Рајко Дујмиќ – Kurir.mk

По смртта на Дујмиќ, прекинат спорот за името „Нови фосили“

Ивона Петрова — Thu, 20 Aug 2020 08:22:04 +0000

Судските инстанци во Загреб ја прекинаа постапката што ја започна неодамна починатиот Рајко Дујмиќ против тројца членови на „Нови фосили“ околу употреба на името на таа музичка група. Имено, Дујмиќ поднел тужба против Сања Долежал, Владимир Кочиш Зек и Маринко Колнаг, тврдејќи дека немаат право да го користат името „Нови фосили“ откако тој бил исфрлен од групата. Дујмиќ бил исклучен од групата во 2014 година, а другите членови продолжиле да настапуваат под тоа име. Еден од последните настапи им бил во февруари годинава. Дујмиќ почина на 4 август, како последица од сообраќајна несреќа. „Нови фосили“ е југословенска и хрватска група основана 1969 година. По распадот на СФРЈ, групата се расформирала, но потоа членовите во 2005 година ја возобновиле. Бендот денес сè уште постои, но без ниеден од првичните членови.

Семејството на Рајко Дујмиќ одлучи да ги донира неговите органи

Ивона Петрова — Wed, 05 Aug 2020 07:55:55 +0000

Хрватскиот композитор Ненад Нинчевиќ, еден од најблиските пријатели на починатиот музичар Рајко Дујмиќ, за хрватските медиуми изјави дека семејството Дујмиќ одлучило да ги дарува неговите органи. – Тешко ми беше сите овие денови. Рајко имаше добро срце и мека душа… Бевме пријатели 35 години и никогаш не сме се скарале. Тој беше апсолутен позитивец, но повремено се самоуништуваше и тоа беше негова единствена маана, изјави Нинчевиќ. Рајко Дујмиќ, долгогодишен предводник на екс-ју групата „Нови фосили“, почина вчера, како последица од сообраќајната несреќа во областа Равна Гора во централна Србија. Нинковиќ беше со семејството на Рајко по сообраќајната несреќа, и тој ќе им помогне при погребот, којшто треба да се случи следната недела во Загреб.

ТАЖНА ВЕСТ: Почина Рајко Дујмиќ од „Нови фосили“

Магдалена Андонова — Tue, 04 Aug 2020 13:02:52 +0000

Почина Рајко Дујмиќ (65) , фронтменот на некогашната многу позната група „Нови фосили“, објавуваат хрватските медиуми. Како што пишуваат порталите во Хрватска, тој ја загубил битката за живот по тешката сообраќајна несреќа која се случи минатата недела. По несреќата, тој имал тешки повреди на главата и бил во кома, приклучен на апарати.

Рајко од „Нови фосили“ со тешки повреди на главата завршил во болница (ДЕТАЛИ)

Ивана Ефремовски — Thu, 30 Jul 2020 06:21:12 +0000

Индекс.хр јавува дека се случила сообраќајна незгода во која учествувал Рајко Дујмиќ. Несреќата се случила попладнево во Стари Лаз. Полицискиот службеник за односи со јавност на Полицискиот оддел Приморје-Горски Котар, Свемирка Миошиќ, за Индекс потврдила дека се случила сообраќајната незгода, но таа не може да потврди кој е повреден. -Сообраќајната несреќа се случила околу 17:20 часот, во околината на Равна Гора во Стар Лаз. Автомобилот го управувал 65-годишен Хрват и тој слетал од патот, изјавила таа. Неофицијално потвдува дека Рајко од “Нови Фосили“ е повреден и дека брза помош го превела во Клиничка болница во Ријека. Таа исто така вели дека се здобил со сериозни повреди. -Според досегашните информации, веројатно има посериозни повреди, но ќе можеме да го потврдиме тоа по лекарски преглед, заклучи таа. На интензивна нега е и стабилен Како што дознава 24сата, Дујмиќ е на интензивна нега откако се здобил со тешки повреди на главата. Тој е во стабилна состојба. Откако излетал од патот, тој паднал од автомобилот.

Основачот на „Нови фосили“ заврши во затвор: Бил пијан и ја претепал сопругата

Ивана Ефремовски — Sat, 06 Jul 2019 11:26:37 +0000

Музичката ѕвезда Рајко Дујмиќ, основач на групата „Нови фосили“ е однесен во загрепскиот затвор Реметинец, откако пијан ја претепал сопругата. Ова не е прв пат Рајко Дујмиќ (64), кого постарата генерација го памети од настапите со музичката група „Нови фосили“ , пијан да ја тепа сопругата. Музичарот го пријавила сопругата во полиција откако била претепана. Дујмиќ вели дека не се сеќава на ништо зашто бил многу пијан. Истражниот судија му одреди мерка притвор поради опасност од повторување на делото. И во септември 2015-та година Дујмичќ заврши во Реметинец за претепување на сопругата под дејство на алкохол. Тогаш соседите повикале полиција. Сопругата тогаш изјавила дека му простила и по тоа живееле заедно. Тогаш судот го осудил на шест месеци затвор и две години условна казна, но по жалбената постапка, бил ослободен.