Насловен како „Безвременско визионерство“, „Рагуза Груп“ го прослави својот три децениски јубилеј

Ристе Здравков — Fri, 21 Apr 2023 13:02:17 +0000

Успешната приказна на „Рагуза Груп“, која започна пред 3 децении, уште од првиот ден е фокусирана на заедничките приоритети во работењето - задоволни клиенти, одржлив квалитет и тим кој ќе се бори со сите предизвици на пазарот. Остварувајќи ги целите кои се поставени уште од самиот почеток им овозможуваат да останат во врвот 30 години и да бидат визионери во угостителскиот бизнис. По овој повод, на 19^ти април 2023 год., „Рагуза Груп“ го прослави своето 3 децениско постоење. Втората генерација на сопственици на „Рагуза Груп“, Перица и Гоце Голомеиќ, на присутните гости им ја раскажаа приказната како на покоен татко, Мирко, го започнал овој сопствен угостителски бизнис со многу желба, посветеност и љубов. Татко им Мирко со нивната мајка Цвета со многу страст и ентузијазам зачекориле во овој бизнис за да создадат топол и пријатен простор, каде луѓето ќе уживаат и создаваат трајни спомени на кои ќе се навраќаат. Од првиот угостителски објект отворен во 1993 година од таткото Мирко, Мирко 919, ребрендиран во Рагуза 919, денес под „Рагуза Груп“ припаѓаат Киндер Парк, Ресторан Парк, Рагуза 360. Ова е доказ како со верба во себе и во своето семејство може да се оформи и да опстои еден семеен бизнис. „Сѐ започна далечната 93 година со Мирко 919, за денес ние овде со кренати чаши и насмеани лица да го прославиме успехот кој мојот татко го започнал пред три децении и на кој ние неизмерно се гордееме и го продолжуваме! Од еден скромен сон и семеен муабет меѓу дедо ми Петар и татко ми Мирко, приказната за сопствен угостителски бизнис денес зборува за просперитет изграден со многу напорна работа, верба, посветеност и многу љубов.“ - изјави Перица Голомеиќ, сопственик на Рагуза Груп „Додека зборуваме за успехот и предизвиците низ сите овие години, морам да се заблагодарам на извонредниот тим на вработени и соработници кои беа составен дел од растот на Рагуза. Секој од вас покажа лојалност и вештина, задржувајќи ги вредностите што ги постави нашиот татко. Вашата посветена работа, труд и мотив ја трансформираа Рагуза од локална установа до реномирана дестинација.“- изјави Гоце Голомеиќ, сопственик на Рагуза Груп За значаен придонес, лојалност и успешна работа, на прославата Перица и Гоце Голомеиќ, доделија статуетки на вработените во „Рагуза Груп“ кои се кормилото за успешност и долгогодишна традиција. На оваа свечена манифестација, нивната мајка Цвета, ја доби наградата за животно дело „Рагуза Груп“ и се заблагодари на нејзините синови и на успешната визија која ја продолжуваат. 30 годишната прослава ја отворија Trinity Strings, по нив следуваа одличните настапи на познатите македонски музички ѕвезди Тамара Тодевска и Ѓоко Танески, додека музичката програма ја затвори DJ Александар Јорданов. Повеќе од 500 гости, имаа можност да уживаат во богата шведска маса, уникатен амбиент зачинет со естетски модерен стил и енергија која ќе зборува уште многу долго. Сопствениците на „Рагуза Груп“ на овој јубилеј го најавија проширување на семејниот бизнис во една друга индустрија, односно нивните два нови проекти во градежништвото „Рагуза Хоум“ и „Мамут“. Тимот на „Рагуза Груп“ продолжуваат посветени и со силна верба и во наредните години да инвестираат во создавање на квалитет и бизнис кој ќе продолжи да биде традиција на доверба.

Во пожарот во „Рагуза“ нема повредени лица!

Ивана Ефремовски — Sun, 08 Aug 2021 14:17:50 +0000

На 07.08.2021 во 23:02 часот во СВР Скопје било пријавено дека настанал пожар во угостителски објект на покривот од катната гаража „26 Јули“ на бул.„Кирил и Методиј“. Од екипа на Бригадата за противпожарна заштита Скопје пожарот бил изгаснат, а повредени лица нема. Увидот е во тек.

Изгаснат пожарот во ресторанот за свадби Рагуза

Тале Кристо — Sat, 07 Aug 2021 22:14:40 +0000

Пожарот кој што избувна во угостителскиот објект за свадби ресторан „Рагуза“ е изгаснат. Противпожарната единица пристигна на лице место и по нивната интервенција пожарот е изгаснат, а според првичните информации причинета е само материјална штета. Како што претходно објави Курир, во моментот кога избувнал пожарот во објектот имало свадба и гостите започнале да бегаат. Улицата пред катната гаража сè уште блокирана. Најверојатно нема повредени, бидејќи како што велат жителите кои сè уште се на улицата, имало две возила на Итната помош, кои си заминале откако е изгаснат пожарот. Според нашите информации пожарот избувнал во магацинот на објектот.

Гори угостителскиот објект за свадби Рагуза (ФОТО+ВИДЕО)

Тале Кристо — Sat, 07 Aug 2021 21:37:06 +0000

Угостителскиот објект за свадби "Рагуза" кој што се наоѓа во центарот на Скопје беше зафатен од пожар. Според нашите информации во моментот кога избувнал пожарот имало свадба, а гостите избегале. Како што дознава Курир, пожарот избувнал во магацинот. [video width="320" height="568" mp4="https://kurir.mk/wp-content/uploads/2021/08/video-1628372136.mp4"][/video] [video width="272" height="480" mp4="https://kurir.mk/wp-content/uploads/2021/08/video-1628372782-1.mp4"][/video]

рагуза – Kurir.mk

Насловен како „Безвременско визионерство“, „Рагуза Груп“ го прослави својот три децениски јубилеј

Во пожарот во „Рагуза“ нема повредени лица!

Изгаснат пожарот во ресторанот за свадби Рагуза

Гори угостителскиот објект за свадби Рагуза (ФОТО+ВИДЕО)