ракавици – Kurir.mk

ФОТО: Ракавиците на Буфон одат на продажба, парите наменети за Турција

Ивона Петрова — Mon, 13 Feb 2023 15:13:52 +0000

Ракавиците на италијанскиот голман Џанлуиџи Буфон се продааваат за помош на жртвите од земјотресот во Турција во понеделникот. Дефанзивецот на Аталанта, Мерих Демирал на Твитер објави дека ги ставил на аукција потпишаните ракавици на 45-годишниот Буфон, така што целиот приход од продажбата ќе биде дониран на турската невладина организација Ахбап.

Son adam @gianluigibuffon
Tarihin en iyisi Gianluigi Buffon imzalı eldivenleri ile destek oluyor. Efsane'nin eldivenlerini açık artırmayla satışa çıkarıyoruz. Gelir deprem bölgesinde kullanılmak üzere @ahbap 'a bağışlanacaktır. Katkıları için Deniz Agnelli'ye çok teşekkürler. pic.twitter.com/93GPWk9dgb — Merih Demiral (@Merihdemiral) February 13, 2023

Буфон најголемиот дел од кариерата го помина во Јувентус за да освои 10 титули во Италија во Серија А. Тој сега игра за неговиот клуб од детството Парма во Италија. Поранешниот голман на Јувентус и Пари Сен Жермен и помогна на Италија да го освои Светското првенство во фудбал во 2006 година.

Светски познат инфектолог открива: Дали ракавиците нè штитат од корона вирусот?

Магдалена Андонова — Sat, 01 Aug 2020 07:36:10 +0000

Др Алисон Бартлет, специјалист за заразни болести на Универзитетот во Чикаго, изјавила дека ракавиците не се ништо друго освен лажно чувство на сигурност. Иако СЗО предупредува дека редовното миење на раце е најдобар начин да се запре ширењето на вирусот, многу луѓе почнаа да носат и ракавици сметајќи дека така ќе го намалат ризикот од пренесување. Меѓутоа, др Бартлет смета дека тоа е бесмислено затоа што вирусот може да преживее и на ракавици, ако со нив допирате валкани површини. Таа додава дека посебно е опасно вадењето на ракавици затоа што додека се вади ракавицата од едната рака, слободна рака може лесно да ја допре другата ракавица. Од друга страна, др Бартлет истакнува дека употребата на ракавици од страна на пошироката јавност би можело да доведе до преголемо трошење на залихите за лекарите. И СЗО, но и многу други Центари за контрола и превенција на болести, предупредуваат дека ракавиците „не штитат нужно од корона вирусот и можат да доведат до ширење на вирусот“.

МЗЗПР со донација од маски и ракавици за Испекцискиот совет

Тале Кристо — Sat, 25 Apr 2020 15:04:09 +0000

Грижата за здравјето на секој човек во огромна мера се огледа преку почитувањето на стандардите за безбедност и здравје при вршење на работните активности. Токму затоа, обврска и поширок национален интерес е заштитата на инспекциските службеници од сите потенцијални ризици при вршењето на нивните тековни обврски – ова беше заеднички констатирано од страна на претседателката на Инспекцискиот совет, Магдалена Филиповска-Грашкоска и претседателот на Македонското здружение за заштита при работа, Милан Петковски. За таа цел, земајќи ја во предвид вонредната состојба со цел превенција од ширење на корона вирусот, Македонското здружение за заштита при работа (МЗЗПР) и нејзините членки,следбено на остварената комуникација и потврда за потребата на лична заштитна опрема, на Инспекцискиот совет донира лична заштитна опрема во висина од 183.600 денари која се состои од: -1.700 маски за повеќекратна употреба изработени од материјал кој се употребува во здравство, испитан по стандард MKC F.C2.401; -1.700 ракавици плетени од полиамед обложени со полиуретан Претседателката на Инспекцискиот совет, Магдалена Филиповска-Грашкоска, за време на примопредавањето на заштитната опрема, ја истакна важноста од оваа донација која директно придонесува за подобрување на БЗР стандардите во институцијата. -Вложуваме огромни напори, но првенствено сакаме преку личен пример да покажеме дека законите важат за сите, а заштитата на здравјето на луѓето секогаш е наш врвен приоритет. Инспекциските служби се секојдневно на терен и се најдиректно изложени на ризикот поврзан со коронавирусот. Како институција и како Влада правиме сè што е во наша моќ за да го заштитиме нивното здравје. Би сакала да искажам голема благодарност до МЗЗПР кои ја препознаа оваа наша потреба и со донацијата директно придонесуваат во реализацијата на заложбата на Советот, посочи Филиповска-Грашкоска. Претседателот на МЗЗПР, Милан Петковски ја истакна важноста на превентивната улога на БЗР и изрази уверување дека ваквиот потег ќе претставува дополнителен поттик за сите општествено одговорни организации со цел дополнителна поддршка и заштита на сите работници во земјата. -Предавањето на донацијата е уште една потврда дека Македонското здружение за заштита при работа се залага да ги оствари своите цели, односно активно делува на полето на безбедноста и здравјето при работа. Очекувам дека оваа симболична, но важна донација која значи зачувување на здравјето на луѓето и потенцијално спасување на човечки животи, ќе биде поттик и мотивација за други здруженија, поединци и општествено одговорни компании кои на сличен начин ќе дадат поддршка на оние кои катадневно се наоѓаат на првите линии, непосредно изложувајќи се на ризикот од Ковид-19. Наша заедничка обврска е да направиме сè и да ги заштитиме на нивните работни места!, истакна Петковски.

Поради овие грешки медицинските ракавици не ве штитат од коронавирусот

Ивана Ефремовски — Wed, 15 Apr 2020 10:56:55 +0000

Носењето на маските и ракавиците може да го намали ризикот од коронавирус и неговото пренесување, но само ако тоа го правите правилно. Ако ги правите овие 7 грешки при носење на заштитните ракавици, тогаш попаметно е да прекинете со оваа навика. -Погрешно ги вадите Откако ќе ја извадите едната ракавица, со „голата рака“ не смее да ја допрете другата. Наместо тоа, треба да ги протнете прстите во внатрешноста и така да ја извлечете додека не ја извадите. -Носите ракавици и го допирате лицето Во оваа ситуација ракавиците ја губат поентата, бидејќи од нив ги пренесувате бактериите на лицето. -Не ги миете рацете пред да ги ставите ракавиците Понекогаш луѓето забораваат дека и пред да ги стават ракавиците мора да ги измијат рацете, исто како и по нивното вадење. -Ги перете ракавиците Заштитните ракавици се направени од материјал кој лесно се оштетува при допир со тешки хемикалии. -Истиот пар на ракавици го носите повеќепати Не џабе се викаат ракавици за една употреба. -Го допирате телефонот Избегнувајте допирање на телефонот кога носите заштитни ракавици, бидејќи потоа истиот ќе го допрете со голи раце. Сите површини кои ќе ги допрете додека носите ракавици, задолжително дезинфицирајте и пребришете ги. -Користите средства за дезинфекција со ракавиците Нанесувањето на дезинфекциски средства врз ракавиците исто така може да ги оштети.

Mиењето раце е подобра превентивна мерка за инфекција отколку носење ракавици за еднократна употреба

Ивона Петрова — Wed, 15 Apr 2020 08:52:23 +0000

Ракавиците може да дадат погрешно чувство на сигурност, затоа, миењето раце е подобра превентивна мерка за инфекција отколку носењето на ракавици за еднократна употреба, се наведува во заедничкиот водич за Ковид-19 и безбедноста на храната кој го подготвија Светската здравствена организација (СЗО) и Организација за земјоделство и храна (ФАО), а е наменет за компаниите кои работат со храна, производство и промет на храна. Во водичот се посочува дека работниците во тие компании може да користат ракавици за еднократна употреба, но мора често да ги менуваат. – Тие не се замена за мењето раце кое треба да го прават при секоја промена на ракавиците. Миењето раце е неопходно и кога отвораат или затвораат врати, кога ги празнат корпите за отпадоци, се посочува во водичот. Се истакнува дека ракавиците за еднократна употреба не треба да се користат како замена за миење раце. – Вирусот Ковид-19 може да ги загади ракавиците за еднократна употреба на ист начин како што опстанува и на рацете на работниците. Отстранувањето на ракавиците за еднократна употреба може да доведе до загадување на рацете со вирусот. Носењето ракавици за еднократна употреба може да даде погрешно чувство на сигурност и може да резултира со недоволно често миење на рацете на персоналот, пишува во водичот.

ВИДЕО: Медицинска сестра демонстрира како ракавиците не ве штитат во супермаркет

Дарко Андоновски — Mon, 13 Apr 2020 18:11:10 +0000

Медицинска сестра Моли од Мичиген сними видео во кое демонстрира колку лесно се пренесуваат бактериите и вирусите во супермаркет дури и кога носите ракавици и мислите дека со тоа сте заштитени. „Бев во супермаркет утринава и видов колку многу луѓе неправилно ги користат нивните ракавици, па штом стигнав дома земав малку боја за да ви објаснам што се случува“, вели Моли. Видеото на Моли е доказ колку брзо заштитните ракавици се контаминираат и како бактериите и вирусите од нив се пренесуваат на нашиот телефон, па од површина до површина повторно стигнуваат до нас. Таа порачува дека секој треба да биде свесен за ова и да запомни дека најдобриот начин за заштита е редовното миење на рацете со сапун. Доколку користите ракавици, користете ги еднократно и не допирајте ништо друго со нив, а веднаш откако ќе завршите со нив, фрлете ги. Објаснувањето на Моли: https://www.facebook.com/molly.mckillop/posts/10100252201513636 Извор: ЦрноБело

Хирург објаснува: Зошто не треба да носите ракавици во супермаркет?

Ивана Ефремовски — Thu, 09 Apr 2020 17:51:11 +0000

Каран Рагарајан кој работи како хирург во британската Национална здравствена служба објаснил зошто носењето ракавици наместо редовното миење на рацете може да доведе до поголем ризик. “Носите ракавици, во супермаркет сте, допирате работи – еве ги...микроби”, вели докторот во видеото. -Во текот на денот со истите ракавици допирате уште повеќе работи. Собирате микроби. На вашите ракавици сега има повеќе микроби отколку што би имало доколку ги миете рацете секој пат, истакнал Рагарајан додавајќи дека со истите ракавици го допирате воланот, но и нив кога ги менувате. “Само мијте ги рацете, бидете разумни, останете безбедни”.

Нема да се плаќа царина за средства за дезинфекција, заштитни маски, ракавици,…

Ивона Петрова — Mon, 23 Mar 2020 11:34:25 +0000

Владата на предлог на Министерството за економија и на Царинската управа ќе донесе одлука за автономни мерки за ослободување од плаќање на царина на суровини и материјали и опрема за медицински цели. Од плаќање царина ќе бидат ослободени средства за дезинфекција, заштитни маски и ракавици, заштитни очила, медицинска опрема, најави денеска директорот на Царинската управа Ѓоко Танасоски. Во рамки на ЦЕФТА, укажа, заедно Транспортниот секретаријат на ЕУ и Европската комисија се договораат протоколи за лесно и безбедно движење на стоките. – Договорено е воведување на размена на информации пред пристигнување и соодветно зелен и син канал за побрз проток на определни стоки и оелснување на транспорт. Во таа насока до среда треба бидат договорени списоците на стоки што ќе се движат преку зелен и син приоритетен канал. Преку системот СЕЕД за размена на податоци ќе се разменуваат информации за итни пратки што треба да имаат приоритет, рече Танасоски на заедничка прес-конференција со министерот з атранспорт и врски Горан Сугарески. Според Танасоски, и во тек на полицискиот час, што е во сила од вчера, движењето на стоката продолжува непречено да се спроведува. Со тоа и присуството на Царинската управа ќе биде 24 часа на царински испостави каде е предвидено вакво работно време, а на останатите царински испостави во рамки на работно време. Царинските службеници ќе дадат поддршка за непречено спроведување на царинските постапки, во новонастаната состојба, рече Танасоски. Како што појасни, за времетрање на полицискиот час дозволено е движење на транспортни средства во рамки на тразнитна постапка со транзитен придружен документ Т1, извоз на стоки со извозен придружен документ EXMK, како и зедничко извозно транзитна постапка. Превозниците кои се движат во рамките на поедноставена постапка во транзит (овластен примач) и поедноставена постапка, локално царинење при увоз не смеат во никој случај да ја напуштат одобрената локација за времетрање на полицискиот час. Тоа ослободување од ограничување важи за царинските испостави: Табановце, Блаце, Деве Баир, Ќафасан, Делчево, Ново Село, Богородица и Меџитлија. Во случај на контрола од страна на припадниците на МВР за правилна примена на ова ослободување за сите нејаснотии ќе го контактира дежурниот оперативен центар на Царинска управа на 197. Царинската управа, по почетокот на пандемијата Ковид 19 по службена должност ги продолжи роковите на важење на одобренија за поедноставени царински постапки, со што, потенцираше Танасоски, компаниите треба да бидат сигурни дека и понатаму можат да ги користат постапките на локално царинење на извоз и увоз. Постапката за целосно бесхартиено извозно царинење што почна во дел од испоставите минатата недела, треба да се прошири и во сите царински испостави. Како што најави Танасоски, Царинската управа по службена должност ќе го продолжи и рокот на важење на банкарските гаранции кои истекуваат до 30 јуни. Царинската управа заедно со Државниот инспекторат за санитарно здравство и МАКАМТРАНС и АМЕРИТ ги координираше активностите за издавање на потврди на превозниците за придржување кон мерките за контрола и санитација и истовремено за олеснување на движењето на стоки. Како што најави претходно Сугарски, од утре секој транспортер што ќе врши транспорт надвор од границите на државата ќе мора да извади дозвола од Државниот санитарени здравствен инспекторат.

Две причини ќе ви ја разјаснат нејзината порака : Еве зошто Меган Маркл секогаш ги држи ракавиците наместо да ги облече на себе (ФОТО)

Дарко Андоновски — Tue, 05 Feb 2019 13:19:20 +0000

Кралската традиција со години наназад наложува носење на ракавици како моден детаљ кој естетски изгледа убаво. Последна во низа која го прифати овој детаљ е Меган Маркл која ретко може да се види со ракавици на себе, отколку повеќе како ги држи во рака. Сето тоа има и причина, а новинарката Елизабет Холмес вели дека постојат две причини поради кои Меган сака да ги испрати во јавноста. Едната е естетска- ракавиците го подигнуваат нејзиниот убав изглед и кралски имиџ, додека втората е тоа дека со не носењето на ракавиците на себе таа сака да покаже дека сака да се поврзе со јавноста и да биде дел од неа. -Мислам дека постои нешто со допирот на кожата, кога се ракувате со некој и кога за време на тоа можете да му ја допрете кожата тоа е многу интимно. Меган е добра во поврзувањето со јавноста, таа отвореност кон народот и интимност е нејзин кралски белег и бренд, вели новинарката Хомлес.