рајо ваљекано – Kurir.mk

Реал Мадрид го потпиша првото засилување за наредната сезона

Бошко Тасиќ — Fri, 26 May 2023 04:31:37 +0000

Реал Мадрид успеа да слави во натпреварот со градскиот ривал Рајо Ваљекано со 2-1, но еден од главните „актери“ на теренот беше левиот бек на гостите Фран Гарсија. 23-годишниот лев бек игра феноменална сезона во дресот на малиот мадридски клуб и не случајно го привлече вниманието на многу големи клубови од цела Европа. Се претпоставуваше дека тој по истекот на сезоната ќе замине во Барселона, но тренерот на „кралевите“ Карло Анчелоти го најави неговото враќање во клубот каде што ја започна својата кариера. Дон Карло веднаш по натпреварот со Рајо изјави дека Гарсија „се враќа во своето јато“ и дека Реал Мадрид веќе го обезбедил потписот на талентираниот фудбалер

Димитриевски МВП на дуелот со Барселона

Ивона Петрова — Sun, 14 Aug 2022 08:47:16 +0000

Македонскиот репрезентативен голман Столе Димитриевски е прогласен за најкорисен играч на синоќешниот дуел што го имаше неговиот тим Рајо Ваљекано со Барселона. Димитриевски ја зачува „сува“ својата мрежа (0:0) и е најзаслужен за освоениот бод на Рајо на гостувањето на „Камп Ноу“. Со десетина одбрани Димитревски веќе трет натпревар по ред успева да не прими гол од шпанскиот фудбалски великан. Инаку, во текот на минатата сезона, токму Барселона пројавуваше интерес за да го потпише македонскиот чувар на мрежа.

Димитриевски: Среќни сме, имавме план – освоивме бод против Барселона

Бошко Тасиќ — Sun, 14 Aug 2022 06:44:24 +0000

Рајо Валјекано полека се претвора во фудбалска енигма за каталонскиот гигант Барселона, кој трет натпревар по ред не успеа да победи против малиот тим од шпанската престолнина. Главен виновник за тоа одново беше Столе Димитриевски кој беше наречен „ѕид“ од педантните статистичари на ОПТА, кои на јавноста и открија дека македонскиот репрезентативец имал десет успешни интервенции и не примил гол на трите последни средби со Барселона. Димитриевски по мечот нагласи дека овој освоен бод е уште позначаен. – Вистина е дека тука секогаш е многу тешко да не примите гол, направивме голема работа дефанзивно цел тим. На два меча на „Камп Ноу“ не примивме гол, тоа се 180 минути и е навистина неверојатно, – изјави Столе. – Секогаш го правам најдоброто, работам за тимот и среќен сум што им помогнав. Тешко е да се победи Барса, минатата година ја победивме тука, но сега со сите нови засилувања, успеавме да освоиме бод и тоа што не примивме гол има многу поголемо значење денеска. Ова е Ла Лига, ние сме Рајо Валејкано и знаеме дека треба да страдаме на вакви натпревари. Секогаш треба да се бориме и пред секој натпревар на соиграчите им велам дека треба да се забавуваме додека страдаме. На крајот го направивме тоа и заслугата е за сите што ја сочувавме мрежата. Среќни сме, имавме план и го остваривме, освоивме бод и среќни сме со тоа, – изјави херојот Димитриевски.

Столе Димитриевски во „топ 10“ најдобри одбрани во Ла Лига

Бошко Тасиќ — Sun, 12 Jun 2022 07:33:42 +0000

Македонскиот репрезентативен голман Столе Димитриевски ја имаше најдобрата сезона во Ла Лига, бранеше одлично во дресот на Рајо Ваљекано, а најде место и меѓу најдобрите десет одбрани вод шпанското првенство. Неговата одбрана од дуелот против Валенсија се најде на десеттата позиција на рангирањето на најдобрите реакции на голманите во Ла Лига.

Столе Димитриевски во идеaлниот тим од првата половина од сезоната во Примера (ФОТО)

Бошко Тасиќ — Fri, 07 Jan 2022 18:50:58 +0000

Македонскиот фудбалски репрезентативен голман доби уште едно признание. Тековната сезона е најдобра во клупската кариера на македонскиот голман, која му донесе место во иделниот тим од првиот дел од сезоната во Примера. Чуварот на мрежата на Рајо Ваљекано се најде во екипа заедно со Алеиш Видал (Еспањољ), Пау Торес (Виљареал ), Давид Гарсија (Осасуна) , Алеас Морена (Беетис), Хуами (Бетис), Бускетс (Барселона), Лемар (Атлетико), Бензема (Реал Мадрид) и Жерар Морено (Виљареал). Калкулациите се направени компјутерски, земајќи ја предвид секоја акција на играчот и неговото влијание врз постигнувањето или примањето гол на еден натпревар

Столе Димитриевски и неговиот Рајо до реми против Валенсија

Бошко Тасиќ — Sat, 27 Nov 2021 18:30:58 +0000

Македонскиот репрезентативен голман Столе Димитриевски имаше нов феноменален натпревар за неговиот Рајо Ваљекано, во ремито на гости кај Валенсија (1-1) во рамки на 15. коло од Примера Дивизија. Димитриевски го спаси својот тим од неуспех на гостувањето на славната „Местаља“. Најдобрата одбрана тој ја имаше во 68. минута, кога го спречи Солер да постигне гол за Валенсија и да ја врати предноста. Што се однесува до головите на натпреварот уште во 19. минута „лилјаците“ дојдоа до предност со голот на Солер, додека Рајо, кој и на овој меч беше без Радамел Фалкао кој е повреден, се избори за реми во 64. минута преку Палацон. Во 89. минута Рајо успеа да направи пресврт преку Андрес Мартин, но голот беше поништен поради офсајд. Рајо котира високо во Примера и е на петтото место, додека Валенсија е деветта и има три нерешени во серија.

Фалкао е блиску до продолжување на договорот со Рајо Ваљекано

Дарко Андоновски — Thu, 11 Nov 2021 08:05:08 +0000

Фудбалерот на Рајо Ваљекано, Радамел Фалкао е блиску до продолжување на договорот со клубот, објави „COPE“. Според шпанскиот медиум, во блиска иднина 35-годишниот Колумбиец треба да склучи договор до 2023 година. Актуелниот договор на фудбалерот е со важност до крајот на јуни 2022 година. Фалкао му се приклучи на Рајо Ваљекано во летото 2021 година. Во тековната сезона има постигнато пет гола во настапи.

Рајо Ваљекано се враќа во Примера

Матеја Петровски — Mon, 28 May 2018 08:06:52 +0000

Екипата на Рајо Ваљекано од следната сезона повторно ќе биде меѓу најдобрите шпански фудбалски екипи. Тимто од Мадрид синоќа на домашен терен го победи Луго со 1:0 и создаде недостижна предност во однос на конкурентите за влез во Ла Лига. Алекс Морено го постигна единствениот гол на натпреварот кој се покажа како одлучувачки и вреден пласман во елитата. На едно коло пред крајот на Сегунда, Рајо е лидер на табелата со недостижни пет бода во однос на трето пласираниот Спортинг Хихон. Претходно пласман меѓу прволигашите обезбеди Уеска, а третиот патник ќе се знае по одигрување на баражите. (Миа)