рајан гигс – Kurir.mk

Гигс се повлече од функцијата селектор на Велс

Ивона Петрова — Tue, 21 Jun 2022 06:32:03 +0000

Фудбалската асоцијација на Велс објави крај на партнерството со Рајан Гигс. Поранешниот крилен напаѓач на Манчестер јунајтед беше на чело на националниот тим од јануари 2018 година, но практично престана да раководи со тимот во ноември 2020 година по неговото апсење под обвинение за напад на неговата девојка Кејт Гревил. Гигс подоцна беше обвинет и за напад на нејзината помлада сестра Ема Гревил за време на истиот инцидент. Судските рочишта ќе почнат на 8 август годинава, а поранешниот фудбалерот ја негира вината. Конечното заминување на Гигс од националниот тим се поврзува со неговата неподготвеност, поради скандали, да се меша во работата на тимот за Светското првенство во 2022 година. Велс пласман на Мундијалот во Катар обезбеди под водство на в.д. селекторот Роб Пејџ.

Рајан Гигс целосно го загуби разумот: Неговата девојка не е единствената жртва на насилство

Магдалена Андонова — Fri, 06 Nov 2020 19:28:40 +0000

Легендарниот Рајан Гигс неодамна беше уапсен за семејно насилство. Велшанецот заврши во притвор откако беше пријавен од девојката Кејт Гревил, но очигледно таа не е единствената што физички ја нападнал, пишува Спортм.мк Со нив имаше уште една жена во куќата. Веројатно братучедка, Рајан ја нападнал и неа и двете дале изјава против него во полиција. - Рајан можеби е женкар, но тој не е силеџија, вчера го бранеше таткото Дени на несреќниот Рајан. Гигс физички го нападнал девојчето откако дознала за измама со две девојчиња, а во минатото легендарниот фудбалер често правел неверојатни работи. Така, неговиот брат Родри се откажа од него откако беше откриена аферата со неговата сопруга Наташа, а тоа го чинеше развод од сопругата Стејси.

Приведен Рајан Гигс

Ивона Петрова — Tue, 03 Nov 2020 08:04:54 +0000

Селекторот на Велс, Рајан Гигс е уапсен под обвинение за напад врз неговата девојка, пренесува „The Sun“. Британската полиција во неделата доцна вечер го привела Гигс по добиен повик од неговата девојка Кејт Гревил за насилство. -Четириесет и шестгодишниот Велшанец бил испрашуван под сомнение за напад и телесни повреди нанесени на неговата девојка. Потоа беше ослободен со кауција во очекување на завршувањето на истрагата. Гигс ја напушти станицата во понеделникот попладне, објави „Сан“. Портпарол на полицијата го соопшти следново: „Триесетгодишна жена претрпе полесни повреди, но не и беше потребна медицинска помош. Уапсен е 46-годишен маж под сомнение за напад според член 47 и напад според член 39 “. Во следните неколку дена се очекуваат резултатите од истрагата. Гигс ги отфла обвинувањата, но целосно соработувал со истражните органи, пренесуваат светските медиуми. Фудбалската федерација на Велс ја откажа прес-конференцијата закажана за денеска на која Гиг требаше да информира за составот на селекцијата за претстојните натпревари.

Гигс: Мислам дека Jунајтед за шампионскиот трофеј ќе почека 10-20 години

Ивона Петрова — Fri, 30 Oct 2020 11:59:00 +0000

Поранешниот играч за врска на Манчестер јунајтед, Рајан Гигс даде разочарувачко предвидување за иднината на „црвените ѓаволи“. – Мислам дека победата во Премиер лигата МЈ не може да ја очекува порано од 10-12 години, ова е сто проценти. Сосема е можно ова да се случи за 15-20 години, особено ако Клоп и Гвардиола останат во Англија. Тие имаат и ресурси и силни фудбалери. Не мора да одите далеку на пример: истиот Ливерпул, освојувајќи ја титулата во 1990 година, веруваше дека наскоро повторно ќе станат шампиони, но на крајот мораше да почекаат 30 години. Дури и на Клоп му беа потребни 4,5 години да ја освои шампионската титула. Навистина е потребно многу време, нагласи Гигс. Манчестер јунајтед ја освои последната титула во Англија во сезоната 2012/13, кога легендарниот тренер на „црвените ѓаволи“, Алекс Фергусон ја одработи последната сезона во својата кариера.

Гигс препорача уште еден играч на Манчестер Јунајтед

Тале Кристо — Sun, 10 May 2020 15:04:43 +0000

Легендата на Манчестер Јунајтед, Рајан Гигс го советуваше клубот да земе уште еден играч што многу добро го познава – Џо Роден од Свонси, открива „Мирор“. Минатото лето, велшкиот тренер го препорача Даниел Џејмс, кој досега ги исполни очекувањата. Роден има 22 години и игра како централен дефанзивец. Тој е дете на Свонси и Гигс веќе му даде шанса да го направи своето тим деби за „змејовите“. Се споменува трансфер од 20 милиони фунти. Сепак, има информации за интерес за него и од ривалот Манчестер Сити.

Гигс со критики до Лукаку: Порано го имавме Кантона, а сега?

Ристе Здравков — Mon, 17 Dec 2018 15:46:08 +0000

Легендата на Манчестер Јунајтед Рајан Гигс изрази незадоволство од поразот на „црвените ѓаволи“ од Ливерпул со 3: 1 во големото дерби на Англија. Поранешниот капитен на тимот очигледно тешко го прифати поразот и упати остри критики кон напаѓачот на тимот, Ромелу Лукаку. – Кога не победуваш тимови како Вулверхемптон и Кристал Палас, тогаш ги прифаќаш критикитие и последиците. Во текот на годините, стандардите во Јунајтед се креваа постојано нагоре. Имавме уникатни играчи со кои сме се искачувале на врвот. Сегашните играчи нагло го симнаа ова ниво. Ги гледаме Лукаку и Погба на Светското во Русија, таму се најдобри. Кога ќе се вратат во своите тимови, не прават ништо. Едно време имавме напаѓачи како Кантона, кои можеа од еден лош пас да направат гол шанса. Сега имаме напаѓачи како Лукаку кои добиваат добра топка и ја претвораат во уште полоша, прокоментира Гигс.

Абортирала една недела пред венчавката: Ѕвездата на Манчестер ја изневерувал сопругата со сопругата на неговиот брат! (ФОТО)

Дарко Андоновски — Thu, 29 Nov 2018 08:51:29 +0000

На денешен ден во 1973-та година е роден англискиот фудбалер Рајан Гигс. Роден како Рајан Џозеф Вилсон, а подоцна го презел Гигс кое е моминско приземи на неговата мајка кое го присвоил како свое за време на професионалната кариера. За Манчестер Јунајтед дебитираше во 1991-та година, за тимот одигра 963 меча и постигна 168 голови и тој е фудбалерот со нај веќе одиграни мечеви за Манчестер на сите времиња. Но, сепак неговиот живот е поврзан со многу афери... Фудбалерот со години наназад е медиумска тема број 1 во многу англиски медиуми поради бројните скандали, а откако исплива аферата со учесничката на „Големиот брат“, медиумите открија уште една поголема афера. Имено тој осум години ја изневерувал сопругата Стејси со сопругата на неговиот брат Наташа и таа во 2011 година открила дека абортирала бебе токму од фудбалерот и тоа една недела пред венчавката со неговиот брат. Рајан во текот на врската со Наташа бил оженет со сопругата од која се разведе по неколку годишни парници. По овој скандал семејството се одрече од него, но неговиот брат му прости дури по четири години од аферата.

Гигс: Отпуштањето на Мурињо нема да промени ништо

Ристе Здравков — Mon, 26 Nov 2018 15:16:19 +0000

Поранешниот капитен на Манчестер Јунајтед, Рајан Гигс, кој на кусо ја извршуваше функцијата на менаџер на тимот, го поддржа Жозе Мурињо, по чие назначување Велшанецот го напушти „Олд Трафорд“. Според Гигс, Португалецот не треба да биде отпуштен, бидејќи тоа нема да промени ништо. Уште повеќе, тој на клубот му носи стабилност и затоа треба да биде поддржан, верува Гигс. – Не гледам како евентуална промена на менаџерот во овој момент би променила нешто. Секој знае колку успешен беше Мурињо во текот на годините. Мислам дека таква стабилност не сме имале со години, па затоа треба да го поддржиме. Резултатите сепак, исто така треба да се менуваат. Мислам дека имаме и менаџер и играчи кои ќе го сторат тоа, изјави селекторот на Велс. Тој смета дека Манчестер Сити и Ливерпул се постојани, а кога другите не се, разликата на табелата станува се поголема. – Кога разликата од градскиот ривал е толку големa, тоа не е добро. Поминаа само 13 кола, па така сега е време да се вратиме во игра. За да го направите ова, сепак, потребни се седум-осум меча без пораз. Ова се мали чекори за враќање на довербата, изјави Гигс.

Гигс: Мурињо треба да ја задржи својата работа

Ристе Здравков — Thu, 04 Oct 2018 14:03:51 +0000

Тренерот на репрезентацијата на Велс, Рајан Гигс изјави дека Манчестер Јунајтед не треба да го отпушта Жозе Мурињо, и покрај лошиот старт на сезоната во Премиер лигата.

„Црвените ѓаволи“ се во серија од 4 натпревари без победа во сите натпреварувања, а не е тајна дека Мурињо е во затегнати односи со дел од играчите. Дури поранешниот соиграч на Гигс во Јунајтед, Пол Сколс се објави јавно за отпуштање на Португалецот, но според легендарниот број 11, ова не треба да се случи.

- Верувам дека Мурињо треба да ја задржи својата работа. Во моментов тимот минува низ тешка фаза, но една смена сега го осудува клубот да се најде во истата положба по година или две. Проблемот во моментов е дека нема план за иднината. Во овој поглед моето мислење не е променето, рече Гигс.

Велшанецот ја помина целата своја кариера во Манчестер Јунајтед, а на крајот на сезоната 2013/14 за кратко ја извршуваше и функцијата на менаџер по разрешувањето на Дејвид Мојс.

Легендата на Јунајтед, Гигс нов селектор на Велс

Ивона Петрова — Mon, 15 Jan 2018 09:07:03 +0000

Легендарниот фудбалер на Манчестер Јунајтед, Рајан Гигс е нов селектор на репрезентацијата на Велс, пренесуват британските медиуми. Како што јавува Би-Би-Си, Фудбалскиот сојуз на Велс денес би требало да соопшти дека со поранешниот репрезентативец на Велс, Гигс ќе потпише четиригодишен договор. Гигс доаѓа на местото на Крис Колман кој во ноември ја напушти репрезентацијата и го презема Сандерленд. Од 1991 до 2007 Гигс одигра 64 натпревари за Велс и постигна 12 голови. Беше и капитен на репрезентацијата.