Рахим Стирлинг – Kurir.mk

Саутгејт: Специјална вечер за Стирлинг

Ивана Ефремовски — Sat, 23 Mar 2019 08:33:12 +0000

Селекторот на Англија, Герет Саутгејт го преплави со пофалби Рахим Стирлинг по успехот со 5:0 над Чешка во првиот натпревар на „Трите лава“ од квалификациите за ЕП 2020. Крилото на Манчестер Сити постигна „хет-трик“ во овој дуел. „Рахим беше одличен вечерва. Тој изгледаше како на тренинзите во текот на неделата. Имаше учество во четири од нашите голови. Многу сум задоволен, ова е специјална вечер за него. Мислам дека тој израсна многу како фудбалер и како човек. Тој е гладен за голови и се труди да биде на вистинското место, откако покажува класа и при завршните удари – веќе стрела инстинктивно, без премногу размислување, изјави Саутгејт по мечот

Стирлинг влезе во фокусот на Реал

Дарко Андоновски — Sat, 16 Mar 2019 09:24:36 +0000

Во рамките на својот голем план за реновирање на тимот, Реал Мадрид ќе сенасочи кон крилото на Манчестер Сити, Рахим Стирлинг, пишува „Дејли Мирор“. Претходно оваа недела, Зинедин Зидан се врати на функцијата тренер на „белиот балет“, потпишувајќи договор до 2022 година. Се претпоставува дека Французинот прифатил да се врати на „Сантијаго Бернабеу“, откако добил гаранции за сериозен буџет за трансфери од околу 300 милиони фунти. Меѓу целите на Реал се и Кристијан Ериксен од Тотенхем и Еден Азари од Челзи, а договорите и на двајцата им истекуваат по 12 месеци. Дваесет и четири-годишниот Стирлинг, исто така, лично е баран од Зидан, откако во последниве години се претставува одлично во Премиер лигата. Стирлинг сепак гопродолжи договорот со Сити до ноември 2023 година, а во клубот заработува по 300.000 фунти неделно, па Реал ќе треба да извади многу сериозна сума, за да го привлече англискиот репрезентативец.

Се извини навивачот на Челзи, кој го навредуваше Рахим Стирлинг

Ивона Петрова — Tue, 11 Dec 2018 17:39:04 +0000

Навивачиот на Челзи, Колин Винг, кој беше обвинет за расистички навреди кон напаѓачот на Манчестер Сити, Рахим Стирлинг, негира дека го навредувал англискиот репрезентативец. Винг (60) во интервју за „Дејли Мејл“ изјави дека го користел зборот „Manc“, кој ги карактеризира луѓето од Манчестер, а не „Black“ (црн) на адреса на Стирлинг. – Сакам да се извинам најискрено на Рахим. Разочаран и засрамен сум од однесувањето. Тоа не беше расистичкa манифестација, но и покрај тоа не беше правилно. Знам дека пцуењето е лошо, но изгубив контрола. Веќе 50 години посетувам натпревари на Челзи и секогаш седам зад голот, па често сум во кадар. Ако сум користел такви зборови, некогаш некоја камера ќе ме снимеше досега, рече Винг. Поради своето однесување во текот на натпреварот, Винг ја изгуби својата работа и сезонскиот билет за натпреварите на Челзи. МИА

Ова е најплатениот Англичанец во светскиот фудбал

Катерина Бојаџиева — Fri, 09 Nov 2018 20:11:34 +0000

По долгите месеци шпекулации, Рахим Стирлинг се согласи да потпише нов договор со Манчестер Сити. Денес англискиот репрезентативец се врза со клубот за уште три сезони – до летото 2023 година. Досегашниот негов договор истекуваше во летото 2020 година, што го правеше потенцијална цел за трансфер по крајот на шампионатот, а меѓу кандидатите беше и Реал Мадрид. Според „Дејли Мејл“, новиот договор е за неделна плата од 300.000 фунти, што го прави од Стирлинг најплатениот Англичанец во светскиот фудбал. Лидер по плата останува Алекс Санчез од Манчестер Јунајтед, кој зема 350.000 фунти неделно. Сепак, официјално, Сити не ги открива финансиските детали за договорот со 23-годишниот фудбалер. Досега, Стирлинг земаше 120.000 фунти неделно, што значи дека има зголемување од 150 отсто. Родениот во Јамајка напаѓач ја игра својата четврта сезона во Сити. Тој беше купен од Ливерпул за 44 + 5 милиони фунти.

Сити го продава Стирлинг, ако не се согласи за нов договор

Ивона Петрова — Fri, 20 Jul 2018 11:05:07 +0000

Раководството на англискиот шампион Манчестер Сити ќе се обиде да го продаде репрезентативецот Рахим Стирлинг во рок од една година, пишува весникот „Дејли мирор“. Според информациите од неименуван извор, цитиран од весникот, играчот ќе биде ставен на трансфер листата доколку не се согласи за нов договор со „граѓаните“. Тековниот договор на Стирлинг истекува во јуни 2020 година. Тој добива 170.000 фунти неделно, но сака подобри услови. На Островот сугерираат дека доколку Стирлинг добие зголемување на платата, во новиот договор нема да биде вметната клаузула за откупување и Манчестер Сити ќе може слободно да ја одреди неговата цена. Стирлинг игра за Сити од 2015 година, а минатата сезона забележа 46 натпревари, реализирајќи 23 гола и 12 асистенции. Претпоставките се дека двете страни ќе се обидат да постигнат договор во новата сезона. Но, ако не постои таков до Нова Година, тогаш од пролетта 2019-та, англискиот напаѓач ќе биде понуден на клубовите и менаџерите.