рафаел варан – Kurir.mk

Проблеми за Јунајтед, Варан се повреди

Бошко Тасиќ — Tue, 29 Aug 2023 19:49:44 +0000

Дефанзивецот на Манчестер Јунајтед, Рафаел Варан може да биде надвор од фудбалските терени во следните шест недели поради повредата што ја заработи на натпреварот против Нотингем Форест минатиот викенд, пренесува „Скај Спортс“. Ова е уште еден удар за Тен Хаг, откако поради повреди се надвор од терените уште двајца дефанзивци, Лук Шо и Тајрел Маласија. Поради тоа не е исклучено Манчестер Јунајтед да ја стопира продажбата на Мегваер во летниот преоден рок.

Варан стави крај на репрезентативната кариера

Тале Кристо — Thu, 02 Feb 2023 15:04:12 +0000

Фудбалерот на Манчестер јунајтед, Рафаел Варан објави дека се повлекува од француската репрезентација. - Да ја претставувам нашата голема земја една деценија беше можеби најголемата чест во мојот живот. Секогаш кога го носев овој специјален дрес за репрезентацијата, чувствував голема гордост. Размислував за тоа неколку месеци и решив дека е време да ја завршам репрезентативната кариера “, напиша фудбалерот на социјалните мрежи. Варан додаде дека сака да направи простор за нова генерација, а им се заблагодари на сите за поддршката во репрезентацијата. Како дел од француската репрезентација, Варан стана светски шампион во 2018 година. На Светското првенство во 2022 година, тој му помогна на својот тим да освои сребро. Има трофеј и во Лигата на нации во 2021 година. За „триколорите“ дебитираше во март 2013 година.

Варан и Конате се надвор од тимот во пресрет на финалето на СП

Бошко Тасиќ — Sat, 17 Dec 2022 05:47:21 +0000

На два дена пред финалето на Светското првенство во Катар меѓу Франција и Аргентина, францускиот селектор Дидие Дешамп има доста проблем. Стоперите Рафаел Варан и Ибрахима Конате во моментов се надвор од терените поради грип. Двајцата го одиграа полуфиналниот натпревар во средата против Мароко (2:0), но по него се пожалија на здравствени проблеми. Денеска е констатирано дека и двајцата имаат благи симптоми на настинка и грип, па веднаш се изолирани и нивната состојба се следи од час во час. Поради истите проблеми полуфиналето го пропуштија Дајо Упамекано и Адријан Рабио, додека болен беше и Кингсли Коман. Прашање е дали Варан и Конате ќе се опорават до финалето, а во случај тоа да не се случи, Дешамп ќе мора да се потпре на други опции. Упамекано, кој сега е подобар, би можел да биде една опција, а друга опција е Вилијам Салиба од Арсенал.

Рафаел Варан ќе биде подготвен за СП

Бошко Тасиќ — Mon, 07 Nov 2022 21:27:14 +0000

Францускиот дефанзивец Рафаел Варан се опорави од повредата и ќе биде подготвен за Светското првенство во Катар, пренесува „Л’Екип“. Стоперот на Манчестер Јунајтед заработи повреда на бутниот мускул на 22 октомври на мечот против Челси кога во солзи ја напушти играта, па неговиот настап на Светското првенство беше под сериозен сомнеж. За среќа на Французите, се покажа дека не се работи за сериозна повреда и дека ќе се врати на теренот побрзо од очекуваното, па селекторот на „триколорите“ Дидие Дешамп може да здивне.

Рафаел Варан би можел да настапи на СП

Бошко Тасиќ — Mon, 24 Oct 2022 06:52:42 +0000

Според првичните информации од Англија Рафаел Варан би можел да му се стави на располагање на Дешамп и селекцијата на Франција за Светското првенство. Во спротивно, доколку селекторот Дидие Дешам, по Канте остане и без Варан, дефанзивната линија на Франција ќе биде во големи проблеми. „Тешко е сега да се каже каква е ситуацијата, колку е сериозна повредата. Треба да почекаме 24 часа и потоа ќе видиме за што се работи“, изјави Тен Хаг за повредата на Варан, веднаш по дербито во Лондон.

Сериозни грижи за Солскјер: Варан и Мегваер под прашалник, ќе мора да го повика „заборавениот“?

Ристе Здравков — Mon, 11 Oct 2021 10:40:55 +0000

Тренерот на Манчестер Јунајтед, Оле Гунар е сериозно загрижен по натпреварите на неговите избраници во репрезентациите. Имено, Рафаел Варан на мечот против Шпанија вчера, имаше повреда и сега чекаат вести од таборот на „триколорите“ да видат дали станува збор за посериозна повреда кај Рафаел Варан, а од друга страна ситуацијата не е баш најдобра и со Хари Мегваер. Токму во најнезгоден момент би можеле да бидат потврдени и двете отсуства на Варан и Мегваер, кога Јунајтед го очекува незгодно гостување кај Лестер по репрезентативните обврски. Инаку, од таборот на Јунајтед, во отсуство на двајцата повредени дефанзивци, Солскјер скоро и да нема избор, туку ќе мора да ги повика Ерик Бејли и Фил Џонс, фудбалери кои се тотално надвор од форма, но еден од нив сигурно ќе влезе во потесниот избор, заедно со Виктор Линделоф.

По Рамос, уште една ѕвезда на Реал на излезна врата

Ивона Петрова — Sun, 20 Jun 2021 09:47:21 +0000

Откако Серхио Рамос по 16 години го напушти Реал Мадрид, од Шпанија пристигнуваат вести дека уште една ѕвезда од овој клуб се наоѓа на излезната врата. Станува збор за францускиот репрезентативец Рафаел Варан чиј договор со „Кралевите“ истекува идното лето. Според локалните медиуми, Варан два пати одбил да го продолжи договорот со клубот. Со оглед дека тој се наоѓа во најдобрите играчки години, Реал не сака да ја испушти шансата да заработи од продажбата на Французинот. Во моментов интерес за неговите услуги покажале два клуба, Манчестер Јунајтед и ПСЖ. За потсетување, Варан во моментов е на Европското првенство со Франција, а по натпреварувањето се очекува да донесе одлука за својата иднина.

Реал Мадрид без стандардниот првотимец на мегдан против Челзи

Бошко Тасиќ — Mon, 03 May 2021 15:37:16 +0000

Пред дуелот со Челзи во полуфиналето од фудбалската Лига на Шампиони тренерот Зинедин Зидан дефинитивно нема да може да смета на уште еден стандарден првотимец Рафаел Варан. Варан се повреди на лигашката средба против Осасуна и нема да биде подготвен за мечот на „Стемфорд Бриџ“, а ќе биде неизвесен и за дербито против Севилја во Шпанската Примера Дивизија. Позитивна вест е што Серхио Рамос и Ферлан Менди тренираа со групата што значи дефинитивно има шанса да добијат зелено светло за настап. Дуелот Челси-Реал се игра во среда од 21 часот.

Варан сака да го напушти Реал Мадрид

Ивана Ефремовски — Tue, 19 Mar 2019 08:15:48 +0000

Францускиот дефанзивец Рафаел Варан сака да го напушти Реал Мадрид во потрага по нови предизвици, тврди „Екип“. Поранешниот фудбалер на Ленс беше донесен на „Сантијаго Бернабеу“ во 2011 година по препорака лично од актуелниот тренер на тимот Зинедин Зидан и меѓу двајцата има голема доверба. Затоа изгледа чудно неговата желба да си замине токму сега, кога неговиот патрон се врати на „Бернабеу“. Според изданието, станува желба за промена на средината. За овие осум години во Реал Мадрид Варан освои сè – три трофеи во Лигата на Шампионите, две титули на Шпанија, Купот на земјата, Суперкупот на Шпанија и Европа, четири светски клупски титули, а во текот на летото на минатата година стана и светски шампион со Франција во Русија. И сето тоа само на 25 години (Варај ќе наполни 26 во април). Договорот на Варан со Реал е за уште три сезони и неговото заминување ќе се случи само по плаќање на сериозна трансферна сума која според „Трансфермаркт“ е 80 милиони евра. Италијанските медиуми веќе објавија интерес од страна на Јувентус. (МИА)

„Кралевите“ со нов проблем, повредата на Варан е посериозна

Ивона Петрова — Tue, 30 Oct 2018 17:17:48 +0000

Фудбалерот на Реал Мадрид, Рафаел Варан се повреди викендов на „Ел Класико“ и предвреме го напушти натпреварот против Барселона. Реал соопшти дека по денешните детални прегледи било утврдено дека станува збор за потешка повреда на мускулите на десната нога. За мадридскиот клуб ова е дополнителен проблем откако тренерот Хулен Лопетеги доби отказ по дебаклот против Барселона од 5:1. Засега не е познато колкав период ќе отсуствува Варан.