рафиња – Kurir.mk

Два натпревари суспензија за тренерот Чави и Рафиња

Ристе Здравков — Tue, 15 Aug 2023 08:02:57 +0000

Барселона не успеа со победа да ја започне одбраната на титулата во домашното првенство. Во саботата, на „Колосеум Алфонсо Перез“ во Мадрид, Барселона одигра натпревар без голови против Хетафе. Четврта година по ред, Барселона не успеа да постигне гол на овој стадион, три од тие четири натпревари завршија со резултат 0:0. Хетафе и Барселона, одиграа натпревар тензичен натпреар, со малку квалитетен фудбал. Натпреварот го обележаа и црвените картони кои ги добија Рафиња и тренерот Чави. Бразилецот поради удри противнички играч во финишот на првото полувреме, а тренерот на Барселона беше исклучен во 70.минута поради жестоки протести. Според правилата на Ла Лига двајцата ќе бидат суспендирани на два натпревари. Исто така, Ла Лига нема да покрене дополнителна постапка против тренерот Чави, кој по завршувањето на натпреварот го криткуваше судењето на Сезар Сото Градо. Барселона во наредните две рунди ќе го пречека Кадиз и ќе му гостува на Виљареал.

По само една сезона, Рафиња ќе си замине од Барселона

Ристе Здравков — Mon, 13 Mar 2023 13:22:28 +0000

Рафиња (26) дојде во Барселона од Лидс за 58 милиони евра во летото 2022 година, односно пред почетокот на тековната сезона, а веќе се шпекулира дека тој ќе го нашушти клубот. Шпански „Спорт“, пренесува дека претседателот на Барселона, Џоан Лапорта изјавил дека клубот ќе мора да продаде некои играчи. „Спорт“, тврди дека планот е да се ослободат од помалку важните играчи. Сепак, Рафиња има најголема пазарна вредност, а наводно за него се заинтересирани Челзи и Њукасл. Иако има договор до 2027 година и е важен играч во тимот на тренерот Чави Ернандез, особено откако го нема Усман Дембеле, финансиската ситуација во клубот е таква што тој би можел да замине не по своја волја. „Иако Барселона не планира да добива понуди за Рафиња, реалноста е поинаква. Барселона се надева дека ќе направи добар трансфер со продажба на играч со помала минутажа. Но, доколку не успее во тоа, Рафиња изгледа како добар извор на приход. Се претпоставува дека Барселона ќе извлече повеќе пари од она што го вложи трансферот на Бразилецот“, заклучува „Спорт“. Рафиња оваа сезона одигра 36 натпревари за Барселона, постигнува осум и забележа девет асистенции. „Трансфермаркт“, неговата вредност ја проценува на 50 милиони евра.

Њукасл подготви 50 милиони евра за Рафиња

Ристе Здравков — Fri, 10 Mar 2023 11:49:36 +0000

Англискиот премиерлигаш Њукасл не се откажува од идејата да го доведе крилниот напаѓач на Барселона, Рафиња, во своите редови. Бразилецот и минатото лето беше желба на најбогатиот клун, но избра да замине на „Камп Ноу“. Сепак, играчот таму нема статус на стандарден првотимец во плановите на Чави и се вели дека Каталонците се подготвени да ги слушнат сите понуди за него. Њукасл има прилично силна сезона, стигна до финалето на Карабао Купот и има реални шанси да заврши на позициите во Топ 4 што би донеле пласман во ЛШ. Сепак, менаџерот Еди Хау веќе призна дека ќе бидат потребни повеќе инвестиции доколку шефовите сакаат клубот да продолжи да расте. Њукасл се надева дека ќе може да го донесе Рафиња на „Сент Џејмс Парк“, откако подготви 50 милиони евра. Од друга страна, Барселона треба да собере близу 200 милиони евра од летна продажба пред да може да донесе нови засилувања на „Камп Ноу“, па можеби ќе одлучи да го жртвува Рафиња.

Чави го извади Рафиња од игра, фудбалерот збесна, почна да крши столче! (ВИДЕО)

Ристе Здравков — Fri, 17 Feb 2023 10:25:16 +0000

Барселона синоќа одигра 2-2 против Манчестер јунајтед во меч од Лига Европа, а во центарот на вниманието беше Рафиња кој не ја прифати лесно одлуката на Чави да биде заменет. Рафиња одигра одличен меч, постигна гол за 2-2 во 76. минута, а неколку минути подоцна Чави реши да го извади. Навивачите беа изненадени од оваа одлука, дел од нив свиркаа, а Рафиња збесна откако седна на клупата, па почна да крши столче. По натпреварот Рафиња јавно му се извини на Чави, на Феран Торес кој влезе место него во игра, се извини на сите соиграчи и навивачите. Рече дека го понеле емоциите и не можел да се контролира.

Xavi has blood on his hands for making raphinha do like thispic.twitter.com/EuxBvCIMLl
— SAM (@Fcb_s_a_m) February 16, 2023

Лапорта потрошил 300 милиони евра за трансферите на Левандовски и Рафиња

Дарко Андоновски — Tue, 19 Jul 2022 12:43:05 +0000

Шпанскиот весник „Ел Паис“ објави денеска дека Барселона за двете свои летни големи засилувања, Роберт Левандовски и Рафиња, потрошила речиси 300 милиони евра. Весникот наведува дека Барселона за Левандовски му платила на Баерн Минхен 60 милиони евра, а полскиот голгетер, наводно, ќе има значително поголема годишна плата отколку што е официјално објавено. „Ел Паис“ тврди дека каталонскиот клуб за два дена за обесштетување за двајцата фудбалери, бонуси и провизии за менаџерите потрошила 297 милиони евра, што е невообичаено за клуб кој беше на работ на банкрот. Претседателот на Барселона, Жоан Лапорта, кој со екипата се наоѓа на подготовки во Мајами, изјави оти е задоволен од засилувањата во досегашниот дел од летниот трансфер рок, додавајќи оти планира да донесе уште неколку засилувања во екипата, пренесоа американските медиуми.

Лидс ја прифати понудата од Барселона за Рафиња

Ивана Ефремовски — Tue, 12 Jul 2022 14:12:29 +0000

Челниците на премиерлигашот Лидс ја прифатија понудата од Барселона за трансфер на бразилскиот фудбалер Рафиња, објави денеска на својот твитер профил познатиот италијански спортски новинар Фабрицио Романо. Новинарот, кој важи за сигурен извор на информации поврзани со трансфер пазарот, посочи дека Барселона понудила 58 милиони евра плус 10 милиони евра во бонуси. Договорот би требало да биде финализиран во следните неколку денови по што Рафиња ќе допатува во Барселона на медицински прегледи и потпис. Рафиња (25) последните две сезони ги мина во дресот на Лидс, настапувајќи претходно за Аваи, Виторија Гимараеш. Спортинг и Рен. (МИА)

Барса доцна синоќа испратила понуда за Рафиња, Лидс не сакал ниту да ја погледне

Ристе Здравков — Thu, 30 Jun 2022 11:42:00 +0000

Барселона доцна синоќа стапила во контакт со Лидс за да достави нова понуда за услугите на Рафиња, но „белите“ не сакале да го погледнат предлогот на клубот од Камп Ноу. Барселона го идентификуваше Рафиња како наследник на Дембеле, со месеци има договор со Бразилецот, но проблем им направи тоа што Лидс остана во Премиерлигата (со испаѓање во втора лига ќе се активираше откупна клаузула од 25 милиони евра). „Каталонците“ во моментов немаат пари за засилувања, ниту пак имаа намера да платат 75 милиони евра колку што бара Лидс за разделба со Рафиња. Ова го искористија големите клубови од Англија, кој почнаа да наддаваат за услугите на офанзивниот фудбалер и вчера пристигна информација дека Челси договорил трансфер од 60/65 милиони фунти. Според ТВ3, Барселона доцна синоќа стапила во контакт со Лидс за да достави нова понуда, но „белите“ не сакале да го погледнат предлогот на клубот од Камп Ноу. Новинарот Фабрицио Романо исто така пишува дека Барселона му се јавила на Лидс, но „каталонците“ немале шанси да го изедначат предлогот на Челси.

Арсенал блиску е до ангажман и на Рафиња

Бошко Тасиќ — Sat, 25 Jun 2022 04:25:20 +0000

Арсенал и Манчестер сити имаат договор за трансфер на Габриел Жезус, кој ќе чини 45 милиони фунти и Бразилецот речиси сигурно ќе биде нов напаѓач на Топчиите од Лондон. Арсенал најавува уште еден одличен трансфер, кој изгледаше невозможна мисија, но сега е реалност. Се работи за уште еден Бразилец, Рафиња од Лидс. Иако првично беа одбиени, сега информациите се дека двата клуба се блиску до договор, а и Рафиња нема ништо против да го носи црвениот дрес на Арсенал.

Баерн Минхен ќе се засилува од Англија

Бошко Тасиќ — Sun, 26 Dec 2021 07:04:20 +0000

Фудбалерот на Лидс, Рафиња е човекот кој ќе го засили тимот на Баерн Минхен. 25-годишникот играч ќе ја испразни баварската каса за 50 милиони евра. Бразилскиот фудбалер игра на позицијата десно крило и постигна осум гола и асистира за еден гол на 16 натпревари во Премиер лигата. Добрата форма му овозможи во октомври да дебитира во репрезентативниот дрес на Бразил. Договорот со Лидс му истекува во 2024 година.