ракети – Kurir.mk

Хамас тврди дека истрелал 12 ракети од Либан кон северен израелски град

Тале Кристо — Thu, 02 Nov 2023 18:49:13 +0000

Военото крило на палестинскиот екстремистички Хамас денеска соопшти дека истрелало 12 ракети од Либан кон градот Кирјат Шмона на северот на Израел. Бригадите „Изадин ал Касам“ во соопштение наведоа дека ракетниот напад е одмазда за „масакрите на окупаторите“ врз палестинскиот народ во Газа. Израелските медиуми јавија дека најмалку една ракета паднала во трговскиот дел на градот и дека две лица се ранети, од кои едно од шрапнели, а автомобили и продавница биле тешко оштетени. Поголемиот дел од градот неодамна беше евакуиран поради постојаните напади на Хезболах и сојузничките палестински екстремистички организации во Либан. Израел изврши воздушни напади во пограничната област. Во тек е голема ескалација на конфликтот долж границата бидејќи Хезболах нападна позиција на израелската армија со два самоубиствени дронови.

Ракети истрелани кон Тел Авив, се огласија сирените за воздушен напад

Катерина Бојаџиева — Thu, 26 Oct 2023 11:57:45 +0000

Сирените за воздушен напад денеска се огласија во Тел Авив, откако врз градот беа истрелани низа ракети. Сирените се огласија и во Холон, Ришон Лезион и околните области. Жителите известуваат за експлозии кои најверојатно се резултат на израелскиот одбранбен систем „Железна купола“, пишува Тајмс оф Израел. Засега нема информации за повредени.

Истрелани ракети од Либан кон Израел, нема повреди

Катерина Бојаџиева — Mon, 09 Oct 2023 20:38:14 +0000

Израелските одбранбени сили соопштија дека голем број ракети биле истрелани од Либан кон Израел. Војската соопшти дека нема повредени во последниот напад на северната граница, по размената на оган со вооружени лица претходно денеска. Ниту една сирена не се огласи во градовите на границата. ИДФ соопшти дека наскоро ќе обезбеди повеќе информации за ракетниот напад.

ВИДЕО: „Железната купола“ функционира, ги одбива сите ракети од Газа тврди Израел

Ристе Здравков — Mon, 09 Oct 2023 12:59:52 +0000

Системот „Железна купола“ фнкционира и ги одбива ракетите од Газа со 100-процентна прецизност објавуваат Израелците. На социјалните мрежи се објавени видеа од тоа како функционира системот.

BREAKING: Unbelievable footage captures Israel's Iron Dome as it intercepts rockets fired from Gaza strip with 100% accuracy. #Hamas #Palestine #Palestinian #TelAviv #GazaUnderAttack #IsraelPalestineWar #IStandWithIsrael pic.twitter.com/U0eyds3S9q
— War Stalker 🔎 (@SDFronttwit) October 9, 2023

Ноќеска продолжија ракетирањата на Хамас од Газа кон Израел. Нападнат беше повторно и Тел Авив.

ВИДЕО: Бруталната одмазда која ја најави Израел започна, „дожд“ од ракети испалени кон Газа

Ристе Здравков — Mon, 09 Oct 2023 07:38:15 +0000

Повеќе од 500 цели на Хамас и Исламски џихад во Појасот Газа беа погодени во текот на ноќта, соопштија израелските воздухопловни сили (ИАФ). ИАФ вели дека целите биле ангажирани од борбени авиони и хеликоптери, авиони и артилерија.

Another airstrike in the area! #Gaza pic.twitter.com/zkHAPE4Aib
— Muhammad Smiry 🇵🇸 (@MuhammadSmiry) October 9, 2023

Се наведува дека биле погодени и седум командни центри на Хамас и команден центар на Исламски џихад. Палестинските здравствени власти соопштија дека 413 лица се убиени во Газа од почетокот на израелските воздушни напади.

Над 3.200 ракети испукани врз Израел од Газа, соопшти израелската армија

Ивона Петрова — Sun, 08 Oct 2023 19:35:03 +0000

Палестинските милитанти испукаа повеќе од 3.200 ракети од Појасот Газа врз Израел за време на нивната голема офанзива, соопшти израелската војска. Од саботата наутро биле испукани 3.255 ракети, изјави денеска портпаролот на израелските одбранбени сили (ИДФ). Додека Хамас ги започна ракетните напади од Газа во саботата наутро, вооружени Палестинци напредуваа во Израел по копно, море, па дури и воздух, по што почнаа израелски контранапади. Борбите и гранатирањето продолжија деенска. Хамас е класифициран како терористичка организација од ЕУ, САД и Израел.

Франција ќе и испорача на Украина ракети со долг дострел

Тале Кристо — Tue, 11 Jul 2023 11:42:43 +0000

Франција одлучи да и достави на Украина ракети со долг дострел за да може да се брани од руски напади, соопшти денеска францускиот претседател Емануел Макрон во пред почетокот на самитот на НАТО во Вилнус. - Решив да ги зголемам испораките на оружје и опрема за Украина, за да им овозможам да вршат напади длабоко на територијата. Во исто време, ние се придржуваме до нашата доктрина, која има за цел да и овозможи на Украина да ја брани својата територија – рече тој. Портпаролот на рускиот претседател Дмитриј Песков зборувајќи за плановите на Франција рече дека тоа е погрешна одлука. - Секако, останува да се открие за каков дострел се работи. Од наша гледна точка, тоа е погрешна одлука, која ќе има последици за украинската страна, бидејќи, се разбира, ќе нè принуди да преземеме контрамерки, изјави Песков, пренесоа руски медиуми.

Две ракети истрелани од Либан кон Израел

Тале Кристо — Thu, 06 Jul 2023 10:09:12 +0000

Две ракети се истрелани денеска од јужен Либан кон Израел, од кои едната падна на либанска територија, а другата во близина на спорна област на границата, јавија светските агенции, повикувајќи се на три либански безбедносни извори. Израелската војска, како што посочуваат, се уште не ја потврдила информацијата, ниту пак израелските медиуми објавиле извештаи за истрелани ракети, иако тие обично ја прекинуваат својата програма за известување за такви инциденти. Никој не ја презеде одговорноста за наводниот ракетен истрел, а наводите не ги коментираа ниту либанската армија, ниту мировните сили на Обединетите нации во јужен Либан (УНИФИЛ). Инцидентот се случи откако Израел ја заврши една од најголемите воени операции во последниве години на окупираниот Западен Брег, во палестинскиот бегалски камп Џенин.

Шојгу: Украина планира да ја нападне руската територија со ракетите ХИМАРС и Сторм Шадоу

Тале Кристо — Tue, 20 Jun 2023 12:12:25 +0000

Рускиот министер за одбрана Сергеј Шојгу на денешниот состанок на одборот на министерството изјави дека командата на украинските вооружени сили планира да изврши удари врз руска територија, вклучително и на Крим, со ракетите Химарс( HIMARS) и Сторм Шадоу (Storm Shadow). -Според наши информации, раководството на украинските вооружени сили планира да изврши удари на територијата на Руската Федерација, вклучувајќи го и Крим, со ракети „ХИМАРС“ и „Сторм Шадоу, рече рускиот миниостер за одбрана. Највисокиот руски воен функционер нагласи дека употребата на западно оружје надвор од зоната на специјални воени операции ќе предизвика итни руски напади врз центрите за одлучување во Украина. Тој додаде дека таквиот потег ќе значи целосно вклучување на САД и Обединетото Кралство во конфликтот, пренесува руската агенција Тас. Шојгу, исто така, објави дека украинскиот режим ја продолжува својата контраофанзива јужно од Доњецк и во областите Запорожје и Доњецк. Тој тврди дека Украинците ги ангажирале своите елитни единици обучени од НАТО, но и дека користат големи количества оружје што го добивале од Запад. -Од 4 јуни, украинската армија изврши 263 напади врз позициите на руските војници. Благодарение на компетентните, несебични акции на нашите единици, сите беа одбиени, а непријателот не ги постигна целите, рече тој.

Украина: Русите го нападнаа Киев со ракетите Кинжал, сите ги соборивме

Ивона Петрова — Fri, 16 Jun 2023 16:07:24 +0000

Во најновиот руски напад врз Киев беа соборени 12 проектили и двe беспилотни летала, соопшти украинското воздухопловство. Според нив прелиминарните информации покажуваат дека се уништени шест воздушни балистички ракети Кинжал и шест крстосувачки ракети Калибр. Кинжал или Кх-47 се балистички ракети кои се лансираат од воздух и имаат дострел од околу две илјади километри, а се движат со околу десетпати поголема брзина од звукот. Африканската мировна делегација која е денеска во Украина се засолни во хотелско засолниште поради експлозиите. Се очекува јужноафриканскиот претседател Сирил Рамафоса денеска да се сретне со украинскиот претседател Володимир Зеленски, а утре да отпатува за Русија на разговори со Путин.