рајнер – Kurir.mk

Нов штрајк на пилотите во Rayanair приземји скоро 90 летови во Белгија

Ристе Здравков — Tue, 15 Aug 2023 07:26:50 +0000

Вкупно 88 летови на аеродромот Шарлероа во Белгија беа откажани денес и утре поради штрајкот на пилотите на Rayanair незадоволни од работните услови, што е нивниот трет штрајк за еден месец. Околу 15.000 патници кои треба да полетуваат и да слетаат во Шарлероа се погодени од ова социјално движење, соопшти управата на аеродромот за AFP. Пилотите на Rayanair со седиште во Белгија веќе штрајкуваа за време на викендот на 15 и 16 јуни (откажани 120 летови) и за време на викендот на 29 и 30 јули (96 откажани летови). На ирската авиокомпанија ѝ се замерува дека не го почитува колективниот договор според кој пилотите имаат право на одреден број на денови одмор во замена за намалувањето на платите на кое се согласија во 2020 година поради пандемијата на коронавирус. Синдикатот на пилотите ја обвинува компанијата дека не го почитува белгискиот закон и дека работи на начин што создава нелојална конкуренција во однос на другите компании. „Вработените се огорчени. Нашиот работодавец отворено вели дека нема да ги почитува законите и ни вели: Повлечете ги сите тужби, во спротивно ќе ви го продолжам работното време и нема да ги ускладам вашите плати со инфлацијата“, рече Дидје Леб, претставник на Синдикатот на вработените. Компанијата, сепак, посочува дека повеќе од половина од сообраќајот на Rayanair во Шарлероа го обезбедуваат авионите на кои работат небелгиски персонал. Синдикатите на белгиските пилоти треба да преговараат, а не да штрајкуваат, одговори Rayanair во јули, изразувајќи задоволство од договорот со нивните италијански, шпански и француски колеги за работни услови.

Познатата авиокомпанија Рајнер со голем финансиски пад – во 2021 со загуба до дури 950 милиони евра

Магдалена Андонова — Mon, 01 Feb 2021 18:03:37 +0000

Ирската авиокомпанија Рајнер денеска соопшти дека тековната фискална година ќе биде „најпредизвикувачка“ во нејзината 35-годишна историја и ќе има голем финансиски пад, бидејќи државите ги заоструваат ограничувањата за патувања со цел да се спречи ширењето на новиот вид на Ковид-19. Рајнер најверојатно ќе забележи нето загуба од 850 милиони евра до 950 милиони евра за фискалната 2021 година, која завршува во март. Компанијата соопшти дека во последниот квартл од 2020 година има нето загуба од 306 милиони евра, додека во истиот период во 2019 година имаше добивка од 88 милиони евра. Приходите на компанијата во последниот квратл од 2020 година се намалиле за 340 милиони ерва, додека во последните три месеци од 2019 година имала приход од 1,91 милијарди евра. – Ковид-19 продолжува да ја пустоши авиоиндустријата, Воздушниот сообраќај е сериозно погоден за време на божиќните и новогодишните празници поради забраната за патување на британските патници воведена кон крајот на декември, што резултираше со драстичен пад на бројот на патници до 83 проценти. Од октомври до крајот на декември 2020 година компанијата превезе само осум милиони патници, дури 78 проценти помалку во споредба со истиот период од 2019 година, се наведува во соопштението на Рајнер. (МИА)

Рајнер ќе го намали бројот на летови во септември и во октомври за 20 процетни

Магдалена Андонова — Mon, 17 Aug 2020 16:05:52 +0000

Ирската нискобуџетна авиокомпанија Рајнер ќе ги намали капацитетите за уште 20 проценти во септември и во октомври оради повторното воведување на некои ограничувања на патувањата, што доведе до значителен пад на однапред резервирање на билети во изминатите 10 дена. Авиокомпанијата наведе дека намалувањето на капацитетите ќе биде фокусирано на Франција, Шпанија, Исрка и Шведска, истакнувајќи оти тоа подразбира намалување на бројот на летови, а не затворање на рутите. Акциите на Рајнер, што изминатите недели го достигнаа највисокото ниво од почетокот на јуни, денеска забележаа пад од 4,4 проценти на 11,22 евра. (MИА)