рафали – Kurir.mk

КУРИР предупреди, но Оливер Спасовски и МВР останаа глуви: Фрчат заскитани куршуми низ Скопје и Македонија

Ристе Здравков — Thu, 04 Aug 2022 16:42:01 +0000

Во Скопје и ова лето традиционално се пука од огнено оружје за семејните веселби, па речиси секој ден во полицискиот билтен има регистрирано вакви инциденти, ако не во скопскиот, тогаш во тие од СВТ Тетово. За среќа досега само една жена во Тетово беше полесно повредена од заскитан куршум. Само во денешниот билтен се заабележано три иниденти во Скопје. -На 03.08.2022 во 16.46 часот во СВР Скопје, И.А.(44) од Скопје пријавил дека неговото возило „пежо“, со скопски регистарски ознаки, кое било паркирано во неговиот двор, било оштетено од залутано зрно. Истиот ден околу 22часот во Полициската станица Ѓорче Петров, М.О.(41) од Скопје пријавила дека од залутано зрно бил оштетен прозорец од нејзиниот стан на подрачјето на Ѓорче Петров. Дваесеттина минути подоцна 22.20 часот во ПС Чаир, Г.К.(38) од Скопје пријавил дека околу 22.15 часот, помеѓу неговата и куќата на неговиот сосед, пронашол залутано зрно.И во овие случаи увид на местото на настанот извршила екипа од СВР Скопје, која ги подигнала зрната за понатамошна постапка. И завчера се случил сличен инцидент. На 02.08.2022 во 22.43 часот во Полициската станица Кисела Вода, А.В.(39) од с.Добридол, скопско, пријавила дека околу 22.05 часот на фасадата од нејзината куќа ја оштетило залутано зрно. Пред неколку дена екипата на Курир излезе на терен во скопската населба Бутел од каде добивме повик од загрижени и прелашени граѓани поради рафалните истрели од автоматска пушка во оваа скопска населба. Граѓаните од Бутел ни се пожалија, но според нивните изјави тие беа и многу гневни на министерот Спасовски, но и на тоа дека полицијата иако ги слуша овие истрели не презема ништо. [embed]https://kurir.mk/makedonija/vesti/rafali-od-avtomatsko-oruzje-se-slushaat-vo-skopski-butel-spasovski-po-doma-moze-da-kazuva-deka-sme-bezbedni-nas-ne-moze-da-ne-laze/[/embed] -Вака е веќе неколку месеци, знаеме дека има свадби и прослави, но ова веќе е неподносливо, ни посведочи средовечен маж. -Па војна да имаше вака немаше да се пука, полицијата се прави како ништо да не слуша, работат ли нешто тие полицајци, страв ми е детето да го извадам во парк, се плашам дека ќе го погоди некој заскитан куршум, вели во телефонско јавување една мајка за нашиот портал. -Оливер Спасовски и неговите пајташи, ако толку многу не убедуваат дека државава ни е безбедна ќе успееа да е справат со овие прослави. Луѓе многу е едноставна работата. МВР знае каде се наоѓаат рестораните, МВР знае каде има свадби, многу е едноставно, нека одата на терен и нека се справат со ваквите пиштолџии, мене веќе ми е преку глава од овие пајташи, Спасовски може да ги убедува женаму и децата дека државава е безбедна, ама нас не, вели за КУРИР маж кој пред извезсно време бил сведок на ваков инцидент, вели дека пријавил, ама прославата во близина на неговото живеалиште продолжила со исто темпо. Ова беа само дел од нивните изјави пред нашата екипа. Но ваквата состојба во Бутел, Чаир, Шуто Оризари и денес не е променета, постојано се слушаат истрели од различни страни, а како што можеме да видиме според билтенот на МВР кој е преполн со вакви пријави ситуацијата воопшто не е променета, полицијата воопшто не реагира или пак доцна излегува на терен, а оние кои користат автомати имаат време истиот да го сокријат. Само за потсетување, поседување на автоматска пушка во Република Македонија според ЗКП е забрането, а доколку сторителот на вакво кривично дело е фатен му се заканува голема затворска казна. Па оттука уште една прашува дали МВР и Оливер Спасовски ќе се разбудат од „зимскиот сон“ и ќе почнат да делуваат пред овие куршуми некого да усмртат?! фотографијата на оваа вест е стара, а истата е од заскитани куршуми кои во 2018 година беа паднати во автомобил на тетовец

Рафали од автоматско оружје се слушаат во скопски Бутел: Спасовски по дома може да кажува дека сме безбедни, нас не може да не лаже

Ристе Здравков — Mon, 01 Aug 2022 16:43:36 +0000

Во текот на целиот ден во скопската населба Бутел се слушаат рафали од автоматска пушка. Граѓаните загрижени и преплашени сведочат за КУРИР. -Вака е веќе неколку месеци, знаеме дека има свадби и прослави, но ова веќе е неподносливо, ни посведочи средовечен маж. -Па војна да имаше вака немаше да се пука, полицијата се прави како ништо да не слуша, работат ли нешто тие полицајци, страв ми е детето да го извадам во парк, се плашам дека ќе го погоди некој заскитан куршум, вели во телефонско јавување една мајка за нашиот портал. -Оливер Спасовски и неговите пајташи, ако толку многу не убедуваат дека државава ни е безбедна ќе успееа да е справат со овие прослави. Луѓе многу е едноставна работата. МВР знае каде се наоѓаат рестораните, МВР знае каде има свадби, многу е едноставно, нека одата на терен и нека се справат со ваквите пиштолџии, мене веќе ми е преку глава од овие пајташи, Спасовски може да ги убедува женаму и децата дека државава е безбедна, ама нас не, вели за КУРИР маж кој пред извезсно време бил сведок на ваков инцидент, вели дека пријавил, ама прославата во близина на неговото живеалиште продолжила со исто темпо. Со години наназад сведоци сме баш во оваа скопска населба но и во други, како залутани куршуми завршувале во автомобили, но и во луѓе.

Грција купува француски „Рафали“

Ристе Здравков — Fri, 25 Mar 2022 06:53:14 +0000

Во присуство на министрите за одбрана на Франција и Грција, вчера во Атина беа потпишани конечните договори за набавка на три модерни француски фрегати Белара, како и дополнителни шест воени авиони Рафал, јави дописничката на МИА од Атина. Од грчка страна договорот за фрегатите го потпиша генералниот директор за одбранбена опрема и инвестиции од Министерството за одбрана на Грција, а од француска страна, претседателот и извршен директор на компанијата Навал. Министерот за одбрана на Грција Никос Панајотопулос рече дека набавката „го истакнува стратешкиот карактер на грчко – француските односи и целосната поддршка на Франција за Грција пред предизвиците и заканите”. Министерката за одбрана на Франција Флоранс Парли рече дека „Франција е горда што придонесува за зајакнување на грчката безбедност”, со трите фрегати и шесте дополнителни Рафал, покрај веќе нарачаните 18. Додаде дека Грција е голем пријател и сојузник на Франција, а за тоа сведочи и нејзиното присуство на денешната воена парада во Атина по повод националниот празник. Според грчките медиуми, првите две фрегати се очекува во 2025 година да пристигнат во Грција, а третата една година подоцна. Набавката на три модерни француски фрегати е вклучена во Договорот за воспоставување стратешко партнерство за одбранбена и безбедносна соработка меѓу Франција и Грција, што во септември, во Париз, го потпишаа министрите за надворешни работи и одбрана на двете земји, во присуство на францускиот претседател Емануел Макрон и грчкиот премиер Кирјакос Мицотакис.

Рафали од автоматски пушки, “дожд“ од куршуми над Скопје

Ристе Здравков — Wed, 04 Aug 2021 19:53:44 +0000

Рафали од автоматски пушки, пукање со пиштол станаа секојдневие на Скопјани. Повеќе од два месеци граѓаните на Скопје живеат во страв и паника и стравуваат за своите животи од “дождот“ од куршуми кои секојдневно се случува во главниот град. Се пука на свадби, семејни веселби, рафали се слушаат од Арачиново, Сарај, Сингилиќ, Бутел, Чаир... а МВР се уште нема прекинато ниту една ваква прослава, а ниту пак некој завршил зад решетки поради ова кривично дело. Имено пукање на веселби со огнено оружје е кривично дело според член 288 од ЗКП на РСМ, паричната казна за ова дело е од 200 до 500 евра во денарска противредност, но предвидува и затворска казна од една до пет години затвор, зависно од последиците при пукањето. Редакцијата на КУРИР испрати прашања до МВР. Побаравме информации за тоа колку автоматски, полуавтоматски пушки и пиштоли се запленети во последните два месеци на територијата на Скопје и скопско, колку лица се уапсени, и каква е стратегијата на МВР за следните пет години за пронаоѓање на нелегално оружје? Од министерството за внатрешни работи не добивме конкретен одговор на ниту едно прашање: - Во периодот јануари-јуни 2021 на територијата на државата зголемен е бројот на откриени кривични дела, во однос на истиот период од минатата година, при што зголемена е и вкупната количина на заплените со оружје и муниција. Во оваа насока, во периодот јануари – јуни 2021 година, во оваа област се откриени 77 кривични дела, за што кривично се пријавени вкупно 84 сторители, а во рамките на наведените случаи, запленети се 66 парчиња оружје, 18.434 парчиња муниција. МВР во координација со локалните власти презема и превентивни активности за спречување на појавата на пукање со огнено оружје на семејни веселби/свадби. Се одржуваат работни средби со претставници на општинските совети и градоначалниците, со цел заеднички да се делува на подигање на јавната свест кај населението за оваа појава може да предизвика тешки последици и ваквите активности на МВР ќе продолжат и во наредниот период. Министерството за внатрешни работи уште еднаш упатува апел до сите граѓани да се воздржат од пукање со огнено оружје на семејни веселби. Пукањето е спротивно на Законот за прекршоци против јавниот ред и мир, а паричната глоба за ваков вид прекршок се движи од 200 до 500 евра (член 31). Зависно од последиците, пукањето може да претставува и кривично дело „предизвикување општа опасност“, за кое е предвидена и затворска казна од една до пет години (член 288 од Кривичниот законик). СВР Скопје презема мерки и активности согласно Националната стартегија за контрола на мало и лесно оружје и Акционен план 2017 - 2021, но и во сопствената Контролна стратегија за 2021 година ја дефинира недозволената трговија со оружје како еден од приоритетите за работа и редовно презема мерки и активности согласно Закон, при што интензивиран е проактивниот пристап во работењето, како и координираното и насочено преземање на мерки и активности за утврдување и идентификацијата на недозволената трговија со оружје, преку Планови за преземање мерки и активности со цел фаќање и спречување на сторители во вршење на кривични дела, се вели во одговорот на МВР. Сведоци сме изминативе години дека зрната од куршумите завршуваа во нечии дворови, коли, но завршуваа и во човечки тела. Отука јавно прашуваме, дали Оливер Спасовски ќе почне да си ја работи работата за која е платен од граѓаните?