Рајшард Брукс – Kurir.mk

Полицаецот кој го уби Афроамериканецот Рајшард Брукс се соочува со смртна казна

Ивона Петрова — Thu, 18 Jun 2020 05:32:21 +0000

Јавен обвинител од Џорџија синоќа поднесе обвинение за убиство против отпуштениот полициски службеник кој го уби Афроамериканецот Рајшард Брукс. Смртта на 27-годишниот Брукс е уште еден удар врз девалвираната доверба кон полициската служба во САД за која многумина сметаат дека негува расистички предрасуди и употребува брутални акции против црномурестото население во земјата. Инцидентот се случи во саботата вечерта на паркинг пред ресторан за брза храна во Атланта. По повик од ресторанот, двајца полицајци контактирале со 27-годишниот Брукс, кој заспал во својот автомобил и го блокирал сообраќајот. Средбата ескалирала откако полицајците се обиделе да го задржат Брукс поради возење во алкохолизирана состојба. За време на апсењето, службеникот Гарет Ролф, белец, отворил оган кон Брукс кој почина на лице место. Аутопсијата извршена во неделата укажа дека причина за смртта е убиство „со истрелени два куршума в грб“, и „повреда на внатрешните органи и крварање“. Полицаецот се соочува со доживотна затворска казна или смртна казна. Вториот полицаец, кој учествувал во апсењето, соработува со истрагата и е привремено е отпуштен од службата. Си-Ен-Ен синоќа јави дека некои полицајци од Атланта не одговарале на повиците на службата како солидарност со своите колеги вклучени во случајот со убиството на Брукс.

Обвинител Хауард: До среда ќе има обвинение за убиството на Брукс од страна на полицаецот Ролф

Тале Кристо — Mon, 15 Jun 2020 09:04:26 +0000

Полицаецот од Атланта, Герет Ролф, кој е осомничен дека употребил огнено оружје при приведувањето на Афроамериканецот, Рајшард Брукс, е отпуштен од работа и може да биде обвинет за едно од три кривични дела – убиство, убиство со предумисла или убиство од небрежност, изјави Пол Хауард, обвинител на округот Фултон во државата Џорџија. Хаурад за Си-Ен-Ен изјави дека обвинението ќе зависи од тоа дали Ролф чувствувал непосредна смртна или физичка закана, па затоа ја донел одлуката да употреби огнено оружје или само го употребил за да го фати осомничениот или од некоја друга причина. -Доколку куршумот го испукал од која било друга причина, а не да го спаси сопствениот живот или да го спречи него или некој друг да биде повреден, тогаш употребата на огнено оружје е нелегална, рече Хауард. Тој најави дека во среда ќе ја донесе одлуката за обвинението во случајот на убиството на Рајшард Брукс.

Обдукцијата потврди дека Афроамериканецот во Атланта е убиен

Тале Кристо — Mon, 15 Jun 2020 07:28:23 +0000

Со обдукција е утврдено дека смртта на Афроамериканецот Рајшард Брукс, во кој пукаше полицаец во Атланта, е поради убиство предизвикано од повреди здобиени од огнено оружје во грб, соопшти одделот за патологија во округот Фултон. Како што се наведува, обдукцијата покажала дека 27-годишниот Брукс починал поради губење крв и повреда на внатрешните органи, предизвикана од два куршума. Како начин на смртта е наведено „убиство“. Брукс е убиен откако давал отпор при апсењето на паркинг пред еден ресторан за брза храна, каде спиел во автомобилот, кој им го блокирал патот на другите учесници во сообраќајот. При апсењето дошло до туркање и Брукс на еден од полицајците му го одземал електрошок-пиштолот, по што бил застрелан. Неговата смрт предизвика масовни протести низ улиците на Атланта, а ресторанот за брза храна, пред кој се случило убиството, е запален.