рака – Kurir.mk

НА КОЈ ПРСТ ГО НОСИТЕ ПРСТЕНОТ? Открива каков е вашиот КАРАКТЕР!

Ристе Здравков — Wed, 21 Dec 2022 16:32:59 +0000

Во митологијата, мажот кој носи прстен на палецот обично се сметал за силен и богат, а носењето прстен на малиот прст е свесен избор за да испратите порака до оние околу вас дека сте различни. На показалецот Прстенот на показалецот најчесто го носат луѓе кои се ориентирани кон традицијата, а тоа го поддржува и фактот што на показалецот најчесто се носат семејни прстени или прстени од разни друштва и братства. Бидејќи показалецот е најзабележлив од сите прсти (често го користиме во разни гестови), луѓето често носат подебели прстени со шарени украси. На средниот прст Носењето прстен на овој прст покажува дека сте во склад со себе и се чувствувате удобно во многубројните улоги во животот. На овој прст најчесто се носат необични прстени, што е порака сама по себе. На домалиот прст Свадбениот и вереничкиот прстен најчесто се носат на домалиот прст, свршеничкиот на десната, а бурмите на левата рака. Прстенот често се поврзува со Месечината, убавината и креативноста, како и љубовта. Со оглед на тоа што металот на Месечината е сребро, изборот на сребрени прстени со романтични детали природно одговара на овој прст. На малиот прст Луѓето кои носат прстен на малиот прст свесно им испраќаат порака на оние околу нив дека се различни од другите. Прстен кој се прави и се носи на малиот прст на никаков начин не е поврзан со некоја култура или со некоја од светските религии, а на место кое е „екстремен“ дел од телото навистина привлекува внимание. Инаку, тоа е поврзано со длабока рефлексија и интелигенција.

ФОТО: Светот гледаше во раката на Морган Фримен на отворањето на Мундијалот, еве зошто актерот носеше ракавица

Ивона Петрова — Mon, 21 Nov 2022 07:07:20 +0000

Морган Фримен вчера учествуваше на церемонијата на отворањето на Светското првенство во Катар, а сите оние кои го следеа овој настан ја забележаа неговата ракавица на едната рака. Многумина се интересираа за причината за ова, а медиумите потсетија дека славниот актер во 2008 година доживеа сообраќајна несреќа, по што левата рака му остана парализирана. Оваа рака повеќе не е функционална, што значи дека е изложена на ризик од трајно отекување. За да се спречи оток, Фримен носи специјална ракавица за компресија. - Знаете ли дека вообичаено мрдаме со тупаници по милион пати на ден, ја коментираше еднаш актерот својата здравствена состојба кога новинарите го прашаа за тоа. Бидејќи сега тоа не е можно, неопходно е ракавицата да врши притисок за да се одржува протокот на крв и лимфниот проток во добра состојба. Ракавицата е дизајнирана во боја слична на неговата кожа, но сепак се забележува и тој тоа не го крие. Учеството на Фримен на свеченото отворање во Катар беше проследено со разни коментари.

Брз тест: Стиснете ја раката во тупаница и откријте каква личност сте

Ристе Здравков — Thu, 17 Feb 2022 08:04:04 +0000

Начинот на кој го правите ова ќе открие некои аспекти на вашата личност Постојат многу различни тестови во кои личноста на една личност е поврзана со одредени делови од телото – дланките, зглобовите, прстите, ноктите … Но, постои и друг начин на кој можеме да анализираме личност – врз основа на начинот на кој ја стискаме раката во тупаница. Начинот на кој го правите ова ќе открие некои аспекти на вашата личност. Предлагаме да го поминете овој едноставен, но многу вистински тест во кој ќе треба само да ја стиснете раката во тупаница и да изберете соодветна варијанта на одговор.

Test ličnosti: Kako stežete pesnicu? pic.twitter.com/s8h2SjhKxD
— FikoR (@FikoR87) February 8, 2021

1.Вие имате тенденција да им помагате на луѓето дури и кога тоа ви носи некои непријатности. Постојано барате нови знаења, искуства, исклучително сте енергични и малку нетрпеливи. Луѓето како вас се нарекуваат авантуристи и бестрашни, но во исто време, многумина од вас нема ни да помислат колку често ви е потребна заштита и помош. Признавањето и прифаќањето се од витално значење за вас, затоа што честопати се соочувате со луѓе кои ја користат вашата љубезност. Но, силното внатрешно јадро сè уште не ви дозволува да ризикувате и да се откажувате од луѓето. Вие продолжувате да ги чувате и заштитувате оние кои го искористуваат вашето благородништво, само станувате малку повнимателни. 2.Вие сте комуникативни, привлекувате различни луѓе. Пријателите ја сакаат вашата искреност и духовитост. Вие сте сигурни во себе, имате многу развиено чувство за самопочитување. Вие сте одличен лидер меѓу пријателите и добар лидер во бизнисот. Сепак, стравот од неуспех ве спречува да донесете смели одлуки, бидејќи неуспехот може да и наштети на вашата самодоверба. Често имате потреба од охрабрување и пофалби. Важно е да не престанете да верувате во себе, дури и ако друг не ви каже колку сте добри. Сосема е можно да сте меѓу луѓе кои се љубоморни на вашиот успех. 3.Вие сте остроумни и разговорливи, но малку срамежливи, што ве спречува целосно да ги искажете овие квалитети. Затоа многумина ве сметаат за тивка и некомуникативна личност. Прецизни сте и педантни, а понекогаш барате премногу од себе, што доведува до непотребна вознемиреност. Вие сте перцептивни, се обидувате да не ја нарушите вашата внатрешна хармонија. Луѓето до вас се многу пријатни. Понекогаш станува неподносливо тажно да се мисли дека не можете само да градите односи, лесно да се прилагодувате на новите тимови и да бидете душата на компанијата. Не го сфаќајте при срце, бидејќи доволно е да станете малку пофлексибилни и дружељубиви, а луѓето кои се плашеа да ви пристапат веднаш ќе го променат своето мислење за вас.

Што кажува начинот на кој се држите за рака со партнерот за вашата љубовна врска?

Ристе Здравков — Mon, 01 Nov 2021 14:37:11 +0000

Човечките односи се едни од најважните делови на животот. Без разлика дали станува збор за родители, партнери, деца или пријатели, нивниот квалитет често го одредува и квалитетот на вашиот живот. Со цел подобро да ја процените вашата врска, доволно е да обрнете внимание на малите нешта. На пример, на начинот на кој се држите за рака со партнерот или партнерката. Погледнете што различните видови држења за раце значат за вас и вашата врска…

Дланка со дланка – Ова е можеби еден од најчестите видови. Според експертите оној кој има навика да биде од горната страна ја има и доминантната позиција во врската.

Заплеткани прсти – Паровите кои ја сакаат оваа положба на рацете, сакаат и што е можно почесто да бидат близу едни до други. Тие се многу поврзани, како физички, така и емоционално. Тие немаат проблем со тоа, па затоа и лесно ја покажуваат својата ранливост на љубените.

Држење за неколку прсти – И двете личности се независни, кои имаат свои лични страсти и интереси надвор од односот. Тие уживаат во својата самостојност и важно им е да ја зачуваат својата слобода. Сепак, постои длабока поврзаност помеѓу нив.

Држење за прст – Станува збор за многу опуштена врска. Можеби таа не изгледа толку интимно, но сепак е многу романтична, а партнерите добро се познаваат помеѓу себе.

Преку рамена – Станува збор за многу близок однос. На овој начин контактот не се задржува само со рацете, туку се пренесува низ целото тело. Делува заштитнички, бидејќи со префрлањето на рацете преку рамена, се остава впечаток на заштита.

Пасивно држење за раце – Во овој случај едниот партнер одлучно ја зема раката на другиот, но кај другиот се чувствува пасивност. Нема потпирање еден на друг и сè делува недефинирано. Не постои наклонетост кон другиот и емоциите слабо доаѓаат до израз.

Дамско држење – Често се забележува на свадбите и во филмовите кога се прикажуваат кралски балови и повик за танц. Тоа е знак за здрава врска, полна почит, која е изградена на доверба и восхит.

Лесно држење за раце – Ова е можеби најсамоуверениот начин за држење раце. Покажува голема доверба помеѓу партнерите и многу стабилен однос. Иако ставот е многу опуштен, сепак е интимен и дава прилика да се приближите уште поблиску.

Држење за зглоб – Оваа позиција можеби изгледа агресивно, но всушност укажува на нешто сосема спротивно. Тука не се испреплетени само дланките, туку целата рака. Ставот е повеќе интимен и страстен.

Ве боли раката после вакцинација? Еве зошто

Магдалена Андонова — Mon, 10 May 2021 09:28:07 +0000

Болката во раката е типична нуспојава по вакцина против Ковид-19 и може да има чудни и збунувачки форми. Додека некои луѓе чувствуваат само болка, други имаат силна болка што се движи од раката надолу по страната на телото, болка што се движи кон рамењата или дури болка што се претвора во трнење во рацете. Постои прилично едноставно објаснување зошто луѓето чувствуваат болка на местото на инјектирање. Ешли З. Ритер, постдокторски соработник на Универзитетот во Пенсилванија и главен клинички директор на „Dear Pandemica“, вели дека тоа е чест несакан ефект на секоја вакцина. Инјектирањето на вакцината во мускулот на раката всушност го стимулира имунолошкиот систем. – Кога таа течност ќе влезе во мускулот, телото испраќа бели крвни зрнца и лимфна течност во таа област за да се изгради имунолошки одговор. Ова е токму она што сакаме да се случи, но може да биде малку непријатно. Болката што ја чувствувате е резултат на активност што се случува во вашето тело, објасни Ритер. Зголемената количина на течност во лимфните јазли во близина на местото на инјектирање често предизвикува болка во мускулите, а понекогаш и под пазувите или градите. Отечен лимфен јазол може да се појави на мамографија, па експертите препорачуваат ваков преглед да се избегнува некое време по примање вакцина. Кога имунолошкиот одговор и оток ќе се повлечат, болката ќе исчезне за неколку часа до неколку дена. Ако болката е многу силна, д-р Шерил Решинос предлага да се чека 12 часа за телото да развие целосен имунолошки одговор, а потоа да се земаат лекови против болки, препорачани од лекар. Ако симптомите значително влијаат на способноста за функционирање и ако се надвор од опсегот на очекуваните несакани ефекти, секако треба да контактирате со лекар, советува Ритер. (МИА)

Пишувате со лева или со десна рака? Оваа ситница одредува 3 клучни особини за вас!

Ивана Ефремовски — Thu, 29 Oct 2020 13:08:03 +0000

Дали пишувате со лева или десна рака, за експертите е важен податок, бидејќи врз основа на тоа може да одредат три важни особини за вас. Прочитајте во продолжение за што станува збор… Кој заработува повеќе? Научници при Универзитетот Харвард во 2014 година спровеле истражување кое покажало дека раката со која пишувате создава големи разлики на финансиско поле. Луѓето што пишуваат со лева рака годишно заработуваат од 10 до 20 проценти помалку од оние кои што пишуваат со десна рака. Кој е физички поспремен? Споменатите резултати во заработката за оние кои што пишуваат со лева рака може да се исправат доколку тие се занимаваат со некој спорт, бидејќи тие се понадарени за тоа. Леваците се особено талентирани за тенис, бокс и бејзбол. Занимливо е тоа што Рафаел Надал пишува со десна рака, но неговиот тренер и роднина Тони Надал од мал го научил да игра со лева рака, бидејќи знаел дека ова е исклучително важно за овој спорт. Кој е поимпулсивен? Личностите кои пишуваат со десна, односно лева рака, се разликуваат и на полето на самокритиката. Првата група многу помалку размислува за грешките и многу повеќе е импулсивна. Другата група на луѓе е многу самокритична и секогаш ги преиспитува своите постапки.

Додека нуркале во Црвено Море, ги нападнала ајкула – 12 годишно дете остана без рака

Магдалена Андонова — Wed, 28 Oct 2020 08:34:01 +0000

Малолетно момче турист од Украина ја загуби раката, а туристичкиот водич ја загуби ногата во редок напад на ајкула во близина на одморалиште Шарм Ел Шеик, во Египет, на Црвеното Море, објавија тамошните власти. Нападот се случил викендов, кога двајца туристи, мајка и син и нивниот туристички водич, нуркале во Националниот морски парк „Рас Мохамед“, се наведува во соопштението на Министерството за животна средина. Повредените биле пренесени во блиската болница, а првичната истрага покажала дека луѓето биле нападнати од океанска белоперка, долга два метра. Во соопштение на украинската Државна агенција за туризам се вели дека 12-годишното дете потоа било на интензивна нега и дека лекарите со операција не успеале да му ја спасат раката. Египетските власти пак, соопштија дека семејниот водич ја загубил ногата, а мајката претрпела полесни повреди. Официјални лица ја затворија областа на Националниот парк каде што се случил нападот. (МИА)

ФОТО: 22 годишната Јулија си ја отсекла раката за да добие осигурување

Магдалена Андонова — Tue, 08 Sep 2020 11:02:29 +0000

Во Словенија во тек е судењето на 22-годишната Јулија Адлешиќ, која е обвинета за намерно отсекување на шаката поради пари од осигурувањето. Несреќата се случила на почетокот на 2019 година откако со кружна пила си ја отсекла шаката. Таа пред судот во Љубљана пред неколку дена изјави дека не сторила ништо намерно и дека досега немала никакви проблеми со законот освен возење без појас. -Никој не сака да стане инвалид. Ако можам, би го вратила времето и дури не би се доближила до таа пила, рекла таа пред судот. Таа побара од судијата да ја ослободи од домашен притвор, пишува 24ур. -Мојата младост е уништена. Ја изгубив раката на 20 години и само јас знам како ми е, рече таа. Девојката ја изгубила раката на 4 јануари 2019 година. Неколку дена по несреќата, таа побара плаќање на осигурувањето, но била обвинета за измама. Освен неа, осомничени се и нејзиното 30-годишно момче Себастијан Абрамов и неговите родители, во чиј двор се случила несреќата. Обвинителството тврди дека тие сè испланирале уште во 2018 година и дека потоа склучиле договор за осигурување со неколку осигурителни компании. Во овој случај, поради попреченост, Јулија требало да добие над еден милион евра, од кои дел ќе добиела веднаш, а дел во форма на постојан месечен приход. Исто така, обвинителството тврди дека нејзиното момче пребарувало на Интернет пред несреќата за вештачка, биомеханичка рака, што одговара на тезата дека сè било испланирано. Таткото на Себастијан прв истрчал на местото на несреќата и повикал брза помош, но тој ја оставил исечената шака на местото на несреќата. Полицијата подоцна го однела отсечениот екстремитет во болница, каде лекарите хируршки го зашиле, спасувајќи ја девојката од трајна попреченост. Нејзиниот адвокат сега е на судење, тврдејќи дека неговиот клиент може да го напушти домашниот притвор, бидејќи нема шанси таа да го повтори делото за кое се товари. "Ако го сторила тоа, не може повеќе. Првенствено заради новинарите и цела Словенија што ја познава", рече нејзиниот адвокат Борис Гробелник. Но, судот не се согласува. Полицијата го гледа нејзиното момче Себастијан Абрамов како еден од главните виновници, кому му се суди за убиството на девојката Сара Вебер во 2015 година. Тој тврдел дека се работи за несреќен случај при чистење на пушката. Обвинителот бара четири и пол години затвор за неа и пет години за нејзиното момче. Се бара и казна од четири години за неговата мајка и една година за неговиот татко.

Турската артилерија гранатирала четири населби во близина на сирискиот град Рака

Магдалена Андонова — Mon, 06 Jul 2020 15:39:12 +0000

Турската артилерија гранатирала четири населби во близина на сирискиот град Рака, соопшти денеска курдскиот ТВ канал Рудав. Според извештај на телевизијата, турските вооружени сили гранатирале четири села северозападно од Рака, пренесе Тасс. Нема информации за евентуални жртви. Во гранатирањето, според телевизијата, бил уништен ресторан што се наоѓа на автопатот М-4, меѓу Алепо и Латакија. Од средината на март, Русија и Турција заеднички патролираат на автопатот М-4 со намера да воспостават безбедносен коридор долж рутата. (MИА)

Измерете со рака: Колку треба да јадете за да не се здебелите

Катерина Бојаџиева — Fri, 22 Mar 2019 17:38:03 +0000

Експерти од Сиднејскиот универзитет ја открија формулата за количеството на храна што ни е потребна, а која воедно нема да ги зголеми нашите килограми. Тие препорачуваат храната да ја мериме користејќи ја нашата рака. - Не постои совршен начин на мерење на количеството храна која ни е потребна, па сакавме да изнајдеме подобар начин, изјави нутриционистката Алис Гибсон која е дел од тимот истражувачи. Според нив, формулата гласи: една половина од ширината помножено со дебелината на дланката на раката, па сето тоа помножено со должината.