Опасен СКОК на цената на зејтинот: РАФТОВИТЕ ПРАЗНИ, СЕ КУПУВА ОНЛАЈН!

Ристе Здравков — Thu, 31 Mar 2022 15:46:56 +0000

Новинарката Јелена Хелц од Берлин открива дека Германците се погодени од кризата во Украина и дека во оваа земја има голем недостиг на масло, но дека и покрај празните полици нема место за паника. – Случајно еден од соседите е келнер и отишол да купи масло за ресторанот и баш вели дека имало уште големи количини масло, само се на крајот од силите. Значи, сигурно ќе има проблеми со маслото, особено за сиромашните. Има уште маслиново масло, па на оние што живеат поздраво и користат масло само за салата тоа не им е проблем, не ни забележале дека нема масло, рекла новинарка од Берлин за утринската програма на една Телевизија и додала дека тоа не е случај кога станува збор за посиромашните луѓе и рестораните. Таа истакнала дека дури и рафтовите со масло се празни. – Рестораните и посиромашните што го користат се во неволја, затоа што го нема. Го нема на полиците, ми пратија фотографии од празни рафтови. Дури дојдовме до точка каде што ebay продава масло по неверојатно многу повисоки цени. Ако го има по овие помалите, ние ги нарекуваме „турски дуќани“, тогаш цената е четири или пет евра, што е значителна разлика, истакнува Хелц. Сепак, меѓу Германците нема место за паника, бидејќи тие цврсто веруваат дека државата ќе ги заштити, нагласува Хелц. – Германија се обидува да ја ублажи паниката. Има вести дека се воведуваат нови социјални мерки, дека нема место за паника, дека месечно ќе добиваат пари за да го надоместат поскапувањето на енергијата, струјата и сметките, повеќето луѓе изнајмуваат станови, што значи дека и цените на киријата ќе скокнат. Заедно со тие лоши вести, се шират и добри и Германците имаат среќа што навистина им веруваат на своите политичари. Нивниот систем е многу добар и веруваат дека ќе ги заштити. Меѓу оние кои поминале низ такви работи и кои знаат како изгледа, почнува да се формира паника, но за оние кои немаат поим што се случува, не ги фаќа паника, бидејќи веруваат дека државата ќе ги заштити, вели Јелена Хелц. Од друга страна, Алиса Бешевиќ-Буслехнер, српски уметник која живее во Линц, Австрија, вели дека оваа земја не ја чувствува кризата што го зафати светот поради војната во Украина и дека за оваа тема не се зборува многу. – Можам само да кажам дека живееме многу добро. Единствено што забележав е дека цената на горивото поскапе, а тоа започна кога започна оваа војна во Украина. На пример, во Австрија има голем фокус на идните еколошки мерки, па затоа воведоа, на пример, билет за јавен превоз кој може да се користи за три евра дневно за цела Австрија. Го користам и не чувствувам никакви последици, рекла Алиса Бешевиќ-Буслехнер. Таа додала и дека во оваа земја не се зборува многу за војната во Украина, но и дека луѓето повеќе се фокусирани на грижата и помошта на бегалците отколку на политиката.

НА ОВИЕ РАБОТИ ЗАБОРАВЕТЕ ВО МАРКЕТИТЕ: Граѓаните ги испразнија рафтовите, овие намирници се купуваат на големо (ФОТО)

Дарко Андоновски — Thu, 27 Feb 2020 09:09:20 +0000

И утрово скопјани со повеќе торби полни со намирници за јадење излегуваа од маркетите. Стравот од коронавирусот го компензираа со купување залихи храна што започна уште вчера. Дел од рафтовите се испразниа по што трговците задоволно тријат раце. Навистина добра можност да се потрошат залихите кои стојат во магацините, објавува Скопјеинфо, Најчесто купувани производи се брашно, конзервирана храна, како и антибактериски марамици и сапуни. Во меѓувреме, министерот за здравство, Венко Филипче, излезе со прес конференција на која појасни дека 50-годишната пациентка е во стабилна состојба и дека има лесен вид на вирусот, односно зафатено и е само едно белодробно крило. „Идентификувани се сите патници од комбето. Биле 9 луѓе 8 патници и возачот. Идентификувани се на едно место во Скопје и 3 места во Струмица. Во овој момент веќе се упатени екипи на епидемиолози да се направи прегледот и анкетата за дознавање податоци со кој се лица денеска овие патници комуницирале. Најпрво вечерва сите ќе останат во домашна изолација со полициски надзор. Во однос на податоците со колку луѓе контактирале, ќе се одреди дали ќе продолжи изолацијата или ќе бидат префрлени во инфективните одделенија за надзор“, рече Филипче. Во меѓувреме, објавени се и броевите на кои граѓаните со симптоми можат да се јават, а со цел да бидат проверени дали се заразени од вирусот. Техничкиот премиер Оливер Спасовски, министерот Филипче и докторот Жарко Караџовски пак, нагласија дека граѓаните треба да си продолжат со нормален тек на животот.

рафтови – Kurir.mk

Опасен СКОК на цената на зејтинот: РАФТОВИТЕ ПРАЗНИ, СЕ КУПУВА ОНЛАЈН!

НА ОВИЕ РАБОТИ ЗАБОРАВЕТЕ ВО МАРКЕТИТЕ: Граѓаните ги испразнија рафтовите, овие намирници се купуваат на големо (ФОТО)