рак на дојка – Kurir.mk

НЕ ИЗДРЖА МАКЕДОНСКАТА ДОКТОРКА – почина од рак на дојката, зад себе остави две дечиња и сопруг (ФОТО)

Дарко Андоновски — Thu, 27 Jul 2023 11:05:16 +0000

Доктор Марија Бунда не ја издржа борбата со ракот на дојка, почина. Таа пред околу две години откри дека има рак на само 28 години и реши да ја сподели својата борба со јавноста. Редовно упатуваше апели до младите девојки и жени да си прават самопрегледи и да одат на редовни контроли. Своето лекување д-р Марија го продолжи во Англија кај својата мајка која е радиолог на дојки во Англија и ментор на спезијализанти од Кембриџ. Нека почива во мир!

Лила се огласи од болничкиот кревет: Кој би рекол дека животот ќе ми се подели на ПРЕД и ПОСЛЕ оваа фотографија!

Дарко Андоновски — Mon, 10 Apr 2023 08:49:27 +0000

Нашата најпозната водителка и инфлуенсерка Лила Филиповска пред некое време кончено обзнани дека во периодот од декември 2020-та се соочувала со патешествие. Имено, Лила, умешно криејќи од јавноста, се соочила со една од најподмолните бо лести на денешницава за што почна јавно да зборува во емисии. Овојпат Лила се огласи на Инстаграм со слика од болнички кревет каде напиша: „Кој би рекол дека животот ќе ми се дели на „пред” и “после” оваа слика! Слика направена половина час пред мојата петчасовна операција на ка нцер на дојка . Сосема спонтано направена од мојата другарка @annie_a_mark a сега сосема случајно пронајдена во мојот албум со слики . И да… оваа насмевка е искрена и многу зборува . Зборува за тоа дека воопшто не се плашев и не трао ризирав. Зборува за тоа дека едвај чекав да се случи и да го продолжам патот на излекување! Добро прочитавте: Не, патот на лекување туку на излекување. Зборува за мојата решеност да го издржам и ова патешествие не баре сум тргнала да снимам уште една од моите емисии! А денот студен, зимски ама сончев. Го сфатив тоа како добар знак. И беше !!! Без разлика на тоа што ноќта по операцијата бев во вистинска агонија, без разлика што прокле тникит пуштил пипци и по лимфните јазли под пазувите, и што имав закачено три дрена. Кога хирург како др Фатих Ајдован ќе ти каже дека ќе биде се во ред, едноставно знаеш дека треба да му веруваш. Имам уште многу да пишувам ама не се одеднаш. А пишувам само заради Вас кои ја биете истата би тка. Првиот чекор до победата е верувањето дека ќе победите! Без него нема да стигнете до вториот. Никој не вика дека ќе биде лесно ама не заборавајте: светот ги памти само победниците !!!“, стои во нејзиниот пост.

НОВ ПЕКОЛ ЗА ХОЛИВУДСКАТА АКТЕРКА – остана без здравствено осигурување поради бизарна причина додека ракот никако да го излечи! (ФОТО)

Дарко Андоновски — Fri, 17 Mar 2023 17:46:26 +0000

Актерката Шенон Доерти се прослави со улогата на Бренда во серијата „Беверли Хилс“, а подоцна имавме можност да ја гледаме како Пру во хит серијата „Волшебнички“. За жал, Шенон со години се бори со ракот на дојката, а сега на Инстаграм објави дека синдикатот на актерите SAG-AFRTA одбива да ѝ ги покрие медицинските трошоци бидејќи претходната година не заработила 26.470 долари, што е минимум за да се стекне со право на здравствено осигурување. „Јас сум љубопитна за таквите како мене кои работат од 10-годишна возраст и редовно плаќаат членарина во синдикатот, а кога не можеме да работиме поради болест, нашето здружение не напушта. Мислам дека можеме да работиме подобро за сите наши членови и мислам дека вие сте личноста која може да го направи тоа“, напиша таа, меѓу другото означувајќи ја нејзината колешка Фран Дрешер, кој е претседателка на споменатото здружение. „Животното осигурување не треба да се заснова на годишен приход. Тоа е доживотен придонес. Не е во ред тоа што јас и многу други кои плативме доживотно членство да бидеме оставени само затоа што не ги исполнуваме вашите сегашни критериуми“, заклучила актерката. За потсетување, на Шенон во 2015 година ѝ беше дијагностициран рак, по што ѝ беше извршена мастектомија, а исто така беше подложена на бројни третмани со хемотерапија и зрачење. Иако беше на ремисија, болеста ѝ се врати и таа редовно ги ажурира своите следбеници на Инстаграм за тоа како се чувствува.

СЕ ОПЕРИРАШЕ ОД РАК НА ДОЈКАТА, А СЕДУМ ДЕНА ПОТОА СЕ РАЗВЕДЕ – поранешниот на српската пејачка си нашол нова додека таа била на операција! (ФОТО)

Дарко Андоновски — Wed, 25 Jan 2023 16:49:03 +0000

Хариета Симиќ неодамна се оперирала од рак на дојката, а додека ги имала најголемите болки, пејачката вели дека и се јавил сопругот и рекол дека сака развод. Таа неодамна во медиумите раскажа за тешката судбина на ракот на дојката, а сега откри дека сопругот Владица ја оставил седум дена по операцијата. Како што вели, преку видео повик и ја соопштил желбата за развод. - Дадов многу жртви за Владица, дадов злато од неколку илјади евра за враќање на долговите. Ми даде и лекови, но... Не долго потоа повторно го продадов накитот за да може да ја плати киријата и да купи нов камион. Сега, седум дена по операцијата и ампутацијата на градите, ми се јави да ми каже дека не сака повеќе да биде со мене и дека нашол нова – изјавила Хариета за српски „Блиц“, додавајќи: -Ми рече да не му се јавувам повеќе и дека ќе се ожени со таа девојка. Ме остави во најтешкиот момент. Ме искористи и ме остави. Не можам да верувам што ми подготви, уште ме чекаат хемотерапија и зрачење, но нему не му е грижа. Пејачката истакнува дека поради него ја запоставила кариерата, а тој постојано ја понижувал. - Ја запоставив мојата пејачка кариера поради него и неговата љубомора. Не ме пушташе да гостувам во емисиите на кои ме покануваа, ниту пак ми дозволи да пејам, слушав се и три години ништо не работев. Постојано ме понижуваше и велеше дека сите пејачки се проститутки. Кога ќе се опоравам, ќе се посветам на снимање песни – заклучила пејачката.

ПЕКОЛНАТА БОЛЕСТ И СЕ ВРАЌА ТРЕТ ПАТ – овој пат на српската пејачка и го отстранија овој дел од телото, се надевам трајно ќе ја победам болеста! (ФОТО)

Дарко Андоновски — Thu, 15 Dec 2022 10:04:41 +0000

Победничката на музичкото шоу „Никогаш не е доцна“, Бојана Бајрактаревиќ по трет пат има рак на дојката. Пејачката која ја воодушеви публиката уште од самото свое појавување во јавноста, се прослави во музичкото шоу „Никогаш не е доцна“ каде освои дури три награди во минатото. Таа некое време се бори со пеколната болест, која дури два пати ја победила, пренесуваат српските медиуми. Пејачката во овие моменти го завршила и процесот на хемотерапија (операција за отстранување на дојката), а понекогаш ова значи и отстранување на други ткива кои се наоѓаат во близина на дојката, како што се лимфни чворови и слично. -Вистина е, по трет пат имам рак на дојката. Откако ми направија отстранување на дојката, сега следува циклус на зрачење, значи се е исто како и минатиот пат. Секако не се предавам, се борам и одам понатаму. Се надевам дека овој пат трајно ќе успеам да ја победам болеста и дека лекувањето ќе даде резултат, вели Бојана. Инаку таа во меѓувреме додека одеше на лекување имаше и свои настапи подеднакво како и кога беше здрава.

Владата воведе задолжителни здравствени прегледи и мобилен мамографски скриниг како дел од борбата со ракот на дојка

Дарко Андоновски — Tue, 18 Oct 2022 14:53:03 +0000

Владата одржа тематска седница посветена на борба со ракот на дојка, како дел од одбележувањето на октомври на светско ниво, како месец посветен на борбата со ракот на дојката. Донесените заклучоци се однесуваат на воведување задолжителни здравствени прегледи, како и обезбедување мобилен мамографски скрининг, соопшти владината прес-служба. Заклучено е да се задолжи Министерството за финансии да предвиди средства во Буџетот за 2023 година, за унапредување на превентивата во ова област, а утврдувањето на конкретната намена на средствата, да биде направено во соработка со Министерството за здравство. Исто така, задолжено е Министерството за труд и социјална политика, при измените во Законот за безбедност и здравје при работа и во подзаконските акти на законот, да предвиди задолжителен здравствен преглед во рамки на систематските прегледи, со цел внесување на превентивата во оваа област, како законска обврска. На владината седница присуствуваа претставнички од невладиното Здружение за иницијативи за развој во здравството, подобрување на здравствените услуги и застапување на пациентите ЕЗРА, кои посочија дека 90 проценти од сите карциноми на дојка може да бидат излекувани, односно дека навремената дијагностика и соодветниот третман, во најголем дел спасуваат животи. Во таа насока е нагласено значењето на отвореноста на Владата, преку конкретни чекори и политики да придонесе во подобрувањето на состојбите, информираа од владината Прес-служба.

Октомври посветен на борбата против рак на дојка- продолжува националната скрининг програма за рано откривање рак на дојка, се набавуваат нови мамографи за здравствени установи

Катерина Бојаџиева — Tue, 18 Oct 2022 09:32:07 +0000

Ракот на дојка е најчесто малигно заболување кај жените и месец октомври е посветен токму на борбата против ракот на дојка, неговата превенција и рано детектирање. Со цел навремена дијагностика и рано откривање на ова заболување, Министерството за здравство информира дека од 1 ноември продолжува националната скрининг програма за рано откривање на рак на дојка. Ова е посебно значајно за жените кога имаат знаци за промени во дојката или треба да направат контрола, и овие активности се иницирани за навремена дијагностика, односно жената да стигне на преглед навремено со цел откривање на ракот на дојка во раната фаза. Жените од возрасната група од 45 до 69 години ќе бидат опфатени во националната скрининг програма, кои не направиле мамографија последните две години, додека жените на возраст од 40 до 44, кои имаат член во семејството со рак на дојка и или друг дополнителен ризик фактор ќе имаат можност самоиницијативно да се пријават за скрининг мамографија на посебна страница за таа намена. Скрининг мамографијата е бесплатна за жените во програмата, партиципацијата ја покрива Министерството за здравство. Исто така, се иницирани промени во начинот на упатување и закажување преглед за мамографија, ехо и биопсија, каде ќе се овозможи на радиологот да ја упатува жената со цел да се намали времето и патот на жената од преглед до третман. Во завршна фаза е и склучувањето договори за набавка на нови најсовремени мамографи во соработка со Светска банка за јавните здравствени установи со што значително се доближува оваа здравствена услуга поблиску до местото на живеење и токму преку регионализација фокусот се става на навремената дијагностика и рана детекција на ова најчесто малигно заболување, информираат од МЗ.

Бесплатни прегледи за тетовските пензионерки по повод меѓународниот месец за борбата против рак на дојката

Ивона Петрова — Mon, 03 Oct 2022 12:52:53 +0000

Здружението на пензионери во Тетово преку Комисијата за здравство, организира бесплатни субспецијалистички ехо-прегледи во текот на октомври, по повод меѓународниот месец за борбата против рак на дојката. Прегледите се вршат во просториите на Здружението во Тетово во вторник, четврток и петок од 10 до 14 часот од страна на специјалист радиолог д-р Павле Спасеновски. -Со оглед дека октомври е меѓународниот месец за борбата против рак на дојката секој вторник, четврток и петок од 10 до 14 часот ќе има бесплатни прегледи, а пензионерите не треба да носат ни упат само треба добра волја да дојдат на прегледи да се јават тука. Резултатите се даваат веднаш, а ако има потреба за понатамошно третирање им даваме и рентген снимки, изјави д-р Спасеновски. Докторот потенцира дека превентива и честите прегледи се најдобар начин за брзо октривање на оваа болест. Со соодветен третман пациентката може да ги избегне трагичните последици. -За жал за рак на дојка, за малигнитетот, нема никакви симптоми, единствено е што треба да се најде тврда грутка во градите. Сепак треба да се прави и разлика, бидејќи секоја циста е тврда, а не секоја циста е значи и рак на дојката. Прв посериозен знак кој жените може да го препознаат е да се допира кожата на градите и ако станала како кора од портокал, тоа е знак дека нешто не е во ред и да се јават за преглед, изјави д-р Спасеновски. Тетовското пензионерско здружение има над 11 илјади членови.

Одбележување на месецот за борба против рак на дојка

Ивона Петрова — Fri, 22 Oct 2021 05:11:23 +0000

Здружението за борба против рак „БОРКА – За секој нов ден“ со виртуелна национална прес-конференција на тема „Справувањето со предизвиците во борбата со ракот на дојка“ денеска во Скопје ќе го одбележи Светскиот месец за борба против ракот на дојка. На онлајн конференцијата ќе се обратат министерот за здравство Венко Филипче, Драгана Могилевска – Груевска, Весна Рамљак, Нино Васев, Мери Пешевска и претседателката на здружението за борба против рак „БОРКА – За секој нов ден“ Биба Додева. Месецот за борба против рак на дојка ќе се одбалежи и во просториите на Рамстор Мол – Скопје каде ќе се обратат сопругата на претседателот, Елизабета Ѓоргиевска, генералната директорка на Рамстор Македонија, Даниела Адемоска и Биба Додева.

Кампања за борба против рак на дојка „Race for the Cure“ – „Напред розово“ во недела во Градскиот парк

Катерина Бојаџиева — Fri, 24 Sep 2021 13:36:08 +0000

Кампања за борба против рак на дојка „Race for the Cure“ – „Напред розово“ ќе се одржи на 26 септември (недела) во Градскиот парк кај Школка во Скопје, а во нејзиното одбележување ќе се приклучат и 16 градови. Настанот е во организација на Здружението „Борка–За секој нов ден“, во соработка со најголемата европска алијанса на пациентски здруженија „Think PinkEurope“. -Изминатава година и половина, Ковид-19 пандемијата предизвика сериозни застои кај третманот на сите останати болести. Сега, можеби повеќе од било кога потребна е нашата поддршка за сите оние кои се соочуваат со ракот на дојка. Нашата цел е да испратиме порака за важноста на раната дијагноза и поддршката на пациентите во време на корона вирусот како основен предуслов за победа над оваа болест, информираат од Здружението. Посочуваат дека пациентите од рак не смеат да бидат заборавени поради пандемијата и дека секој од нив заслужува персонализиран пристап на терапија, достапност на најсовремените иновативни лекови и навремена терапија, -Ве охрабруваме да ни се приклучите на нашиот настан и заеднички да чекориме во знак на поддршка за сите кои водат битка со ракот на дојка како и во чест на оние кои ја изгубија битката со оваа болест. Можете да се регистрирате на платформата hKps://www.raceforthecure.eu/mk/, да направите свој тим, да ги поканите Вашите пријатели и заедно да го обоиме светот во розово. Можете да направите компаниски тим и да ги поттикнете Вашите вработени да бидат дел од една хумана мисија, велат од Здружението.