон Арнем. Надал го има златото од Игрите во Пекинг во 2008 година во сингл, како и најбрилијантниот медал во пар со Марко Лопез во Рио во 2016 година.

Надал би сакал да стане претседател на Реал

Дарко Андоновски — Tue, 19 Sep 2023 11:52:46 +0000

Шпанскиот тенисер, 22-кратниот грен слем шампион Рафаел Надал одговори на прашањето дали би сакал да стане претседател на Реал Мадрид. - Немам таков сон, но би сакал. Нема смисла да се зборува за ова сега, бидејќи го имаме најдобриот претседател [Флорентино Перез] од сите можни. Животот зема многу кривини и треба да се запрашате дали сте доволно квалификувани да направите одредена работа, изјави Надал за „Marca“. Претходно 37-годишниот тенисер зборуваше за своето здравје и плановите за камбек. Играчот имаше повреда на мускул на левата нога. Функцијата претседател на Реал Мадрид од 2000 до 2006 година, а од 2009 до денес ја зазема Флорентино Перез.

Надал го закачи Ѓоковиќ: Toa ќе беше поголема фрустрација за него

Бошко Тасиќ — Tue, 19 Sep 2023 04:26:13 +0000

Шпанскиот тенисер Рафаел Надал веќе подолго време не е активен на тениските терени, а тоа на најдобар можен начин беше искористено од неговиот голем ривал Новак Ѓоковиќ кој успеа да го мине на вечната листа на освоени грен слемови, поточно со последниот триумф на Ју-Ес Опен веќе има две титули повеќе (24/22) на најзначајните турнири. Шпанецот се уште планира да биде активен ако тоа телото му го дозволи во 2024 година, а во меѓувреме тој имаше што да каже на темата освоени грем слемови и таа титула „GOAT“ за која најмногу сакаат да говорат фановите, но и некои поранешни имиња. Надал имаше интервју за „Мовистар“ во кое истакна дека е задоволен од тоа што има постигнато, односно опуштен и немам никаква фрустрација по однос на тоа прашање со тоа што смета дека кај Ѓоковиќ е сосема поинаква приказна. -Не сум фрустриран од едноставна причина, затоа што верувам дека направив се што можев во рамките на моите можности, -истакна Надал по што новинарот даде свое мислење дека со 22 грен слем титули едноставно не можеш да бидеш фрустриран. -Може. Земете го Новак за пример. Тој ја живееше таа грен слем приказна поинтензивно од мене. За него ќе биде поголема фрсутрација тоа да не го оствари. Токму и поради тоа дојде до тој рекорд, -порача Рафа.

Надал ги почна подготовките за 2024

Ивона Петрова — Tue, 11 Jul 2023 16:07:23 +0000

Шпанскиот тенисер Рафаел Надал ги почна денеска во Мајорка подготовките за следната, 2024 година, која ќе му биде последна во професионалната кариера. Првично, 37-годишниот Надал се надеваше дека би можел да се врати на теренот кон крајот на оваа година, на натпреварите во Дејвис купот, но подоцна го одложи враќањето за 2024 која најави дека ќе му биде последна во кариерата. „На почетокот напорно ќе работи на физички план, бидејќи засега, според препораките на докторите, сè уште не може да игра тенис. За еден месец или можеби нешто повеќе можеби ќе го земе рекетот во рацете“, најави Тони Надал, долгогодишниот тренер на освојувачот на 22. грен – слем титули. Својот последен натпревар Надал го одигра на почетокот на оваа година, на Австралија опен.

Рафаел Надал се огласи по операцијата (ФОТО)

Бошко Тасиќ — Sun, 04 Jun 2023 07:12:00 +0000

Рафаел Надал минува низ тежок период, бидејќи поради повреда на колкот мораше да оди на операција, која помина добро. Шпанецот по операцијата се огласи на социјалните мрежи и откри кога ќе се врати на терените. „Здраво на сите! Како што знаете, имав операција синоќа. Сè одеше добро со артроскопијата на левата псоас тетива, која ме исфрли од конкуренција од јануари. Регулирана е и старата повреда на лабрумот на левиот колк, што сигурно ќе помогне тетивата да еволуира подобро. Сакам да им се заблагодарам на лекарите Марко Филипон, Хаиме Вилар и Анхел Руиз-Котор за нивната работа. Веднаш ќе започнам со прогресивна функционална рехабилитација и нормалниот процес на закрепнување за кој ми е кажано е пет месеци, доколку се биде добро. Ви благодарам повторно за сета поддршка што ми ја давате и ми ја пружате секој ден. Денес, исто така на мојот роденден, не е посакувано или сонувано место, но е живот. Ви благодарам на сите“, напиша Надал со слика од креветот. Најверојатно Надал нема да го видиме на теренот до почетокот на следната сезона, а јасно е дека Шпанецот ќе направи се за да биде во најдобар ред за сезоната на земјени терени во 2024 година.

Надал се огласи од болничкиот кревет

Ивона Петрова — Sat, 03 Jun 2023 20:48:19 +0000

Шпанскиот тенисер Рафаел Надал ја објави првата информација по операцијата на мускулот на колкот, повреда поради која е надвор од терените уште од Австралија Опен. Шпанецот се надеваше дека операцијата нема да биде потребна, но никогаш не успеа целосно да се опорави, па ја прескокна целата сезона на земјена подлога, вклучувајќи го и актуелниот Ролан Гарос, турнир на кој секогаш е фаворит кога е фит, откако го освои 14 пати. Рафа и се обрати на јавноста и фановите ден по операцијата, на неговиот 37 роденден. – Поздрав до сите. Како што знаете, имав операција синоќа. Сè помина добро и артроскопијата беше на левата тетива на псоас што ме оддалечи од конкуренција од јануари. Регулирана е и старата повреда на лабрумот на левиот колк, што сигурно ќе помогне подобро да закрепне тетивата. Сакам да им се заблагодарам на лекарите за нивната работа – напиша Надал во првичната порака. – Веднаш ќе започнам со прогресивна функционална рехабилитација и нормален процес на опоравување, кој ми велат дека е 5 месеци, доколку се биде добро. Ви благодарам повторно за сета поддршка што ми ја покажувавте и ми ја покажувате секој ден. Денеска ми е и роденден. Не на посакуваното или сонуваното место, но во секој случај, ВИ БЛАГОДАРАМ – најави Надал.

Hola a todos. Como sabéis anoche tuve una intervención quirúrgica. Todo ha ido bien y la artroscopia fue en el tendón del psoas izquierdo que me ha tenido apartado de la competición desde enero.
— Rafa Nadal (@RafaelNadal) June 3, 2023

Надал се повлече од Вимблдон

Ивана Ефремовски — Tue, 23 May 2023 16:47:41 +0000

Рафаел Надал и официјално се повлече од Вимблдон. Претходно, шпанскиот тенисер најави дека ќе паузира поради физички проблеми. Надал има намера да се пензионира во 2024 година. Местото на Надал во главната ждрепка ќе го заземе Роман Сафиулин. Грен слемот Вимблдон 2023 ќе започне на 3 јули. (МИА)

Рафаел Надал нема да игра на Ролан Гарос

Бошко Тасиќ — Thu, 18 May 2023 04:57:21 +0000

Шпанскиот весник "Мундо Депортиво" објави дека шпанскиoт тенисер ќе го пропушти турнирот кој започнува на 28 мај. Надал се повреди од средината на февруари, за да потоа тој ги откажа настапите во Монте Карло, Барселона, Мадрид и Рим. Неодамна беа објавени фотографии од Надал од тренинг со болна гримаса на лицето. Надал својата одлука ќе ја соопшти утре на прес-конференција. Шпанецот освои рекордни 22 Грен слем титули во кариерата, од кои 14 на Ролан Гарос. Тој лани во финалето го победи Норвежанецот Каспер Руд со 6:3, 6:3, 6:0.

Рафаел Надал неизвесен за настап на Ролан Гарос

Бошко Тасиќ — Mon, 15 May 2023 04:49:44 +0000

Рафаел Надал ја одби вајлд-картата за настап на челенџ-турнирот во Бордо следната недела, потврди директорот на турнирот, зголемувајќи ги шпекулациите дека 22-кратниот гренд слем шампион нема да настапи на Ролан Гарос. Надал се мачи со повреда на колкот која ја доби на Австралија опен во јануари и нема настап на ниту еден турнир на земја оваа сезона.

„Му понудив на агентот на Надал една од вајлд-картите, но добив љубезен одговор дека ќе продолжи да се подготвува ддома во Манакор и дека не е подготвен за игра“, изјави претседателот на турнирот, Жан-Баптист Перлан.

36-годишниот Шпанц има рекордни 14 победи на Ролан Гарос, вклучувајќи ја и титулата од минатата сезона. Ролан Гарос стартува на 28 мај.